Genesa 15:7 - BIBELE Mahungu Lamanene

⁷ Kutani HOSI Xikwembu xi ku ka Abrama: “Hi mina HOSI Xikwembu lexi xi ku humeseke emutini wa Uru etikweni ra Vakalediya, leswaku ndzi ta ku nyika tiko leri ri va ra wena.”

Xitsonga (Bibele)

⁷ Yehovha a engeta, a ku: “Hi mina Yehovha, la nga ku humesa eUru wa Kalediya, ku ta ku nyika tiko leri, u ri fuma.”

Genesa 15:7 Referans Kwoze

Genesa 12:1

HOSI Xikwembu xi ku ka Abrama: “Suka etikweni ra rikwenu, u hambana ni maxaka ya wena ni va ka n'wina hinkwavo, u ya etikweni leri ndzi nga ta ku komba rona.

Varhoma 4:13

A ku nga ri hi mhaka ya ku yingisa Nawu, loko Abrahama ni vatukulu va yena va tshembisiwile leswaku misava yi ta va ndzhaka ya vona, kambe a ku ri hikwalaho ka ku lulama loku nyikiwaka hi mhaka ya ku pfumela.

Pisalema 105:44

Xi va nyikile tiko ra vanhu vambe, va dya mihandzu ya nyuku wa van'wana.

Pisalema 105:42

Hakunene, Xikwembu a xi rivalanga rito ra xona lero hlawuleka, leri xi ri hlambanyeleke Abrahama nandza wa xona.

Pisalema 105:11

Kutani xi tibohile xi ku: “Ndzi ta mi nyika tiko ra Kanana, ndzi mi avela rona ri va ra n'wina.”

Genesa 12:7

Kutani HOSI Xikwembu xi humelela eka Abrama xi ku ka yena: “Tiko leri, ndzi ta ri nyika vatukulu va wena.” Hiloko Abrama a aka alitari, a akela HOSI Xikwembu lexi humeleleke eka yena.

Genesa 28:4

Xikwembu a xi ku nyike minkateko ya Abrahama, wena ni vatukulu va wena, leswaku u teka tiko leri u luveleke eka rona ri va ra wena, ri nga tiko leri Xikwembu xi ri nyikeke Abrahama!”

Genesa 50:24

Kutani Yosefa a ku ka vamakwavo: “Ndzi le kusuhi ni ku fa, kambe Xikwembu xi ta ta xi ta mi kutsula, xi mi humesa etikweni leri, xi mi yisa etikweni leri xi ri tshembiseke Abrahama na Isaka na Yakobo.”

Duteronoma 9:5

Loko mi kota ku nghena etikweni leriya, mi ri teka ri va ra n'wina, a hi mhaka ya leswaku mi vanhu lavanene, lava endleke leswi lulameke, e-e! HOSI Xikwembu xa n'wina xi ta hlongola vanhu lava va suka emahlweni ka n'wina hi mhaka ya leswi va hombolokeke; hi mukhuva wolowo, xi ta tiyisa ku hlambanya ka xona eka vatata wa n'wina Abrahama na Isaka na Yakobo.

Eksoda 32:13

Tsundzuka malandza ya wena Abrahama, na Isaka, na Yakobo lava wena hi xiviri xa wena u va tshembiseke hi ku hlambanya, u ku: ‘Ndzi ta andzisa vatukulu va n'wina va tala ku fana ni tinyeleti, na rona tiko hinkwaro leri ndzi ri tshembiseke ndzi ta ri nyika vatukulu va n'wina, ri va ndzhaka ya vona hilaha ku nga heriki.’ ”

Tinhlayo 33:53

mi ta teka tiko ra vona mi tshama eka rona, hikuva tiko leri ndzi mi nyikile rona leswaku ri va ra n'wina.

Duteronoma 3:18

“Enkarhini wolowo, ndzi va lerisile ndzi ku: ‘HOSI Xikwembu xa n'wina xi mi nyikile tiko leri ri va ra n'wina. Masocha ya n'wina hinkwawo ma fanele ku pela nambu wa Yordani ma hlomile, ma rhangela Vaisraele, vona vamakwenu.