Genesa 12:4 - BIBELE Mahungu Lamanene

⁴ Hiloko Abrama a suka a famba hilaha HOSI Xikwembu xi n'wi leriseke hakona; kutani Lota a famba na yena. Loko Abrama a suka eHarani a a ri ni malembe ya 75.

Xitsonga (Bibele)

⁴ Kutani Abrama a rhurha, hilaha Yehovha a n'wi byeleke hakona, na yena Lota a suka na yena. Abrama a a ri ni malembe ya 75, loko a huma eHarana.

Genesa 12:4 Referans Kwoze

Vaheveru 11:8

Hi ku pfumela, Abrahama, siku a vitaniweke ku rhurha a ya etikweni leri Xikwembu a xi n'wi tshembisile rona, ú yingisile, a rhurha a nga tivi lomu a fanelaka ku ya kona.

Genesa 11:31

Kutani Tera a teka n'wana wa yena Abrama, ni ntukulu wa yena Lota n'wana Harana, ni n'wingi wa yena Sarayi nkata Abrama, va rhurha emutini wa Uru etikweni ra Vakalediya, va kongoma etikweni ra Kanana, kambe loko va fika emutini wa Harana, vo aka va tshama kona.

Genesa 11:27

Lava hi vona va ka Tera. Tera a a ri tata wa Abrama, na Nahoro, na Harana; kutani Harana a veleka Lota.

Timhaka 7:4

Kavaloko a suka etikweni ra Vakalediya, a ya aka eHarani. Kambe endzhaku ka ku fa ka tata wa yena, Xikwembu xi n'wi rhurhisa, xi n'wi tisa etikweni leri mi akeke eka rona sweswi.

Vaheveru 6:15

Hi ndlela yoleyo Abrahama, hi ku lehisa mbilu, ú kumile leswi a tshembisiweke swona.

Genesa 16:3

kutani Sarayi nkata Abrama a teka Hagara, nandza wa yena lowa Muegipta, a n'wi nyiketa eka Abrama leswaku a va nsati wa yena. Leswi swi humelerile loko Abrama a hetile khume ra malembe a ri etikweni ra Kanana.

Genesa 16:16

Loko Hagara a kuma n'wana, Abrama a a ri ni malembe ya 86.

Genesa 25:7

Abrahama ú hanyile malembe ya 175,

Genesa 28:10

Kutani Yakobo a suka eBerexeba a kongoma eHarani.

Genesa 13:5

Lota, loyi a a famba na Abrama, na yena a a ri ni mintlhambi ya swifuwo leswikulu ni leswitsongo, a tlhela a va ni mintsonga,