Genesa 15:1 - BIBELE Mahungu Lamanene

¹ Endzhaku ka timhaka leti, HOSI Xikwembu xi tikomba eka Abrama hi ku vulavula na yena, xi ku: “Abrama, u nga chavi, hikuva hi mina xitlhangu xa wena; u ta va ni minkateko leyo tala!”

Xitsonga (Bibele)

¹ Endzhaku ka timhaka teto, rito ra Yehovha ri fika eka Abrama enorhweni, ri ku: “Abrama, u nga chavi. Ndzi xitlhangu xa wena ni hakelo ya wena leyikulu.”

Genesa 15:1 Referans Kwoze

Esaya 41:10

Mi nga chavi, hikuva ndzi na n'wina, mi nga rhurhumeli, hikuva ndzi Xikwembu xa n'wina; ndzi ta mi tiyisa, ndzi mi pfuna, ndzi mi hlulela valala hi voko ra mina.

Pisalema 119:114

Wena HOSI, u xisirhelelo ni xitlhangu xanga, ndzi tshemba rito ra wena.

Pisalema 84:11

HOSI Xikwembu i khokholo ni xitlhangu, xi avela vanhu tintswalo ni ku dzuneka; lava hanyaka hi ndlela leyi nkhensekaka, HOSI Xikwembu xi va nyika minkateko.

Genesa 26:24

Kutani hi vusiku byebyo, HOSI Xikwembu xi humelela eka yena, xi ku: “Hi mina Xikwembu xa tata wa wena Abrahama; u nga chavi hikuva ndzi na wena, ndzi ta ku katekisa ndzi ku nyika vatukulu lavo tala hikokwalaho ka nandza wa mina Abrahama.”

Esaya 41:14

HOSI Xikwembu xi vurisa sweswo, xi ri: “Hambileswi mi solekeke, mi nga chavi n'wina va ka Yakobo, ndzi vula n'wina Vaisraele! Mina ndzi ta mi pfuna; mukutsuri wa n'wina, hi mina Muhlawuleki wa Israele.

Swirilo 3:24

Ndzi vula sweswo ndzi ri: HOSI Xikwembu i ndzhaka ya mina, hikokwalaho ndzi veka ku tshemba ka mina eka xona.

Luka 12:32

“Mi nga chavi n'wina va ntlhambinyana, hikuva Tata wa n'wina ú tsakele ku mi nyika Mfumo.

Pisalema 5:12

We HOSI, u katekisa munhu wo lulama, nsovo wa wena wu n'wi vhikela ku fana ni xitlhangu.

Pisalema 18:2

HOSI i vutumbelo bya mina, i khokholo ranga ni mukutsuri wanga, i Xikwembu xa mina, ni ribye ranga leri ndzi tumbelaka eka rona; i xitlhangu xa mina, lexi nga ni matimba ya ku ndzi ponisa, naswona i khokholo ra mina.

Rhuti 2:12

HOSI Xikwembu a xi ku katekise hi mintirho leyi ya wena. Xona Xikwembu xa Israele lexi u teke ku ta hlayisiwa hi xona, a xi ku nyike hakelo hi ndzalo.”

Luka 1:13

Kambe ntsumi yi ku ka yena: “U nga chavi Zakariya, hikuva ku khongela ka wena ku yingisiwile; Elizabeta, nsati wa wena, ú ta ku velekela n'wana wa mufana, kutani u ta n'wi thya vito ra Yohane,

Esaya 43:5

“Mi nga chavi, hikuva ndzi na n'wina, va ka n'wina lava nga le vuxeni ni le vupeladyambu, ndzi ta va vuyisa.

Pisalema 142:5

We HOSI, ndzi huwelela eka wena, ndzi ri: U khokholo ra mina. Ehandle ka wena a ndzi na lexi ndzi xi hanyelaka.

