Genesa 13:9 - BIBELE Mahungu Lamanene

⁹ Loko ri ri tiko, wa ri vona hinkwaro hi leri, kutani xana swi nge antswi loko ho hambana xana? Loko u hlawula ku ya eximatsini, mina ndzi ta ya exineneni, kasi loko u hlawula ku ya exineneni, mina ndzi ta ya eximatsini.”

Xitsonga (Bibele)

⁹ Xana tiko hinkwaro a ri kona emahlweni ka wena xana? Hambana na mina, ndza ku khongela. Loko u teka ra ximatsi, ndzi ta ya exineneni; loko u ya exineneni, ndzi ta ya eximatsini.”

Genesa 13:9 Referans Kwoze

Vaheveru 12:14

Ringetani hi matimba ku hanya hi ku rhula ni vanhu hinkwavo, mi ringeta ni ku hlawuleka, hikuva ehandle ka ku hlawuleka a ku na munhu na un'we la nga ta vona Hosi.

Genesa 34:10

N'wina tshamani kwala xikarhi ka hina, a mi siveriwi ku va laha tikweni leri; tshamani, mi xava ni ku xavisa swilo, mi tlhela mi tikumela leswi nga ta va ndzhaka ya n'wina.”

Genesa 20:15

Kutani Abimeleke a ku: “Loko ri ri tiko ra mina, hi reri u ri vonaka; tiakele laha u ku rhandzaka.”

1 Vakorinto 6:7

Mhaka ya kona hileswaku ku mangalelana ka n'wina ku komba ku hluleka ka n'wina nisweswi. Ematshan'wini ya swona, hikwalaho ka yini mi nga pfumeli ku dyoheriwa, ha yini mi nga pfumeli ku dyeleriwa xana?

Varhoma 12:18

Endlani hinkwaswo leswi mi swi kotaka, hi tlhelo ra n'wina, ku hanyisana ni vanhu hinkwavo hi ku rhula.

Pisalema 120:7

Mina ndzi rhandza ku rhula, kambe loko ndzi vulavula hi ku rhula loku, vona va pfuxa nyimpi.

Genesa 13:8

Hiloko Abrama a ku ka Lota: “Ku nga tshuki ku va ni ku holova exikarhi ka mina na wena, hambi ku ri exikarhi ka varisi va swifuwo swa mina ni varisi va swifuwo swa wena, hikuva hi vanhu van'we.

Genesa 13:10

Kutani Lota a tlakusa mahlo, a vona leswaku tindhawu ta le nkoveni wa Yordani, ni ku ya fika eSowara, ti ni mati yo tala ku fana ni ntanga wa HOSI Xikwembu, ni tiko ra Egipta. (Enkarhini lowu, HOSI Xikwembu a xi nga si herisa muti wa Sodoma ni muti wa Gomora.)

Yeremiya 40:4

Namuntlha ndzi ntshunxa tinketani leti va ku boheke mavoko ha tona. Loko u tsakela ku ya na mina le Babilona, a hi fambe ndzi ta ku hlayisa swinene. Kambe loko u nga swi tsakeli, na swona swi lulamile. Titwe u ntshunxekile, u ya laha u rhandzaka ku ya kona.”