Genesa 17:1 - BIBELE Mahungu Lamanene

¹ Loko Abrama a ri ni malembe ya 99, HOSI Xikwembu xi humelela eka yena, xi ku: “Hi mina Xikwembu-xa-matimba-hinkwawo; u fanele ku hanya emahlweni ka mina, u ndzi yingisa hi ku hetiseka.

Xitsonga (Bibele)

¹ Kuteloko Abrama a hanyile malembe ya 99, Yehovha a tikombisa eka Abrama, a ku eka yena: “Hi mina Xikwembu xa matimba hinkwawo.

Genesa 17:1 Referans Kwoze

Vafilipiya 4:13

Ndzi nga endla hinkwaswo hi matimba ya Loyi a ndzi tiyisaka.

Vaefesa 3:20

Eka yena loyi a kotaka ku endla, hi matimba lama tirhaka eka hina, ku tlula ngopfu swinene hinkwaswo leswi hi nga swi kombelaka, kumbe leswi hi nga swi ehleketaka,

Genesa 6:9

Leti i timhaka ta va ka Nowa. Nowa a a ri munhu wo lulama, loyi a a tsakisa Xikwembu ku tlula vanhu hinkwavo lava a va ri kona emisaveni; naswona a a ri ni xinakulobye ni Xikwembu.

Luka 1:6

Ha vambirhi a va lulamile emahlweni ka Xikwembu, a va famba emilawini hinkwayo ya Hosi ni le swilerisweni swa yona, va ri hava xisolo.

Pisalema 116:9

Hikokwalaho ndzi ta famba emahlweni ka wena, emisaveni ya lava hanyaka.

Matewu 5:48

Hikwalaho ke, na n'wina mi fanele ku hetiseka, hilaha Tata wa n'wina wa le tilweni na yena a hetisekeke.

Esaya 38:3

a ku: “We HOSI, ndza ku khongela, tsundzuka hilaha ndzi hanyeke hakona emahlweni ka wena, hi ku tshembeka ni mbilu yo basa, ndzi ri karhi ndzi endla leswi lulameke emahlweni ka wena.” Kutani Hezekiya a rila swinene.

Ntirho 1:1

Khale, etikweni ra Usi, a ku ri ni munhu wo lulama wa mahanyelo lamanene, loyi a va ku i Yobo; munhu loyi a a tirhela Xikwembu, a fularhela leswo biha.

Genesa 18:14

Xana xi kona lexi xi nga tsandzaka mina HOSI xana? Haxawu, hi nkarhi lowu ndzi wu vekeke, ndzi ta tlhela ndzi vuya eka wena; Sara ú ta va a ri na n'wana wa mufana.”

Duteronoma 18:13

Mi nga tshuki mi va ni leswi solekaka emahlweni ka HOSI Xikwembu xa n'wina:

Matewu 19:26

Yesu a va langutisisa, a ku: “Loko va ri vanhu, leswi swa va tsandza, kambe Xikwembu xona a xi tsandzi hi nchumu.”

Yeremiya 32:17

‘We HOSI N'wini wanga, u tumbuluxile matilo ni misava hi ntamu lowukulu ni mintirho ya wena ya matimba. A wu tsandziwi hi nchumu!

Genesa 28:3

Xikwembu-xa-matimba-hinkwawo a xi ku katekise, xi ku nyika vatukulu lavo tala swinene leswaku u va tata wa vanhu va ntsandza-vahlayi.

2 TIHOSI 20:3

“We HOSI ndza ku khongela, tsundzuka hilaha ndzi hanyeke hakona emahlweni ka wena, hi ku tshembeka ni mbilu yo basa, ndzi ri karhi ndzi endla leswi lulameke emahlweni ka wena.” Kutani Hezekiya a rila swinene.

1 TIHOSI 3:6

Solomoni a hlamula a ku: “U kombisile rirhandzu lerikulu eka tata wa mina Davhida nandza wa wena, hikuva tatana ú hanyile emahlweni ka wena hi ndlela yo tshembeka ni yo lulama, ni mbilu yo tenga. Kutani rirhandzu lerikulu leri, a ri welanga ehansi leswi u n'wi nyikeke n'wana, a nga mina loyi namuntlha ndzi tekaka vuhosi bya tatana.

