Genesa 14:2 - BIBELE Mahungu Lamanene

² va huma nyimpi va ya lwa na Bera hosi ya Sodoma, na Birixa hosi ya Gomora, na Xinabu hosi ya Adama, na Xemebere hosi ya Seboyimi, na hosi ya Bela (wu nga muti wa Sowara).

Xitsonga (Bibele)

² va pfukela ku lwa na Bera, hosi ya Sodoma, na Birixa, hosi ya Gomora, na Xinabu, hosi ya Adama, na Xemebere, hosi ya Seboyimi, ni hosi ya Bela (wu nga Sowara).

Genesa 14:2 Referans Kwoze

Genesa 13:10

Kutani Lota a tlakusa mahlo, a vona leswaku tindhawu ta le nkoveni wa Yordani, ni ku ya fika eSowara, ti ni mati yo tala ku fana ni ntanga wa HOSI Xikwembu, ni tiko ra Egipta. (Enkarhini lowu, HOSI Xikwembu a xi nga si herisa muti wa Sodoma ni muti wa Gomora.)

Duteronoma 29:23

Tiko hinkwaro ri ta va ritshwa ntsena, ri tele xivavula ni munyu; ku ta va ku nga byariwanga nchumu, naswona a ku nga mili nchumu, hambi byi ri byanyi byinene. Tiko ri ta va ri herisiwile ku fana ni miti ya Sodoma na Gomora na Adima na Seboyimi, leyi HOSI Xikwembu xi yi hlundzukeleke, xi yi herisa hi vukari bya xona.

Genesa 10:19

ndzilekana wa tiko ra vona wu sungula eSidoni wu kongoma eGerara, wu ya fika eGaza; kutani wu jika wu kongoma etlhelo ra Sodoma na Gomora, na Adama, na Seboyimi, wu ya helela eLaxa.

Hosiya 11:8

Xana ndzi nga swi kotisa ku yini ku mi tshika n'wina va ka Efrayimi xana? Xana ndzi nga mi nyiketa eka van'wana n'wina Vaisraele xana? Xana ndzi nga mi tshika ku fana ni muti wa Adama, kumbe ku mi endla leswi ndzi swi endleke va le Seboyimi, xana? Sweswi mbilu ya mina yi wile, ndzi tele tintswalo ni rirhandzu.

Esaya 15:5

Tiko ra Mowabu ri ndzi twisa mbilu ku vava. Vanhu va rona va balekela eSowara ni le Egilata-Xelixiya. Van'wana va ta hi le xiphandzeni xa Luhiti va ri karhi va rila; lava khomeke gondzo ro ya eHoronayimi va ba nyandayeyo.

Nehemiya 11:34

ni wa Hadidi, ni wa Seboyimi, ni wa Nebalata,

1 SAMIELE 13:18

Ntlawa wa vumbirhi wu kongoma emutini wa Beta-Horoni; kutani ntlawa lowo hetelela wu kongoma emagangeni lama langutanaka ni Nkova wa Seboyimi (hileswaku: Nkova wa Timhisi), hi tlhelo ra mananga.

Duteronoma 34:3

ni tindhawu ta le dzongeni ni ta le nkoveni, ri nga rivala ra Yeriko laha ku milaka micindzu, xi n'wi komba ku ya fika emutini wa Sowara.

Yeremiya 48:34

Loko va le Hexiboni va ba nkalanga, wa twala ni le Eleyale; huwa ya kona yi twakala ku sukela eSowara ku ya fika eHoronayimi ni le Egilata-Xelixiya, hikuva hambi swi ri swinambyana swa Nimri, swi phyile.

Genesa 13:12

Abrama a tshama etikweni ra Kanana, kasi Lota yena a ya tshama emitini leyi nga nkoveni, kambe hi kutsongo-tsongo a a tshineta ntsonga wa yena kusuhi na Sodoma,