Genesa 16:11 - BIBELE Mahungu Lamanene

¹¹ Ntsumi ya HOSI Xikwembu yi tlhela yi ku: “Languta, u tikile, kutani u ta veleka n'wana wa mufana; n'wana loyi u ta n'wi thya vito ra Iximaela, hikuva Xikwembu xi ku hlamurile eku xanisekeni ka wena.

Xitsonga (Bibele)

¹¹ Ntsumi ya Yehovha yi tlhela yi ku eka yena: “Waswivo, u ni nyimba, kutani u ta veleka n'wana wa wanuna; u ta n'wi thya vito ra Iximaele (Xikwembu xa yingisa), hikuva Yehovha u twile ku vaviseka ka wena.

Genesa 16:11 Referans Kwoze

Eksoda 3:7

Kutani HOSI yi ku: “Ndzi vonile hilaha vanhu va mina lava nga tikweni ra Egipta va xanisiwaka hakona; ndzi twile ni swirilo swa vona hikwalaho ka vafambisi va mintirho, ndzi twisisa ku xaniseka loku va nga na kona.

Esaya 7:14

Sweswi, N'wini wa hinkwaswo ú lava ku mi nyika xikombiso: Ku na nhwana loyi a tikeke; ú ta veleka n'wana wa mufana, a n'wi thya vito ra Emanuwele.

1 SAMIELE 1:20

a tika, kutani loko nkarhi wa yena wu fikile, a kuma n'wana wa mufana, a n'wi thya vito ra Samiele, hikuva a a ku: “Ndzi n'wi komberile eka HOSI Xikwembu.”

Genesa 17:19

Xikwembu xi hlamula xi ku: “E-e, Sara nsati wa wena ú ta ku velekela n'wana wa mufana, kutani wena u ta n'wi thya vito ra Isaka. Ndzi ta endla ntwanano na yena, wu va ntwanano lowu nga ta va kona hilaha ku nga heriki exikarhi ka mina ni vatukulu va yena lava nga ta velekiwa.

Luka 1:63

Kuteloko a kombele ribye, a tsala leswi: “Vito ra yena i Yohane.” Kutani va hlamala hinkwavo.

Ntirho 38:41

I mani la tiselaka mawukuwuku swakudya swa wona; loko mavondlo ya wona ma hela matimba hi ku twa ndlala, ma rila eka mani ke?”

Eksoda 3:9

Kutani sweswi, leswi ku rila ka vanhu va Israele ku fikeke etindleveni ta mina, ni leswi ndzi voneke hilaha vanhu va Egipta va va xanisaka hakona,

Luka 1:31

Vona, u ta tika, kutani u ta veleka n'wana wa mufana; u ta n'wi thya vito ra Yesu.

Luka 1:13

Kambe ntsumi yi ku ka yena: “U nga chavi Zakariya, hikuva ku khongela ka wena ku yingisiwile; Elizabeta, nsati wa wena, ú ta ku velekela n'wana wa mufana, kutani u ta n'wi thya vito ra Yohane,

Pisalema 22:24

hikuva a xi solanga loyi a nga nhlomulweni, kumbe ku n'wi honisa; a xi n'wi fularhelanga, kambe xi n'wi yingisile loko a huwelela eka xona.”

Genesa 37:25

Kutani va ya tshama ehansi va dya swakudya. Kuteloko va tlakusa mahlo, va vona ntlawa wa Vaiximaele lava a va huma eGiliyadi, va ri ni tikamela leti rhwaleke mirhi ya nkoka ni ya risuna ya tinxaka-xaka, va yi yisa etikweni ra Egipta.

Genesa 21:17

Xirilo xa xifanyetana lexi xi fikile etindleveni ta Xikwembu, kutani ntsumi ya Xikwembu yi huwelela Hagara yi ri etilweni, yi ku ka yena: “Hagara, u karhata hi yini xana? U nga chavi hikuva Xikwembu xi twile xirilo xa xifanyetana kwale hansi ka ximudyana.