Mikiya 6:8

Mikiya a hlamula a ku: “N'wina vanhu, mi byeriwile leswinene leswi HOSI Xikwembu xi lavaka leswaku mi endla swona: I ku endla leswi lulameke, mi tshembeka minkarhi hinkwayo, mi hanya hi ku titsongahata emahlweni ka Xikwembu xa n'wina!”

Genesa 35:11

Kutani Xikwembu xi ku: “Hi mina Xikwembu-xa-matimba-hinkwawo. Tswalanani mi andza, mi va tiko. Eka wena ku ta huma vanhu va matiko layo tala, hambi ti ri tihosi ti ta huma eka wena.

Vaheveru 7:25

Hikokwalaho, wa swi kota minkarhi hinkwayo ku ponisa lava tshinelelaka Xikwembu ha yena, leswi a hanyaka hi masiku hinkwawo ni ku va khongelela.

Vaheveru 12:28

Hikokwalaho, a hi nkhenseni, leswi hi kumeke mfumo lowu nga tsekatsekiki, kutani hi mukhuva lowu, a hi gandzeleni Xikwembu hi ndlela leyi amukelekaka, hi ku titsongahata ni xichavo.

Timhaka 24:16

Hikokwalaho ndzi ringeta hi matimba, masiku hinkwawo, ku kumeka ndzi ri la ntshunxekeke eripfalweni ra mina, emahlweni ka Xikwembu ne mahlweni ka vanhu.

Genesa 48:15

Kutani Yakobo a katekisa Yosefa, a ku: “Xikwembu lexi vatata wa mina Abrahama na Isaka va xi tirheleke, xi nga Xikwembu lexi xi ndzi hlayiseke vutomi bya mina hinkwabyo,

Genesa 12:1

HOSI Xikwembu xi ku ka Abrama: “Suka etikweni ra rikwenu, u hambana ni maxaka ya wena ni va ka n'wina hinkwavo, u ya etikweni leri ndzi nga ta ku komba rona.

Genesa 5:24

Enoko ú hanyile a ri ni xinakulobye na Xikwembu, kutani a nyamalala, hikuva Xikwembu a xi n'wi tekile.

Timhaka 23:1

Pawulo a honokela huvo, a ku: “N'wina varikwerhu, ndzi hanyile ndzi ri la ntshunxekeke swinene eripfalweni ra mina ni le mahlweni ka Xikwembu, ku fikela siku ra namuntlha.”

Pisalema 115:3

Xikwembu xa hina xi le matilweni, xi tirha hi ku rhandza;

Ntirho 11:7

“Xana u nga twisisa leswi Xikwembu-xa-matimba-hinkwawo xi nga swona xana? Xana u nga tiva laha matimba ya xona ma helelaka kona xana?

1 TIHOSI 2:4

Naswona, HOSI yi ta hetisa leswi yi ndzi tshembiseke swona loko yi te: ‘A wu nga pfumali ntukulu wa yindlu ya wena la nga ta teka vuhosi bya Israele, ni siku ni rin'we, loko vatukulu va wena va tikhoma emahanyelweni ya vona, ni loko va hanyela ntiyiso emahlweni ka mina, hi timbilu ta vona hinkwato ni mimoya ya vona hinkwayo.’

Duteronoma 10:17

HOSI Xikwembu xa n'wina, hi xona xi nga henhla ka swikwembu hinkwaswo, i hosi ya tihosi; hi xona Xikwembu lexikulu xa matimba, lexi chavisekaka; a xi yi hi nghohe, naswona a xi pfumeli ku xaviwa.

Tinhlayo 11:23

Kutani HOSI Xikwembu xi hlamula Muxe xi ku: “Xana matimba ya mina ma lo hungutiwa xana? Sweswi wena hi wexe u ta vona hi loko leswi ndzi ku byelaka swona swi humelela, kumbe swi nga humeleli!”

Eksoda 6:3

Loko ndzi tikombile eka Abrahama, ni le ka Isaka, ni le ka Yakobo, a ndzi tivula ‘Xikwembu-xa-matimba-hinkwawo’; kambe a ndzi titivisanga eka vona hi vito ra mina ra ‘HOSI’.

