Genesa 15:2 - BIBELE Mahungu Lamanene

² Kambe Abrama a hlamula a ku: “We Xikwembu N'wini wanga, xana u to ndzi nyika yini, hikuva ku fikela sweswi a ndzi si va na n'wana, kutani loyi a nga ta dya ndzhaka ya mina i Eliezere wa le Damaska.”

Xitsonga (Bibele)

² Abrama a ku: “Hosi Yehovha, u ta ndzi nyika yini-ke? Ndza tifambela ndzi nga ri na vana, ni mudyandzhaka wa yindlu yanga, hi loyi Eliezere wa Damaska.”

Genesa 15:2 Referans Kwoze

Timhaka 7:5

A xi n'wi hanga ndzhaka etikweni rero, hambi xi ri xivandlanyana lexi ringanaka ku anama ka nkondzo; kambe xi n'wi tshembisile ku n'wi nyika rona, ri va ra yena ni ra vatukulu va yena endzhaku ka yena; kasi, enkarhini wolowo, a a nga ri na n'wana.

Genesa 25:21

Rhaveka nkata Isaka a a ri mhika, kutani Isaka a n'wi khongelela eka HOSI, kutani HOSI yi hlamula xikhongelo xa yena, Rhaveka nsati wa yena a tika.

Esaya 56:5

ndzi ta va nyika leswo saseka ku tlula ku va ni vana va xinuna ni va xisati, ri nga ribye ra xitsundzuxo leri tsariweke mavito ya vona, ri vekiwa endzeni ka Tempele ya mina, kutani va nga ka va nga rivariwi ni siku ni rin'we.

Swivuriso 17:2

N'wana wa mahanyelo yo khomisa tingana, ú ta fumiwa hi nandza la tlhariheke, ndzhaka leyi a a ta avelana ni vamakwavo, yi ta kuma hi nandza wa kona.

Pisalema 127:3

Vana va xinuna i nyiko yo huma eka HOSI, hakunene ku va ni vana i nkateko.

1 SAMIELE 1:11

a tiboha hi ku hlambanya a ku: “Wena HOSI ya matimba hinkwawo, loko hakunene wo vona maxangu ya mina nandza wa wena, ni loko u ndzi anakanya, ni loko u nga rivali mina nandza wa wena, kambe u ndzi nyika n'wana wa mufana, ndzi ta ku nyika yena a va wa wena HOSI, vutomi bya yena hinkwabyo; naswona a nga ka a nga byewuriwi misisi ni siku ni rin'we.”

Genesa 44:1

Kutani Yosefa a lerisa mulanguteri wa muti wa yena, a ku: “Chela swakudya emasakeni ya vanhu lava, u chela hilaha va nga kotaka ku rhwala hakona, kutani u veka mali ya un'wana na un'wana kusuhi ni nomo wa saka ra yena.

Genesa 43:19

Kuteloko va fika enyangweni ya yindlu, va vulavula ni mulanguteri wa muti wa Yosefa, va ku ka yena:

Genesa 24:10

Kutani nandza a pambula tikamela ta khume ta n'wini wa yena, a longa ni tinyiko to saseka to hambana-hambana to huma eka n'wini wa yena, a khoma ndlela a kongoma emutini wa Nahoro etikweni ra Mesopotamiya.

Swivuriso 13:12

Loko munhu a nga kumi lexi a xi languteleke, ú twa mbilu ku vava, kasi loko a kuma lexi a xi navelaka, swi fana ni loko a kumile murhi lowu nyikaka vutomi.

Genesa 39:9

Laha mutini wa yena, mina na yena ha ringana hi matimba. Ku hava lexi a ndzi alelaka xona handle ka wena ntsena, hikuva u nsati wa yena. Mhaka yo bihisa leswi, ndzi nga ka ndzi nga yi endli, hikuva ndzi ta va ndzi dyohela Xikwembu.”

Genesa 24:2

Kutani Abrahama a byela nandza wa yena lonkulu, loyi a a hlayisa swilo swa yena hinkwaswo, a ku: “Vekela voko ra wena exikarhi ka milenge ya mina,

Genesa 14:15

kutani Abrama a avanyisa malandza ya yena hi mintlawa-ntlawa, va hlasela valala va vona nivusiku, va va hlongorisa ku kondza va ya fika eHoba, en'walungwini wa muti wa Damaska.

Genesa 15:1

Endzhaku ka timhaka leti, HOSI Xikwembu xi tikomba eka Abrama hi ku vulavula na yena, xi ku: “Abrama, u nga chavi, hikuva hi mina xitlhangu xa wena; u ta va ni minkateko leyo tala!”

Genesa 15:3

Abrama a engeta a ku: “A wu ndzi nyikanga n'wana, kutani hlonga leri ri nga laha mutini wa mina, hi rona ri nga ta va mudyandzhaka.”

Esaya 17:1

Lawa i mahungu hi tlhelo ra muti wa Damaska. HOSI Xikwembu xi ri: “Muti wa Damaska a wu nga ha vi kona, ku ta sala marhumbi ntsena.

Yeremiya 49:23

Ta Damaska hi leti. HOSI Xikwembu xi ri: “Vanhu va le Hamata ni va le Arpadi va hlangene tinhloko, hikuva va twile mahungu layo biha; va le ku chaveni, va ya hala ni hala kukota lwandle, a va na ku rhula.

Rhuti 2:6

“Nhwana loyi i wa le Mowabu; wa ha ku vuya na Nahumi hi le tikweni ra Mowabu”, ku hlamula mulanguteri.