Genesa 13:16 - BIBELE Mahungu Lamanene

¹⁶ Ndzi ta endla leswaku vatukulu va wena va tala ku fana ni ntshuri wa misava, kutani a ku nga vi na munhu loyi a nga ta kota ku va hlaya, hikuva ntshuri wa misava a wu hlayeki.

Xitsonga (Bibele)

¹⁶ Ndzi ta andzisa vatukulu va wena va fana ni ntshuri wa misava; hileswaku loko munhu a nga hlaya ntshuri wa misava, na vona va ta hlayiwa.

Genesa 13:16 Referans Kwoze

Tinhlayo 23:10

Xana i mani la nga hlayaka va ka Yakobo xana? Va tele ku fana ni sava! Ntsengo wa Vaisraele wu nga hlaya hi mani? Va tele ku fana ni ritshuri! Mina swa antswa ndzi tifela ndzi ri karhi ndzi fana ni vanhu lava vo lulama; masiku ya mina ya ku hanya a ma hele ndzi ri karhi ndzi fana na vona.”

Genesa 28:14

Vatukulu va wena va ta tala ku fana ni ntshuri wa misava; mi ta hangalaka na tiko mi ya evupeladyambu, ni le vuxeni, ni le n'walungwini, ni le dzongeni. Vanhu hinkwavo laha misaveni va ta katekisiwa hikwalaho ka wena ni vatukulu va wena.

Genesa 32:12

Wena u ndzi byerile u ku: ‘Ndzi ta ku endlela leswinene, ndzi ku nyika vatukulu lavo tala ku fana ni sava ra lwandle leri nga hlayekiki.’ ”

1 TIHOSI 3:8

Mina nandza wa wena, ndzi le xikarhi ka tiko ra wena leri u ri hlawuleke; ntsengo wa rona i ntsandza-vahlayi, hikuva va tele ngopfu.

Eksoda 32:13

Tsundzuka malandza ya wena Abrahama, na Isaka, na Yakobo lava wena hi xiviri xa wena u va tshembiseke hi ku hlambanya, u ku: ‘Ndzi ta andzisa vatukulu va n'wina va tala ku fana ni tinyeleti, na rona tiko hinkwaro leri ndzi ri tshembiseke ndzi ta ri nyika vatukulu va n'wina, ri va ndzhaka ya vona hilaha ku nga heriki.’ ”

Genesa 22:17

Hikokwalaho, ndzi ta ku katekisa, ndzi ku nyika vatukulu lavo tala ku fana ni tinyeleti etilweni ni sava eribuweni ra lwandle, va ta hlula ni valala va vona.

Genesa 15:5

Kavaloko HOSI Xikwembu xi teka Abrama xi ya na yena ehandle, kutani xi ku ka yena: “Languta ehenhla u hlaya tinyeleti, u vona loko u nga ti hlaya u ti heta!” Hiloko xi ku ka yena: “Vatukulu va wena va ta tala ku fana ni tinyeleti leti.”

Nhlavutelo 7:9

Endzhaku ka sweswo, ndzi languta, kutani ndzi vona ntshungu lowukulu wa vanhu; a ku nga ri na un'we la kotaka ku va hlaya. A va huma ematikweni hinkwawo, ni le tinxakeni hinkwato, va ri va swivongo hinkwaswo ni va tindzimi hinkwato. A va yimile emahlweni ka xiluvelo ni le mahlweni ka Xinyimpfana va ambele tinguvu to leha leto basa, va tamele mincindzu emandleni ya vona.

Yeremiya 33:22

Ndzi ta andzisa vatukulu va Davhida nandza wa mina, ndzi andzisa ni vaprista va ka Levhi lava va ndzi tirhelaka, va ta tala kukota tinyeleti kumbe sava ra lwandle: A va nga hlayeki.”

1 TIKRONIKA 27:23

Davhida a nga ringetanga ku kuma nhlayo ya vana va xinuna va Israele, va malembe ya 20 ku ya ehansi, hikuva HOSI Xikwembu a xi n'wi tshembisile ku andzisa Vaisraele, va kondza va ringana ni tinyeleti hi ku tala.

1 TIKRONIKA 21:5

a ya vikela Davhida entsengo wa vavanuna lava va nga hlomaka matlhari: Etikweni ra Israele, a va ri 1 100 000, kasi etikweni ra Yuda a va ri 470 000.

1 TIHOSI 4:20

Vanhu va Yuda na Israele a va tele tanihi sava ra le ribuweni ra lwandle; kutani va dya, va nwa, va tsakile.

Vaavanyisi 6:5

Vanhu lava a va ta ni swifuwo swa vona ni swo dzima ha swona mintsonga, va tele ku fana ni tinjiya; vona ni tikamela ta vona, a va ri ntsandza-vahlayi, kutani loko va nghenile ensin'wini, a ku nga ha sali nchumu.

