Genesa 12:7 - BIBELE Mahungu Lamanene

⁷ Kutani HOSI Xikwembu xi humelela eka Abrama xi ku ka yena: “Tiko leri, ndzi ta ri nyika vatukulu va wena.” Hiloko Abrama a aka alitari, a akela HOSI Xikwembu lexi humeleleke eka yena.

Xitsonga (Bibele)

⁷ Kutani Yehovha a humelela eka Abrama, a ku eka yena: “Misava leyi, ndzi ta yi nyika vatukulu va wena.” Kutani a akela kona gandzelo eka Yehovha la nga humelela eka yena.

Genesa 12:7 Referans Kwoze

Vagalatiya 3:16

Sweswi ke, switshembiso swi nyikiwile Abrahama ni wa rixaka ra yena; a ku vuriwanga “ni va rixaka”, wonge hi loko ku vuriwa lavo tala; kambe ku vuriwile “ni wa rixaka ra wena”, hileswaku munhu un'we a nga Kriste.

Genesa 17:8

Tiko leri u luveleke eka rona, ri nga tiko ra Kanana, ndzi ta ku nyika rona hinkwaro, ri va ra wena ni vatukulu va wena hilaha ku nga heriki, kutani mina ndzi ta va Xikwembu xa vona.”

Genesa 17:1

Loko Abrama a ri ni malembe ya 99, HOSI Xikwembu xi humelela eka yena, xi ku: “Hi mina Xikwembu-xa-matimba-hinkwawo; u fanele ku hanya emahlweni ka mina, u ndzi yingisa hi ku hetiseka.

Genesa 18:1

Siku rin'wana ninhlekanhi, dyambu ri ri karhi ri hisa, HOSI Xikwembu xi humelela eka Abrahama le ka Minkuhlu ya Mamre, xi n'wi kuma a tshamile enyangweni ya ntsonga wa yena.

Genesa 13:15

hikuva tiko hinkwaro leri u ri vonaka, ndzi ta ku nyika rona, ri va ra wena ni vatukulu va wena hilaha ku nga heriki.

Genesa 13:4

Endhawini leyi, hi kona laha Abrama a a akile kona alitari eku sunguleni, a gandzela HOSI Xikwembu.

Genesa 13:18

Kutani Abrama a rhurhisa ntsonga wa yena, a ya tshama eka Minkuhlu ya Mamre le Hebroni; kutani a akela HOSI Xikwembu alitari kona.

Eksoda 33:1

Kutani HOSI Xikwembu xi ku ka Muxe: “Sweswi, suka laha ndhawini leyi, wena ni vanhu lava u va humeseke etikweni ra Egipta, mi ya etikweni leri ndzi ri tshembiseke Abrahama, na Isaka, na Yakobo hi ku hlambanya, ndzi ku ka vona: ‘Tiko leri ndzi ta ri nyika vatukulu va n'wana.’

Genesa 32:30

Hikokwalaho, Yakobo a thya ndhawu leyi vito ra Penuwele (hileswaku: “Mombo-wa-Xikwembu”), hikuva a a ku: “Ndzi vonile mombo wa Xikwembu, kambe ndza ha hanya.”

Genesa 26:25

Kutani Isaka a aka alitari a gandzela HOSI Xikwembu kona, a tidzimela ni ntsonga wa yena kona, malandza ya yena wona ma cela xihlovo.

Tinhlayo 32:11

‘Ndzi vula ndzi tiyisile leswaku, eka vanhu hinkwavo lava humeke etikweni ra Egipta va ri ni malembe ya 20 ni ku tlula, a ku na un'we wa vona la nga ta vona tiko leri ndzi hlambanyeke ku ri nyika Abrahama na Isaka na Yakobo, hikuva a va tinyiketelanga ku landza mina HOSI.

Genesa 12:8

Kutani Abrama a suka kwalaho a ya entshaveni leyi yi nga vuxeni bya muti wa Betele, a fika a dzima ntsonga kona. Hi tlhelo ra vupeladyambu a ku ri ni muti wa Betele, kasi evuxeni a ku ri ni muti wa Ayi. Kutani Abrama a akela HOSI Xikwembu alitari, a xi gandzela kona.

