Genesa 16:13 - BIBELE Mahungu Lamanene

¹³ Kutani Hagara a thya HOSI Xikwembu lexi vulavuleke na yena evito ra “Xikwembu-lexi-voniwaka”, hikuva a a ku: “Xana ndzi nga va ndzi vonile Xikwembu hakunene, ndzi tama ndza ha hanya xana?”

Xitsonga (Bibele)

¹³ Kutani a thya Yehovha la vulavuleke na yena vito ra Atta-el-royi (Xikwembu lexi ndzi vonaka), hikuva a a ku: “Kasi xana ndzi vonile kokwala Xikwembu lexi, xi ri karhi xi ndzi vona.”

Genesa 16:13 Referans Kwoze

Genesa 32:30

Hikokwalaho, Yakobo a thya ndhawu leyi vito ra Penuwele (hileswaku: “Mombo-wa-Xikwembu”), hikuva a a ku: “Ndzi vonile mombo wa Xikwembu, kambe ndza ha hanya.”

Swivuriso 5:21

Tsundzuka leswaku HOSI Xikwembu xi languta mikhuva ya vanhu hinkwavo, xi kambisisa mintirho ya vona hinkwayo.

Swivuriso 15:3

HOSI Xikwembu xi languta matlhelo hinkwawo, xi xiyaxiya va mintirho leyo biha ni va mintirho leyinene.

Genesa 31:42

Loko Xikwembu xa tatana, xona Xikwembu xa Abrahama lexi Isaka a xi chavaka, a xi nga yimanga na mina, wena a wu ta va u ndzi hlongorile ndzi suka eka wena ndzi nga ri na nchumu. Xikwembu xi vonile ku xaniseka ka mina, ni leswi a ndzi tirha swona eka wena, kutani vusiku bya tolo xi ku tshinya.”

Genesa 16:7

Loko Hagara a ri exihlobyeni lexi nga mananga, endleleni yo ya eXuru, a kumiwa hi ntsumi ya HOSI Xikwembu,

Genesa 22:14

Kutani Abrahama a thya ndhawu leyi vito ra “HOSI-yita-swi-vona”; ni namuntlha vanhu va ha vula va ku: “Entshaveni ya HOSI, swi ta voniwa.”

Genesa 28:17

Kutani a sungula ku chava a ku: “Ndhawu leyi ya hlamarisa swinene! Leyi yo va yona yindlu ya Xikwembu, naswona yo va yona nyangwa ya tilo!”

Vaavanyisi 6:24

Kutani Gidiyoni a akela HOSI Xikwembu alitari exivandleni xexo, a yi thya vito ra “HOSI-i-ku-rhula”. Alitari ya kona ya ha ri kona ni namuntlha le Ofira, emutini wa va ka Abiezere.

Eksoda 24:11

HOSI Xikwembu a xi endlanga nchumu eka varhangeri lava va Israele, kambe va xi vonile, kutani va tshama ehansi va dya, ni ku tima torha.

Genesa 32:31

Loko dyambu ri huma, Yakobo a suka ePenuwele, a ri karhi a khwita hikwalaho ka ku suriwa nyonga.