Genesa 12:6 - BIBELE Mahungu Lamanene

⁶ Loko va fika eKanana, Abrama a rhendzeleka na tiko a kondza a ya fika eka Nkuhlu wa More, yi nga ndhawu leyi nga Xikeme. Enkarhini lowu, Vakanana a va ha tshama etikweni leri.

Xitsonga (Bibele)

⁶ Abrama a tsemakanya etikweni, a fika exivandleni xa Xikeme, ku nga eMikuhlwini ya More; kambe Vakanana a va ri etikweni lero enkarhini wolowo.

Genesa 12:6 Referans Kwoze

Vaheveru 11:9

Hi ku pfumela, ú tshamile etikweni leri a tshembisiweke rona wonge hi loko a ri etikweni ra van'wana, a hanya emintsongeni a ri na Isaka na Yakobo, vadyandzhaka va xitshembiso xin'we ni xa yena.

Duteronoma 11:30

Tintshava leti ti le vupeladyambu bya nambu wa Yordani, etikweni ra Vakanana lava tshamaka eka Nkova wa Yordani; ti le kusuhi ni minkuhlu ya More, ku langutana ni muti wa Giligala.

Genesa 35:4

Kutani va nyika Yakobo swikwembu hinkwaswo swa vamatiko leswi a va ri na swona, va n'wi nyika ni swingwavila leswi a swi ri entindleveni ta vona. Hiloko Yakobo a ya swi celela ehansi ka murhi wa nkuhlu lowu a wu ri kwale kusuhi ni muti wa Xikeme.

Vaavanyisi 7:1

Kutani Yerubaali, a nga yena Gidiyoni, ni vanhu hinkwavo lava a a ri na vona, va pfuka ka ha ri mpundzu swinene, va ya gova kusuhi ni xihlovo xa Haroda; kasi Vamidiyani vona a va govile hi tlhelo ra n'walungu, erivaleni leri nga ehansi ka ntshava ya More.

Genesa 13:7

Tlhandlakambirhi, a ku ri ni ku holova exikarhi ka varisi va swifuwo swa Abrama ni varisi va swifuwo swa Lota. Enkarhini lowu, Vakanana ni Vaperesi a va ha tshama etikweni leri.

Timhaka 7:16

Va rhwariwa va yisiwa eXikeme, va lahliwa esirheni ra Abrahama, leri a a ri xavile hi mali ya silivhere eka vana va Hemori, kwale Xikeme.

Yohane 4:5

Kutani a fika emutini lowu a va ku i Sikari, kwale Samariya, kusuhi ni nsimu leyi Yakobo a a nyikile Yosefa, n'wana wa yena.

1 TIHOSI 12:1

Rhobuwamu a ya eXikeme, hikuva Vaisraele hinkwavo a va hlengeletanile kona ku ya n'wi veka a va hosi.

Vaavanyisi 9:1

Abimeleke n'wana Yerubaali a ya eXikeme laha mana wa yena a a huma kona, a fika a byela vakokwa wa yena hinkwavo, a ku:

Yoxuwa 24:32

Marhambu ya Yosefa lawa Vaisraele va humeke na wona etikweni ra Egipta, va ma celerile eXikeme, endhawini leyi Yakobo a yi xaveke eka vana va Hamoro tata wa Xikeme hi mali ya tisilivhere ta 100. Kutani ndhawu leyi yi vile ndzhaka ya vatukulu va Yosefa.

Yoxuwa 20:7

Kutani va hlawula muti wa Kedexe lowu nga Galeliya emagangeni ya Neftali, na muti wa Xikeme lowu wu nga emagangeni ya Efrayimi, na muti wa Kiriyata-Araba (hileswaku Hebroni) lowu wu nga emagangeni ya Yuda.

Genesa 34:2

Kuteloko Xikeme a n'wi vona, o n'wi pfinya a etlela na yena, a n'wi nyamisa. Xikeme a a ri n'wana Muhivhi loyi a va ku i Hamoro, yena ndhuna ya ndhawu yoleyo.

Genesa 33:18

Loko Yakobo a ta a huma hi le Padani-Aramu, ú fikile hi ku rhula emutini wa Xikeme, etikweni ra Kanana, kutani a gova kusuhi ni muti lowu.

Genesa 10:15

Kanana a veleka Sidoni mativula ya yena, a veleka na Heti.

1 TIHOSI 12:25

Kutani Yerobuwamu a pfuxa rirhangu ra Xikeme emagangeni ya tiko ra Efrayimi, a tshamanyana kona; kutani a rhurha kwalaho, a ya pfuxa rirhangu ra Penuwele.

Pisalema 60:6

Xikwembu xi vulavula xi ri eTempeleni ya xona, xi ku: “Ndzi muhluri, kutani ndzi ta pandzelela muti wa Xikeme, ndzi avela vanhu rivala ra Sukoti.

Genesa 34:30

Kutani Yakobo a ku ka Simiyoni na Levhi: “Mi ndzi vangele khombo hi ku ndzi venganisa ni Vakanana ni Vaperesi, vona vaaki va tiko. Mina a ndzi na vavanuna vo tala, kutani loko vo twanana va hlangana va ta ndzi hlasela, va ta ndzi herisa, mina ni va ndyangu wa mina.”

Hosiya 6:9

Vaprista va fana ni swigevenga leswi tumbelelaka vanhu, va hlengeletana endhawini yin'we, va dlaya vanhu endleleni yo ya eXikeme; leswi va swi endlaka i manyala ntsena.