Vaheveru 11:13

Vanhu lava hinkwavo va fele eku pfumeleni, va nga kumanga leswi a va tshembisiwile swona, kambe va swi vonile ni ku swi tsakela hi le kule, va ri karhi va tivula valuveri ni vaendzi emisaveni.

Varhoma 9:8

Swi vula leswaku a hi vona lava nga vana hi tlhelo ra swa ntumbuluko, lava nga vana va Xikwembu; kambe vana lava nga velekiwa hikwalaho ka xitshembiso xa xona, hi vona lava hlayiwaka leswaku i va rixaka ra xiviri.

Genesa 22:9

Loko va fika endhawini leyi Xikwembu xi n'wi byeleke yona, Abrahama a aka alitari, a veketela tihunyi ehenhla ka yona, kutani a boha n'wana wa yena Isaka, a n'wi tlhandleka alitarini ehenhla ka tihunyi.

Genesa 17:3

Hiloko Abrama a wela ehansi hi mombo, kutani Xikwembu xi ku ka yena:

Genesa 15:18

Hi siku rero, HOSI Xikwembu xi endla ntwanano na Abrama, xi ku ka yena: “Tiko leri, ndzi ta ri nyika vatukulu va wena, ku sukela endzilekaneni wa tiko ra Egipta ku ya fika enambyeni lowukulu wa Yufrata,

Vagalatiya 4:28

Sweswi ke, n'wina vamakwerhu, mi vana va xitshembiso ku fana na Isaka.

Duteronoma 30:20

Rhandzani HOSI Xikwembu xa n'wina, mi endla leswi xi mi byelaka swona, mi xi namarhela. Loko mi endla sweswo, mi ta va ni vutomi, mi hanya masiku layo tala, mi tshama etikweni leri HOSI Xikwembu xi hlambanyeke ku ri nyika vatata wa n'wina Abrahama na Isaka na Yakobo.”

Duteronoma 6:10

“HOSI Xikwembu xa n'wina xi ta mi nghenisa etikweni leri xi tshembiseke ku mi nyika rona, hilaha xi hlambanyeleke vatata wa n'wina Abrahama na Isaka na Yakobo hakona. Tiko ra kona ri ni miti leyikulu yo saseka, leyi mi nga yi akangiki;

Duteronoma 1:8

Tiko leri hinkwaro, mina HOSI Xikwembu ndzi hlambanyile leswaku ndzi ta ri nyika vatata wa n'wina Abrahama, na Isaka, na Yakobo, swin'we ni vatukulu va vona, kutani nghenani mi ri teka, hikuva ndzi mi nyikile rona.’ ”

Eksoda 6:3

Loko ndzi tikombile eka Abrahama, ni le ka Isaka, ni le ka Yakobo, a ndzi tivula ‘Xikwembu-xa-matimba-hinkwawo’; kambe a ndzi titivisanga eka vona hi vito ra mina ra ‘HOSI’.

Genesa 33:20

Kutani Yakobo a aka ni alitari, a yi thya vito ra Eli-Elohe-Israele (hileswaku: “Xikwembu-xona-Xikwembu-xa-Israele”).

Genesa 28:13

HOSI Xikwembu a xi yimile etlhelo ka yena, kutani xi ku: “Hi mina HOSI, Xikwembu xa Abrahama na Isaka. Tiko leri u etleleke eka rona ndzi ta ku nyika rona, wena ni vatukulu va wena.

Genesa 26:3

Wena luvela etikweni reri, kutani mina ndzi ta va na wena ndzi ku katekisa, hikuva matiko lawa hinkwawo ndzi ta ku nyika wona, wena ni vatukulu va wena, naswona ndzi ta hetisisa leswi ndzi swi tshembiseke tata wa wena Abrahama hi ku hlambanya.

Genesa 8:20

Nowa a akela HOSI Xikwembu alitari, kutani a pambula xiharhi xin'we exikarhi ka rixaka rin'wana ni rin'wana ra swiharhi leswi tengeke, a pambula ni xinyanyana xin'we exikarhi ka rixaka rin'wana ni rin'wana ra tinyanyana leti tengeke, a humesa gandzelo leri hisiwaka.