Vaavanyisi 6:3

Minkarhi hinkwayo loko Vaisraele va rimile masimu, Vamidiyani ni Vaamaleke ni va le vuxeni a va ta va ta va hlasela,

Duteronoma 1:10

HOSI Xikwembu xa n'wina xi mi andzisile, kutani namuntlha mi tele ngopfu, mi kota tinyeleti ta le tilweni.

Eksoda 1:7

Kambe vanhu va rixaka ra Israele va tswalelene va andza, ntsengo wa vona wu ya wu kula, matimba ya vona ma engeteleka ngopfu swinene, kutani va tata tiko hinkwaro.

Genesa 46:3

Hiloko xi ku ka yena: “Hi mina Xikwembu, xona Xikwembu xa tata wa wena. U nga tshuki u chava ku ya etikweni ra Egipta, hikuva loko u ri kwale, ndzi ta ku endla tiko lerikulu.

Genesa 35:11

Kutani Xikwembu xi ku: “Hi mina Xikwembu-xa-matimba-hinkwawo. Tswalanani mi andza, mi va tiko. Eka wena ku ta huma vanhu va matiko layo tala, hambi ti ri tihosi ti ta huma eka wena.

Genesa 28:3

Xikwembu-xa-matimba-hinkwawo a xi ku katekise, xi ku nyika vatukulu lavo tala swinene leswaku u va tata wa vanhu va ntsandza-vahlayi.

Genesa 26:4

Ndzi ta ku nyika vatukulu lavo tala ku fana ni tinyeleti, kutani matiko lawa hinkwawo ndzi ta ma nyika vatukulu va wena, naswona vanhu hinkwavo laha misaveni va ta katekisiwa hikwalaho ka vatukulu va wena,

Genesa 21:13

Loko a ri Iximaele n'wana wa wansati lowa hlonga, ndzi ta n'wi endla tiko lerikulu hikuva na yena i n'wana wa wena.”

Genesa 18:18

E-e, hikuva Abrahama loyi ú ta va tiko lerikulu, kutani vanhu va matiko hinkwawo ya misava va ta katekisiwa hikwalaho ka yena.

Genesa 17:20

Loko xi ri xikombelo xa wena hi tlhelo ra Iximaele, ndzi xi twile; ndzi ta n'wi katekisa ndzi n'wi nyika vatukulu lavo tala swinene. Ndzi ta n'wi endla tiko lerikulu, a va tata wa tihosi ta 12.

Genesa 17:16

Ndzi ta n'wi katekisa, ndzi endla leswaku a ku velekela n'wana wa mufana. Ú ta va mana wa vanhu va matiko layo tala, a veleka ni tihosi, hikwalaho ka leswi ndzi n'wi katekiseke.”

Genesa 17:6

Ndzi ta endla leswaku u va ni vatukulu va ntsandza-vahlayi; eka wena ndzi ta humesa vanhu va matiko layo tala; hambi ti ri tihosi ti ta huma eka wena.

Vaheveru 11:12

Hikokwalaho, eka munhu un'we loyi a swo fana na loko a file, ku humile vatukulu lavo tala vo kota tinyeleti ta tilo ni sava leri nga hlayekiki leri nge ribuweni ra lwandle.

Genesa 16:10

Ntsumi ya HOSI Xikwembu yi ya emahlweni yi ku ka yena: “Ndzi ta ku nyika vatukulu lavo tala, lero a ku nga vi na munhu loyi a nga ta kota ku va hlaya a va heta.”

Genesa 17:2

Ndzi ta endla ntwanano exikarhi ka mina na wena, naswona ndzi ta ku nyika vatukulu lavo tala ngopfu.”

2 TIHOSI 13:23

Kambe HOSI Xikwembu xi va kombile tintswalo, xi va twela vusiwana ni ku va tsetselela, hikwalaho ka ntwanano wa xona na Abrahama na Isaka na Yakobo; a xi va lovisanga, naswona a xi va cukumetanga, ku fikela siku ra namuntlha.

2 TIKRONIKA 1:9

We HOSI Xikwembu, ndza kombela, hetisisa xitshembiso lexi u xi hlambanyeleke Davhida tata wa mina, hikuva u ndzi vekile ku fuma tiko leri nga ni vanhu lava tlulaka sava ra lwandle hi ku tala.

Genesa 32:13

Yakobo a xwa vusiku kona, kutani a pambula swilo swin'wana swa leswi a a ri na swona, leswaku swi ta nyikiwa Esawu makwavo wa yena.

Ntirho 5:25

U ta va ni vana lavo tala, u va tiva hinkwavo, vatukulu va wena va ta andza kukota byanyi bya nhova.