Genesa 13:5 - BIBELE Mahungu Lamanene

⁵ Lota, loyi a a famba na Abrama, na yena a a ri ni mintlhambi ya swifuwo leswikulu ni leswitsongo, a tlhela a va ni mintsonga,

Xitsonga (Bibele)

⁵ Lota na yena, loyi a fambaka na Abrama, a a fuwe swifuwo leswitsongo ni leswikulu, ni mitsonga.

Genesa 13:5 Referans Kwoze

Yeremiya 49:29

A ku phanghiwe mintsonga ya vona ni swisirhelelo swa kona, ku phanghiwa tinyimpfu ni swingolongondzwana hinkwaswo, ku tekiwa ni tikamela ta vona. A va byeriwe ku chava leswi taka hi matlhelo hinkwawo!

Genesa 25:27

Loko majaha lawa ma ri karhi ma kula, Esawu a va muhloti lonkulu, a tshama enhoveni, kasi Yakobo yena a a ri munhu wo rhula, loyi a a titshamela ekaya.

Genesa 4:20

Kutani Ada a veleka Yabala, tata wa vafuwi lava tshamaka emintsongeni.

Genesa 12:5

Kutani Abrama a teka Sarayi nsati wa yena, na Lota n'wana wa makwavo, ni swilo swa vona hinkwaswo, a teka ni malandza lawa va ma kumeke eHarani, va khoma ndlela va kongoma etikweni ra Kanana.

Genesa 13:6

kutani ndhawu leyi a va ri eka yona, a yi nga ta kota ku va nyika swakudya swo ringana loko va tshama eka yona va ri vambirhi, naswona a va ri ni swilo swo tala, hikokwalaho a va nga ta tshama endhawini yin'we.

Genesa 12:4

Hiloko Abrama a suka a famba hilaha HOSI Xikwembu xi n'wi leriseke hakona; kutani Lota a famba na yena. Loko Abrama a suka eHarani a a ri ni malembe ya 75.