Timhaka 7:5

A xi n'wi hanga ndzhaka etikweni rero, hambi xi ri xivandlanyana lexi ringanaka ku anama ka nkondzo; kambe xi n'wi tshembisile ku n'wi nyika rona, ri va ra yena ni ra vatukulu va yena endzhaku ka yena; kasi, enkarhini wolowo, a a nga ri na n'wana.

Vaheveru 11:8

Hi ku pfumela, Abrahama, siku a vitaniweke ku rhurha a ya etikweni leri Xikwembu a xi n'wi tshembisile rona, ú yingisile, a rhurha a nga tivi lomu a fanelaka ku ya kona.

Genesa 24:7

HOSI Xikwembu xa matilo, xona lexi xi ndzi tekeke emutini wa tatana ni ku ndzi humesa etikweni ra rikwerhu, xi ndzi tshembisile hi ku hlambanya leswaku tiko leri xi ta ri nyika vatukulu va mina. Hikokwalaho xi ta rhumela ntsumi emahlweni ka wena, kutani wena u ta ya tekela n'wananga ensati etikweni leriya.

Eksoda 6:4

Nakambe ndzi endlile ntwanano exikarhi ka mina na vona, ndzi va tshembisa ku va nyika tiko ra Kanana, tiko leri a va akile eka rona va ri valuveri.

Eksoda 32:13

Tsundzuka malandza ya wena Abrahama, na Isaka, na Yakobo lava wena hi xiviri xa wena u va tshembiseke hi ku hlambanya, u ku: ‘Ndzi ta andzisa vatukulu va n'wina va tala ku fana ni tinyeleti, na rona tiko hinkwaro leri ndzi ri tshembiseke ndzi ta ri nyika vatukulu va n'wina, ri va ndzhaka ya vona hilaha ku nga heriki.’ ”

Duteronoma 9:5

Loko mi kota ku nghena etikweni leriya, mi ri teka ri va ra n'wina, a hi mhaka ya leswaku mi vanhu lavanene, lava endleke leswi lulameke, e-e! HOSI Xikwembu xa n'wina xi ta hlongola vanhu lava va suka emahlweni ka n'wina hi mhaka ya leswi va hombolokeke; hi mukhuva wolowo, xi ta tiyisa ku hlambanya ka xona eka vatata wa n'wina Abrahama na Isaka na Yakobo.

Duteronoma 34:4

Kutani HOSI Xikwembu xi ku ka Muxe: “Hi rona tiko leri ndzi tshembiseke Abrahama na Isaka na Yakobo leswaku ndzi ta ri nyika vatukulu va vona. Ndzi ku kombile rona leswaku u ri vona hi mahlo ntsena, kambe u nga ka u nga ngheni eka rona.”

1 TIKRONIKA 16:16

Xi anakanya hilaha xi tiboheke hakona eka Abrahama, ni leswi xi swi tshembiseke Isaka.

Genesa 13:17

Suka u famba u rhendzeleka ni tiko leri hinkwaro, u kondza u ri hlanganisa, hikuva ndzi ta ku nyika rona.”

Genesa 28:4

Xikwembu a xi ku nyike minkateko ya Abrahama, wena ni vatukulu va wena, leswaku u teka tiko leri u luveleke eka rona ri va ra wena, ri nga tiko leri Xikwembu xi ri nyikeke Abrahama!”

Genesa 35:7

Laha Luzi, Yakobo a aka alitari a yi thya vito ra Eli-Betele (hileswaku: “Xikwembu-xa-Betele”), hikuva hi kona laha Xikwembu xi tikombiseke eka yena loko a ri karhi a baleka makwavo Esawu.

Genesa 35:12

Tiko leri ndzi ri nyikeke Abrahama na Isaka, ndzi ta ri nyika wena; tiko leri, ndzi ku nyika rona, wena ni vatukulu va wena lava nga ta sala va hanya endzhaku ka wena.”

