Genesa 17:6 - BIBELE Mahungu Lamanene

⁶ Ndzi ta endla leswaku u va ni vatukulu va ntsandza-vahlayi; eka wena ndzi ta humesa vanhu va matiko layo tala; hambi ti ri tihosi ti ta huma eka wena.

Xitsonga (Bibele)

⁶ Kutani ndzi ta ku andzisela vana ngopfungopfu, ndzi endla matiko ha wena, ni tihosi ti ta huma eka wena.

Genesa 17:6 Referans Kwoze

Genesa 17:4

“Vona, ndzi ta endla ntwanano na wena: Hi wena u nga ta va tata wa vanhu va matiko layo tala.

Genesa 35:11

Kutani Xikwembu xi ku: “Hi mina Xikwembu-xa-matimba-hinkwawo. Tswalanani mi andza, mi va tiko. Eka wena ku ta huma vanhu va matiko layo tala, hambi ti ri tihosi ti ta huma eka wena.

Genesa 17:16

Ndzi ta n'wi katekisa, ndzi endla leswaku a ku velekela n'wana wa mufana. Ú ta va mana wa vanhu va matiko layo tala, a veleka ni tihosi, hikwalaho ka leswi ndzi n'wi katekiseke.”

Ezra 4:20

Naswona a ku ri ni tihosi ta matimba eYerusalema, ti fuma xifundzha hinkwaxo xa le vupeladyambu bya nambu wa Yufrata, kutani xibalo ni ndzuvo a to teka swi va swa tona.

Genesa 17:20

Loko xi ri xikombelo xa wena hi tlhelo ra Iximaele, ndzi xi twile; ndzi ta n'wi katekisa ndzi n'wi nyika vatukulu lavo tala swinene. Ndzi ta n'wi endla tiko lerikulu, a va tata wa tihosi ta 12.

Genesa 26:22

Kutani Isaka a suka a famba a ya cela xihlovo xin'wana, kambe lexi a xa ha va holovisanga; hikokwalaho, xihlovo lexi a xi thya vito ra Rehoboto (hileswaku: “Ndhawu-yo-anama”), hikuva a a ku: “Sweswi HOSI Xikwembu xi hi nyikile ndhawu, kutani hi ta andza etikweni.”

Genesa 28:3

Xikwembu-xa-matimba-hinkwawo a xi ku katekise, xi ku nyika vatukulu lavo tala swinene leswaku u va tata wa vanhu va ntsandza-vahlayi.

Genesa 41:52

Kutani Yosefa a thya n'wana wa yena wa vumbirhi evito ra Efrayimi, hikuva a a ku: “Xikwembu xi ndzi nyikile vana etikweni leri ndzi xanisekeke eka rona.”

Genesa 47:27

Va ka Yakobo va tshamile etikweni ra Egipta, emugangeni wa Goxeni lowu va wu tekeke wu va wa vona. Kutani va sungula ku tswalana, va andza swinene.

Levhitika 26:9

Ndzi nga ka ndzi nga mi tshiki; ndzi ta endla leswaku mi va ni vana lavo tala, ndzi tlhela ndzi tiyisa ni ntwanano lowu ndzi wu endleke na n'wina.

Genesa 13:16

Ndzi ta endla leswaku vatukulu va wena va tala ku fana ni ntshuri wa misava, kutani a ku nga vi na munhu loyi a nga ta kota ku va hlaya, hikuva ntshuri wa misava a wu hlayeki.

Genesa 48:3

Kutani a ku ka Yosefa: “Xikwembu-xa-matimba-hinkwawo xi tikombisile eka mina emutini wa Luzi le Kanana, xi tlhela xi ndzi katekisa,

Genesa 48:4

xi ku: ‘Vona, ndzi ta ku nyika vatukulu lavo tala, u va tata wa vanhu va ntsandza-vahlayi, naswona tiko leri, ndzi ta ri nyika vatukulu va wena leswaku ri va ra vona hilaha ku nga heriki.’