Genesa 11:8 - BIBELE Mahungu Lamanene

⁸ Kutani HOSI Xikwembu xi va hangalasa va suka emutini lowu, va ya emisaveni hinkwayo, va tshika ku aka muti.

Xitsonga (Bibele)

⁸ Yehovha a va hangalasa emisaveni hinkwayo; kutani va tshika ku aka muti.

Genesa 11:8 Referans Kwoze

Luka 1:51

Ú tirhile hi matimba hi voko ra yena, ú hangalasile lava tikurisaka eku anakanyeni ka vona.

Duteronoma 32:8

Loko Xikwembu-xa-le-henhla-henhla xi phakela vamatiko tindhawu ta vona, ni loko xi va tshamisisa ematikweni ya vona, xi va bele mindzilekana hi ku ya hi nhlayo ya mavandla ya le tilweni.

Genesa 10:32

Lava hi vona vatukulu va Nowa hi ku ya hi mindyangu ya vona ni matiko ya vona. Ematikweni lawa, ku humile vanhu lava hangalakeke emisaveni, endzhaku ka ndhambi ya mati.

Genesa 10:25

Ebere a veleka vana vambirhi: Un'wana vito ra yena a a ri Pelege (hileswaku “ku avana”, hikuva enkarhini wa yena matiko ma avene). Makwavo wa yena a a ri Yokotani.

Genesa 11:9

Hiloko muti wa kona wu thyiwa vito ra Babele, hikuva HOSI Xikwembu xi pfilunganyisele kona ririmi ra vanhu va misava hinkwayo, xi va hangalasa va ya emisaveni hinkwayo.

Genesa 11:4

Kutani va ku: “A hi tiakeleni muti, hi aka ni xihondzo lexi nga ta dliva tilo, leswaku hi ta tiveka, hi ta ka hi nga hangalasiwi emisaveni.”

Genesa 49:7

A va rhukaniwe, hikuva va leva, va pfurha, xifafa xa vona xi va endlisa nsele. Ndzi ta va hambanyisa emitini ya Yakobo, ndzi ta va hangalasa etikweni ra Israele.

Pisalema 92:9

Valala va wena hi lava we HOSI, va ta hela, hinkwavo lava endlaka leswo biha va ta hangalasiwa.

Genesa 10:5

Eka vona lava, ku humile vanhu lava hangalakeke ematikweni lama nga etibuweni ta malwandle, hi ku ya hi tinxaka ta vona leti vulavulaka tindzimi to hambana-hambana.

Pisalema 33:10

HOSI Xikwembu xi pfilunganya makungu ya vamatiko, xi va sivela ku ya emahlweni na wona.