Genesa 50:24

Kutani Yosefa a ku ka vamakwavo: “Ndzi le kusuhi ni ku fa, kambe Xikwembu xi ta ta xi ta mi kutsula, xi mi humesa etikweni leri, xi mi yisa etikweni leri xi ri tshembiseke Abrahama na Isaka na Yakobo.”

Eksoda 17:15

Kutani Muxe a aka alitari, a yi thya vito ra “HOSI-i-mujeko-wanga”,

Eksoda 24:4

Kutani Muxe a tsala hinkwaswo leswi vuriweke hi HOSI Xikwembu. Siku leri tlhandlamaka a pfuka nimixo swinene, a aka alitari ehansi ka ntshava, a yimisa ni maribye lamakulu ya 12 ku ringanisa tinyimba ta Israele ta 12.

Tinhlayo 26:53

“Vanhu lava va ta averiwa tiko leri ri nga ta va ndzhaka ya vona hi ku landza ntsengo wa mavito ya vona.

Yoxuwa 1:6

U fanele ku tiya, u va ni xivindzi, hikuva hi wena u nga ta fikisa vanhu lava etikweni leri ndzi tshembiseke vatata wa vona hi ku hlambanya leswaku ndzi ta va nyika rona ri va ndzhaka ya vona.

Yoxuwa 8:30

Kutani Yoxuwa a akela HOSI Xikwembu xa Israele alitari entshaveni ya Ebali,

Yoxuwa 22:10

Loko va ka Rhuveni ni va ka Gadi ni hafu ya nyimba ya va ka Manase va fika exifundzheni lexi xi nga kusuhi ni nambu wa Yordani, etikweni ra Kanana, va akile alitari leyikulu swinene kwala kusuhi ni nambu.

Vaavanyisi 6:24

Kutani Gidiyoni a akela HOSI Xikwembu alitari exivandleni xexo, a yi thya vito ra “HOSI-i-ku-rhula”. Alitari ya kona ya ha ri kona ni namuntlha le Ofira, emutini wa va ka Abiezere.

1 SAMIELE 7:17

Kambe a a pfa a ya eRhama, hikuva a ku ri kona kaya ka yena; na kona kwale, a a hamba a avanyisa timhaka ta Vaisraele. Ú akerile HOSI Xikwembu alitari emutini wolowo.

2 SAMIELE 24:25

Kutani Davhida a akela HOSI Xikwembu alitari kona, a humesa magandzelo yo hisiwa ni ya xinakulobye. HOSI Xikwembu xi amukela mikhongelo leyi ya ku khongelela tiko, kutani ntungu wu suka etikweni ra Israele.

1 TIHOSI 18:32

Hi maribye lawa, Eliya a pfuxa alitari hi vito ra HOSI Xikwembu. Kutani a cela khele ri rhendzela alitari, ri cheriwa makhuwana mambirhi ya mati, ri tala.

1 TIKRONIKA 16:18

Kutani xi tibohile xi ku: “Ndzi ta mi nyika tiko ra Kanana, ndzi mi avela rona ri va ra n'wina.”

2 TIKRONIKA 20:7

We Xikwembu xa hina, hi wena u hlongoleke vanhu lava khale a va tshama etikweni leri, kutani va sukile emahlweni ka Vaisraele vanhu va wena. Tiko ra kona u ri nyikile vatukulu va Abrahama munghana wa wena, ri va ra vona hilaha ku nga heriki.

2 TIKRONIKA 20:11

Va nkhensa tintswalo ta hina hi ku hi tekela tiko leri u nga hi nyika rona leswaku ri va ndzhaka ya hina.

Ezra 3:2

Kutani Yexuwa n'wana Yosadaka, ni vaprista-kulobye, na Zerubabele n'wana Salatiele, ni va ka vona, va aka hi vuntshwa alitari ya Xikwembu xa Israele, leswaku va ta humesela eka yona magandzelo lama hisiwaka, hilaha swi tsariweke hakona enawini wa Muxe munhu wa Xikwembu.

Yeremiya 3:18

Emasikwini ya kona, vanhu va Yuda ni vanhu va Israele va ta vuya swin'we va huma ematikweni ya le n'walungwini, va vuyela etikweni leri ndzi ri nyikeke vatata wa vona leswaku ri va ra vona.”