Pisalema 3:3

Kambe we HOSI, u xitlhangu xa mina matlhelo hinkwawo, ndzi tidzunisa hi wena, hi wena u ndzi nyikaka xiyimo.

Genesa 21:17

Xirilo xa xifanyetana lexi xi fikile etindleveni ta Xikwembu, kutani ntsumi ya Xikwembu yi huwelela Hagara yi ri etilweni, yi ku ka yena: “Hagara, u karhata hi yini xana? U nga chavi hikuva Xikwembu xi twile xirilo xa xifanyetana kwale hansi ka ximudyana.

Luka 1:30

Kambe ntsumi yi ku ka yena: “U nga chavi we Mariya, hikuva u kumile tintswalo emahlweni ka Xikwembu.

Pisalema 58:11

Vanhu va ta vula va ku: “Lavo lulama va vuyeriwa hakunene, Xikwembu lexi avanyisaka misava, xi kona!”

Matewu 8:26

A ku ka vona: “Hikwalaho ka yini mi ri ni vutoya ke, n'wina vanhu va ku pfumela lokutsongo?” Hiloko a yima, a tshinya mheho ni lwandle, kutani ku rhula lokukulu ku va kona.

Esaya 51:12

HOSI Xikwembu xi ri: “Mina hi xiviri, hi mina ndzi mi tiyisaka, kutani hikwalaho ka yini mi chava munhu, loyi a ngo va xivumbiwa lexi faka, lexi nga hambanangiki ni byanyi, xana?

Pisalema 27:1

Rivoni ra mina ni muponisi wa mina i HOSI Xikwembu, xana i mani la nga ndzi chavisaka xana? HOSI Xikwembu i khokholo ra vutomi bya mina, xana i mani loyi ndzi nga n'wi chavaka xana?

Swivuriso 11:18

Munhu wo homboloka a nga holi swo nyawula, kasi loyi a seketelaka leswo lulama, a nga kanakani hi hakelo ya yena.

Pisalema 91:4

Xi ta ku hlayisa xi ku funengeta ku fana ni huku leyi fukamelaka swiciwana swa yona, ku tshembeka ka xona ku ta ku sirhelela kukota xitlhangu.

Duteronoma 31:6

Hikokwalaho, tiyani mi va ni xivindzi, va nga tshuki va mi chavisa kumbe ku mi rhurhumerisa, hikuva HOSI Xikwembu hi xoxe, hi xona xi fambaka na n'wina. Xi nga ka xi nga mi fularheli, kumbe ku mi tshika mi ri n'wexe.”

Ezekiele 3:4

Kutani loyi a vulavulaka na mina a ku: “Wena munhu, yana eka Vaisraele u ya va tivisa leswi ndzi ku byelaka swona.

Esaya 44:2

Hi mina HOSI, loyi a mi endleke; mina muvumbi wa n'wina, ndzi mi pfunile ku sukela loko mi vile kona. Hikokwalaho n'wina va ka Yakobo malandza ya mina, mi nga chavi, ndzi mi hlawurile n'wina va ka Yexuruni.

Esaya 43:1

N'wina va ka Yakobo, HOSI Xikwembu lexi xi mi tumbuluxeke, xona muvumbi wa n'wina Vaisraele, xi vurisa sweswo xi ri: “Mi nga chavi, hikuva ndzi ta mi kutsula, ndzi mi vitanile hi mavito ya n'wina, mi va mina.

Esaya 35:4

Khongotelani lava nga ku kanakaneni, mi ku: “Tiyani, mi nga chavi! Vonani, Xikwembu xa n'wina xi ta ta xi ta mi rihisela eka valala va n'wina, xi ta mi lwela, xi mi ponisa!”

Eksoda 14:13

Kutani Muxe a hlamula vanhu a ku: “Mi nga chavi nchumu, tiyisani timbilu, mi vona leswi HOSI Xikwembu xi nga ta swi endla namuntlha ku mi ponisa. Vaegipta lava mi va vonaka namuntlha, a mi nga ha va voni kambe ni siku ni rin'we.

