Genesa 17:7 - BIBELE Mahungu Lamanene

⁷ Ndzi ta endla ntwanano exikarhi ka mina na wena, ni vatukulu va wena lava nga ta sala va hanya endzhaku ka wena; ntwanano lowu wu ta va kona hilaha ku nga heriki, kutani ndzi ta va Xikwembu xa wena ni xa vatukulu va wena.

Xitsonga (Bibele)

⁷ “Kutani ndzi ta tiyisa ntwanano wa mina exikarhi ka mina na wena, ni vatukulu va wena endzhaku ka wena, etinxakeni ta vona, wu va ntwanano lowu nga heriki, ndzi ta va Xikwembu xa wena ni xa vatukulu va wena endzhaku ka wena.

Genesa 17:7 Referans Kwoze

Genesa 26:24

Kutani hi vusiku byebyo, HOSI Xikwembu xi humelela eka yena, xi ku: “Hi mina Xikwembu xa tata wa wena Abrahama; u nga chavi hikuva ndzi na wena, ndzi ta ku katekisa ndzi ku nyika vatukulu lavo tala hikokwalaho ka nandza wa mina Abrahama.”

Timhaka 2:39

hikuva xitshembiso lexi xi endleriwe n'wina ni vana va n'wina, ni va le kule hinkwavo lava nga ta vitaniwa hi Hosi Xikwembu xa hina.”

Genesa 15:18

Hi siku rero, HOSI Xikwembu xi endla ntwanano na Abrama, xi ku ka yena: “Tiko leri, ndzi ta ri nyika vatukulu va wena, ku sukela endzilekaneni wa tiko ra Egipta ku ya fika enambyeni lowukulu wa Yufrata,

Vaheveru 8:10

Lowu hi wona ntwanano lowu ndzi nga ta wu endla ni Vaisraele, endzhaku ka masiku walawo, ku vula Hosi: Ndzi ta nghenisa milawu ya mina emiehleketweni ya vona, ndzi yi tsala etimbilwini ta vona, kutani ndzi ta va Xikwembu xa vona, vona va va vanhu va mina.

Vaheveru 11:16

Kambe, hilaha swi nga hakona, va navela tiko lerinene ku tlula leriya, hileswaku ra le tilweni; hikokwalaho Xikwembu a xi na tingana hi vona loko va xi vula Xikwembu xa vona, hikuva xi va lunghisele muti.

Levhitika 26:12

Ndzi ta va kona exikarhi ka n'wina, ndzi va Xikwembu xa n'wina, na n'wina mi va vanhu va mina.

Genesa 28:13

HOSI Xikwembu a xi yimile etlhelo ka yena, kutani xi ku: “Hi mina HOSI, Xikwembu xa Abrahama na Isaka. Tiko leri u etleleke eka rona ndzi ta ku nyika rona, wena ni vatukulu va wena.

Varhoma 9:4

Ndzi vula Vaisraele, vona lava va nga endliwa vana va Xikwembu, va nyikiweke ku kwetsima ka xona, ni mintwanano, ni Nawu, ni vukhongeri bya xiviri, ni switshembiso.

Marka 10:14

Loko Yesu a swi vona, a vilela ngopfu, a ku ka vona: “Tshikani vana va ta ka mina, mi nga tshuki mi va sivela, hikuva Mfumo wa Xikwembu i wa lava fanaka na vona.

Matewu 22:32

‘Hi mina Xikwembu xa Abrahama, ni Xikwembu xa Isaka, ni Xikwembu xa Yakobo.’ Xona a hi Xikwembu xa lava feke, kambe i Xikwembu xa lava hanyaka.”

Mikiya 7:20

U ta komba ku tshembeka ka wena ni tintswalo ta wena eka va ka Yakobo, vona vatukulu va Abrahama, hilaha u hlambanyeke hakona khale, loko u tshembisa vatata wa hina.

Ezekiele 28:26

Va ta tiakela tindlu va rima ni masimu ya vhinya, va titshamerile hi ku rhula. Leswi swi ta humelela loko ndzi ta va ndzi bile vamatiko hinkwavo lava akelaneke ni Vaisraele, lava va va sandzaka, kutani Vaisraele va ta tiva leswaku HOSI Xikwembu xa vona, hi mina!”

Eksoda 6:4

Nakambe ndzi endlile ntwanano exikarhi ka mina na vona, ndzi va tshembisa ku va nyika tiko ra Kanana, tiko leri a va akile eka rona va ri valuveri.

Eksoda 3:15

Xikwembu xi tlhela xi ku ka Muxe: “U ta byela vanhu va Israele, u ku: ‘HOSI, Xikwembu xa vatata wa n'wina, xi nga Xikwembu xa Abrahama, na Isaka, na Yakobo, xi ndzi rhumile eka n'wina.’ Leri hi rona vito ra mina hilaha ku nga heriki, kutani ndzi ta vitaniwa hi rona eka hinkwavo lava nga ta velekiwa.

Eksoda 3:6

Xi engeta xi ku: “Hi mina Xikwembu xa vatata wa wena, xi nga Xikwembu xa Abrahama, na Isaka, na Yakobo.” Kavaloko Muxe a tisiva mombo, hikuva a a chava ku languta Xikwembu.