Genesa 18:1

Siku rin'wana ninhlekanhi, dyambu ri ri karhi ri hisa, HOSI Xikwembu xi humelela eka Abrahama le ka Minkuhlu ya Mamre, xi n'wi kuma a tshamile enyangweni ya ntsonga wa yena.

Genesa 12:7

Kutani HOSI Xikwembu xi humelela eka Abrama xi ku ka yena: “Tiko leri, ndzi ta ri nyika vatukulu va wena.” Hiloko Abrama a aka alitari, a akela HOSI Xikwembu lexi humeleleke eka yena.

Daniele 4:35

Vanhu hinkwavo va misava a hi nchumu emahlweni ka yena, lava akeke emisaveni, ni swivumbiwa hinkwaswo swa le tilweni, swi fumiwa hi yena. Ku hava loyi a nga n'wi sivelaka, kumbe loyi a nga n'wi vutisaka a ku: ‘U endla yini xana?’

1 TIHOSI 8:25

Sweswi we HOSI, Xikwembu xa Israele, hlayisa leswi u swi tshembiseke tata wa mina Davhida, nandza wa wena. U te eka yena: ‘Emutini wa wena, a ku nga pfumaleki munhu ni siku ni rin'we, loyi a nga ta fuma Vaisraele hi vito ra mina, loko vatukulu va wena va tivonela ku hanya emahlweni ka mina ku fana na wena, va hlayisa nawu wa mina.’

Genesa 16:16

Loko Hagara a kuma n'wana, Abrama a a ri ni malembe ya 86.

Genesa 5:22

Endzhaku ka loko Enoko a velekile Metuxela, ú hanyile malembe ya 300 a ri ni xinakulobye na Xikwembu. Ú vile ni van'wana vana va xinuna ni va xisati.

Genesa 24:40

Kambe yena a ku ka mina: ‘HOSI Xikwembu lexi ndzi xi tirhelaka xi ta rhumela ntsumi ya xona yi famba na wena, xi katekisa ni riendzo ra wena; kutani wena u ta ya tekela n'wananga ensati exiharhi ka va ka hina etikweni ra rikwerhu.

Genesa 26:2

Hiloko HOSI Xikwembu xi humelela eka yena xi ku: “U nga tshuki u ya etikweni ra Egipta, kambe tshama kwala tikweni leri ndzi ku kombaka rona.

Genesa 43:14

Xikwembu-xa-matimba-hinkwawo a xi endle leswaku munhu loyi a mi tsetselela, a mi pfumelela ku vuya na makwenu lowun'wana, na Benjamini, kambe loko va lava ku ndzi dlayela vana, a va va dlaye!”

Genesa 46:3

Hiloko xi ku ka yena: “Hi mina Xikwembu, xona Xikwembu xa tata wa wena. U nga tshuki u chava ku ya etikweni ra Egipta, hikuva loko u ri kwale, ndzi ta ku endla tiko lerikulu.

Duteronoma 30:20

Rhandzani HOSI Xikwembu xa n'wina, mi endla leswi xi mi byelaka swona, mi xi namarhela. Loko mi endla sweswo, mi ta va ni vutomi, mi hanya masiku layo tala, mi tshama etikweni leri HOSI Xikwembu xi hlambanyeke ku ri nyika vatata wa n'wina Abrahama na Isaka na Yakobo.”

Pisalema 25:14

HOSI Xikwembu i nakulobye wa lava va xi chavaka, xi va tivisa leswi ntwanano wa xona wu lavaka swona.

Genesa 48:3

Kutani a ku ka Yosefa: “Xikwembu-xa-matimba-hinkwawo xi tikombisile eka mina emutini wa Luzi le Kanana, xi tlhela xi ndzi katekisa,

Tinhlayo 24:16

loyi a twaka leswi Xikwembu xi vulaka swona, ú vurisa sweswo; loyi Xikwembu xa le henhla-henhla xi n'wi nyikeke vutivi, yena loyi Xikwembu-xa-matimba-hinkwawo xi n'wi kombaka xivono, loyi a xikeriwaka hi Moya a ri karhi a hanyanya, ú vurisa sweswo ú ri:

Swivuriso 10:9

Ku hanya eku tshembekeni i ku hanya eku hlayisekeni, kambe loyi tindlela ta yena ti gombonyokeke, ú ta kumiwa.