Nhlavutelo 1:17

Loko ndzi n'wi vona, ndzi wela emilengeni ya yena, ndzi fana ni munhu loyi a feke. Kambe a tlhandleka voko ra yena ra xinene ehenhla ka mina, a ku: “U nga chavi! Ndzi lowo sungula ni lowo hetelela,

Vaheveru 1:1

Hi minkarhi leyo tala ni tindlela leto tala, Xikwembu xi vulavurile khale na vatatana, hi milomo ya vaprofeta.

1 Vakorinto 3:22

hambi a ri Pawulo, hambi a ri Apolosi, hambi a ri Kefasi, hambi yi ri misava, hambi byi ri vutomi, hambi ri ri rifu, hambi swi ri swa sweswi, hambi swi ri leswi nga ta ta: Hinkwaswo i swa n'wina,

Timhaka 10:22

Va ku: “Hi rhumiwile hi Korneliyo, ndhuna ya dzana ra masocha, wanuna wo lulama la chavaka Xikwembu, la nkhensiwaka hi tiko hinkwaro ra Vayuda; ú lerisiwile hi ntsumi leyo hlawuleka ku ku vitana u ta emutini wa yena, leswaku a ta yingisa leswi u nga ta n'wi byela swona.”

Swivuriso 30:5

Hinkwaswo leswi vuriwaka hi Xikwembu swi tiyile, hi xona xitlhangu xa lava tsutsumelaka eka xona.

Pisalema 84:9

Languta ni xitlhangu xa hina yi nga hosi ya tiko, wena Xikwembu, u yi amukela hi tintswalo, yona muhlawuriwa wa wena.

1 SAMIELE 9:9

(Khale etikweni ra Israele, loko vanhu va ya vutisa leswaku xana Xikwembu xi ri yini emhakeni yo karhi, a va ku: “A hi yeni hi ya vonana ni mavonakule!” Loyi namuntlha va n'wi vulaka muprofeta, khale a va ku i “mavonakule”.)

Ezekiele 11:24

Kutani Xikwembu lexi tikombeke ka mina hi xivono, xi ndzi tlakula hi Moya wa xona loko ndza ha ri exivonweni, xi ndzi tlherisela etikweni ra Vakalediya exikarhi ka lava nga vukhumbini. Hiloko xivono lexi ndzi kombiweke xona xi nyamalala.

1 TIKRONIKA 28:20

Davhida a engeta a byela Solomoni n'wana wa yena, a ku: “Tiya swinene n'wananga, u nga kanakani, u nghena entirhweni; naswona u nga chavi, u nga heli mbilu, hikuva HOSI Xikwembu, xona Xikwembu xa mina, xi ta va na wena. A xi nga ku tshiki, a xi nga ku rivali, u kondza u heta ntirho hinkwawo, u lulamisa hinkwaswo leswi nga ta tirhisiwa eTempeleni.

Ezekiele 1:1

Hi lembe ra vu-30, esikwini ra vuntlhanu ra n'hweti ya vumune, a ndzi tshamile eribuweni ra nambu wa Kebara exikarhi ka va ka Yuda lava yisiweke evukhumbini, kutani ndzi vona matilo ma pfuleka, Xikwembu xi ndzi komba ni xivono.

Matewu 28:5

Hiloko ntsumi yi byela vavasati yi ku: “Mi nga chavi, hikuva ndza swi tiva leswaku mi lava Yesu la vambiweke;

Esaya 44:8

Mi nga chavi, naswona mi nga rhurhumeli, hikuva mina ndzi mi byerile timhaka leti ku sukela khale, ndzi tlhela ndzi mi hlamusela. N'wina mi timbhoni ta mina! Xana xikwembu xin'wana xi kona ehandle ka mina xana? Ku hava un'wana loyi a nga ‘Ribye ra vutumbelo’, a ndzi tivi na un'we!”