Vaefesa 2:2

Eminkarhini yoleyo, a mi hanya eka swona, loko ma ha landza mikhuva leyo biha ya misava leyi. A mi ri ehansi ka ndhuna leyi fumaka mimoya ya le henhla empfhukeni, wu nga moya lowu tirhaka nasweswi exikarhi ka vanhu lava nga yingisiki Xikwembu.

Pisalema 81:10

Hi mina HOSI Xikwembu xa n'wina lexi xi mi humeseke etikweni ra Egipta: kangatelani mavoko ya n'wina, ndzi ta mi phamela.

Genesa 6:18

Kambe ndzi ta endla ntwanano na wena; kutani u ta nghena engalaveni wena, ni nsati wa wena, ni vana va wena, ni vasati va vona.

Genesa 17:13

Mahlonga hinkwawo lama velekeriweke emitini ya n'wina kumbe lawa mi ma xaveke hi mali, ma fanele ku yimbisiwa. Hi ndlela leyi, mfungho wa ntwanano wa mina lowu nga heriki, wu ta va enyameni ya n'wina.

Genesa 17:19

Xikwembu xi hlamula xi ku: “E-e, Sara nsati wa wena ú ta ku velekela n'wana wa mufana, kutani wena u ta n'wi thya vito ra Isaka. Ndzi ta endla ntwanano na yena, wu va ntwanano lowu nga ta va kona hilaha ku nga heriki exikarhi ka mina ni vatukulu va yena lava nga ta velekiwa.

Eksoda 6:7

Naswona ndzi ta mi endla vanhu va mina, mina ndzi va Xikwembu xa n'wina; kutani mi ta swi tiva leswaku hi mina HOSI Xikwembu xa n'wina, lexi nga ta mi humesa emintirhweni yo tika ya le Egipta.

Levhitika 11:45

Hi mina HOSI Xikwembu; ndzi mi humesile etikweni ra Egipta leswaku ndzi va Xikwembu xa n'wina; hikokwalaho mi fanele ku va lava hlawulekeke, hikuva mina ndzi hlawulekile.”

Levhitika 25:38

Hi mina HOSI Xikwembu xa n'wina. Ndzi mi humesile etikweni ra Egipta leswaku ndzi ta mi nyika tiko ra Kanana, ni leswaku ndzi ta va Xikwembu xa n'wina.

Levhitika 26:9

Ndzi nga ka ndzi nga mi tshiki; ndzi ta endla leswaku mi va ni vana lavo tala, ndzi tlhela ndzi tiyisa ni ntwanano lowu ndzi wu endleke na n'wina.

Levhitika 26:45

Ndzi ta va twela vusiwana, ndzi tsundzuka ntwanano lowu ndzi wu endleke ni vatata wa vona loko ndzi va humesile etikweni ra Egipta, vamatiko va ri karhi va swi vona, leswaku ndzi ta va Xikwembu xa vona: Hi mina HOSI.”

Duteronoma 29:13

Namuntlha ntwanano lowu wu ta tiyisa leswaku mi vanhu va xona, ni leswaku xona i Xikwembu xa n'wina, hilaha xi mi tshembiseke hakona ni ku hlambanyela vatata wa n'wina Abrahama na Isaka na Yakobo.

Vaavanyisi 2:1

Ntsumi ya HOSI Xikwembu yi suka emutini wa Giligala, yi tlhandlukela emutini wa Bokimi, yi fika yi byela Vaisraele, yi ku: “Ndzi mi humesile etikweni ra Egipta, ndzi mi tisa etikweni leri ndzi hlambanyeke leswaku ndzi ta ri nyika vatata wa n'wina. Kutani ndzi mi byerile ndzi ku: ‘Ndzi nga ka ndzi nga tshovi ntwanano wa mina na n'wina;

Esaya 61:8

HOSI Xikwembu xi ri: “Mina HOSI, ndzi rhandza ku lulama; lava tekelaka van'wana swa vona ni ku endla leswo homboloka, ndza va venga. Vanhu va mina, a ndzi nga va tsoni hakelo ya vona, ndzi ta endla na vona ntwanano lowu nga ta va kona hilaha ku nga heriki.

Yeremiya 31:1

HOSI Xikwembu xi ri: “Enkarhini wa kona, ndzi ta va Xikwembu xa Vaisraele hinkwavo, kutani vona va ta va vanhu va mina.

Genesa 9:16

Loko nkwangulatilo wu humelela emapapeni, ndzi ta wu vona, kutani ndzi ta tsundzuka ntwanano lowu nga kona hilaha ku nga heriki exikarhi ka mina Xikwembu ni swivumbiwa hinkwaswo leswi hanyaka emisaveni.”

Levhitika 26:44

Hambiswiritano, loko va ri ematikweni ya valala va vona a ndzi nga va tshiki, kumbe ku nyangatseka ndzi va herisela makumu, hikuva sweswo swi nga herisa ntwanano lowu ndzi wu endleke na vona: Hi mina HOSI, Xikwembu xa vona.

2 SAMIELE 7:24

U simekile vanhu va Israele leswaku va va vanhu va wena hilaha ku nga heriki, we HOSI Xikwembu, kutani u vile Xikwembu xa vona.

1 TIKRONIKA 16:13

Ndzi vula n'wina vatukulu va Abrahama nandza wa HOSI, n'wina va ka Yakobo mi hlawuriweke hi yona.

1 TIKRONIKA 16:14

HOSI hi yona yi nga Xikwembu xa hina, ku fuma ka xona ku eneta misava hinkwayo.