Genesa 16:5 - BIBELE Mahungu Lamanene

⁵ Kutani Sarayi a ku ka Abrama: “Hi wena u faneleke ku vona mhaka ya ku xanisiwa ka mina! Ndzi nyiketile Hagara eka wena, kambe ú lo na vona leswaku ú tikile, o sungula ku ndzi langutela hansi. HOSI Xikwembu a xi ve xona xi avanyisaka mhaka ya kona.”

Xitsonga (Bibele)

⁵ Kutani Sarayi a byela Abrama, a ku: “Ku sandziwa ka mina ku va ehenhla ka wena. Ndzi veke khumbi ranga exifuveni xa wena; kutani, kuteloko a vone leswaku u tikile, a sungula ku ndzi sola. A ku avanyise Xikwembu exikarhi ka mina na wena!”

Genesa 16:5 Referans Kwoze

Genesa 31:53

Xikwembu xa Abrahama, ni Xikwembu xa Nahoro, a swi ve swona leswi nga ta hi avanyisa.” Kutani Yakobo a hlambanya emahlweni ka Xikwembu lexi Isaka tata wa yena a xi chavaka.

Eksoda 5:21

Kutani ti ku ka vona: “HOSI Xikwembu a xi mi xiyisise, xi mi ba, hikuva mi hi venganisile na Faro ni malandza ya yena, mi va pfulela ni ndlela yo hi dlaya ha yona.”

Pisalema 35:23

We Xikwembu xanga, suka u yima u ndzi vulavulela, u ndzi biyelela emhakeni ya mina, we N'wini wanga.

Pisalema 7:8

We HOSI, hi wena u avanyisaka vanhu; yima na mina loko u avanyisa, hikuva ndzi munhu wo lulama, ni nandzu ndzi hava.

2 TIKRONIKA 24:22

Siku hosi Yowasi a dlayaka Zakariya, a a rivarile tintswalo leti Yoyada tata wa Zakariya a n'wi endleleke tona. Kambe loko Zakariya a ri karhi a hlala, a huwelela a ku: “We HOSI, languta leswi endliwaka, u rihiseta!”

Pisalema 43:1

We Xikwembu, ndzi avanyisele mhaka ya mina, u ndzi lwela eka vanhu lava nga khongeriki; ndzi lamulele eka vanhu lavo homboloka, lava kanganyisaka.

Genesa 16:4

Hiloko Abrama a ya tivana na Hagara, kutani Hagara a tika. Loko Hagara a vona leswaku ú tikile, a sungula ku langutela n'wini wa yena Sarayi ehansi.

Vaavanyisi 11:27

Mina a ndzi ku dyohelanga, kutani loko wo ta u ta lwa na mina, u ta va u ndzi hoxela. Namuntlha, HOSI Xikwembu, xona muavanyisi, a xi tseme mhaka ya Vaisraele ni Vaamoni.”

Yeremiya 51:35

Muti wa Babilona a wu biwe, hikuva wu hi xanisile ngopfu, hina hinkwerhu hi akeke eSiyoni. Vanhu va tiko ra Kalediya a va dlayiwe, hikwalaho ka ngati ya hina leyi va yi halateke, ku vula mina Yerusalema.”

1 SAMIELE 24:16

Loko Davhida a hetile ku vulavula, Sawulo a ku ka yena: “Davhida n'wananga! Xana i rito ra wena leri xana?” Kavaloko Sawulo a tlhaveka a rila,