Tinhlayo 12:6

kutani xi ku ka vona: “Yingisani marito ya mina: Loko ku ri ni muprofeta exikarhi ka n'wina, mina HOSI Xikwembu ndzi tikomba eka yena hi xivono, ndzi vulavula na yena hi norho.

Genesa 15:2

Kambe Abrama a hlamula a ku: “We Xikwembu N'wini wanga, xana u to ndzi nyika yini, hikuva ku fikela sweswi a ndzi si va na n'wana, kutani loyi a nga ta dya ndzhaka ya mina i Eliezere wa le Damaska.”

Genesa 15:4

Kutani HOSI Xikwembu xi ku ka Abrama: “Munhu loyi Eliezere a hi yena la nga ta va mudyandzhaka ya wena, kambe n'wana wa wena wa xiviri hi yena la nga ta dya ndzhaka ya wena.”

Genesa 31:7

Hambiswiritano, tata wa n'wina ú ndzi kanganyisile, a hundzuluxa hakelo ya mina ka khume, kambe Xikwembu a xi n'wi pfumelelanga leswaku a ndzi vavisa.

Tinhlayo 18:20

Kutani HOSI Xikwembu xi tlhela xi ku ka Aroni: “N'wina vaprista, a mi nga vi ni ndzhaka etikweni ra Israele, hambi yi ri nsimu yinene a mi nga vi na yona; mina HOSI hi mina nsimu ya n'wina ni ndzhaka ya n'wina.

Tinhlayo 24:4

Loyi a twaka leswi Xikwembu xi vulaka swona, ú vurisa sweswo; yena loyi Xikwembu-xa-matimba-hinkwawo xi n'wi kombaka xivono, loyi a xikeriwaka hi Moya a ri karhi a hanyanya, ú vurisa sweswo ú ri:

1 SAMIELE 15:10

Samiele a twa rito ra HOSI Xikwembu, leri nge:

2 SAMIELE 22:3

We Xikwembu, wena ribye ranga leri ndzi chavelaka eka rona, u xitlhangu xa mina, wena la nga ni matimba ya ku ndzi ponisa. U khokholo ra mina ni vutumbelo bya mina, wena muponisi wanga, wena u ndzi ponisaka eka vanhu va tihanyi.

Genesa 22:1

Endzhaku ka timhaka leti, Xikwembu xi kambela Abrahama xi ku: “Abrahama!” Yena a hlamula a ku: “Hi mina loyi.”

Genesa 22:20

Endzhaku ka timhaka leti, Abrahama a twa leswaku makwavo wa yena Nahoro ú velekeriwile vana hi nsati wa yena Milika, va nga lava:

Duteronoma 18:2

A va nga vi na ndzhaka exikarhi ka vamakwavo; HOSI Xikwembu hi yona ndzhaka ya vona, hilaha xi va tshembiseke hakona.

2 TIHOSI 1:15

Kavaloko ntsumi ya HOSI Xikwembu yi vulavula na Eliya, yi ku: “Rhelela na yena, u nga n'wi chavi.” Eliya a suka a rhelela ni ndhuna va ya eka hosi Ahaziya.

Pisalema 3:4

Ndzi tlakusa rito ndzi huwelela eka HOSI, kutani yi ndzi hlamula yi ri entshaveni ya yona leyo hlawuleka.

Pisalema 115:10

N'wina va ka Aroni, tshembani HOSI Xikwembu, hi xona xitlhangu ni mupfuni wa n'wina.

Esaya 40:10

Vonani, HOSI N'wini wa hinkwaswo wa ta hi matimba ya yena, ú tela ku ta fuma hi yexe; langutani, ú ta ni hakelo ya yena, va nga vanhu lava a va kutsuleke; ú va rhangise emahlweni.

Yeremiya 39:17

Kambe loko a ri wena, mina HOSI ndzi ri, a ndzi nga ku nyiketi emavokweni ya lava u va chavaka,