Genesa 11:7 - BIBELE Mahungu Lamanene

⁷ A hi rheleleni, hi ya pfilunganyisa ririmi ra vona, leswaku va ta ka va nga ha twanani loko va vulavula.”

Xitsonga (Bibele)

⁷ A hi yeni, hi xika, hi hambanyisa kona ku vulavula ka vona, leswaku va nga ha twanani.”

Genesa 11:7 Referans Kwoze

Pisalema 33:10

HOSI Xikwembu xi pfilunganya makungu ya vamatiko, xi va sivela ku ya emahlweni na wona.

Pisalema 55:9

We N'wini wanga, pfilunganya ku vulavula ka vona, leswaku va nga ha twanani!

Genesa 1:26

Kutani Xikwembu xi ku: “A hi endleni munhu hi xifaniso xa hina, a fana na hina, a ta fuma tinhlampfi ni tinyanyana, a fuma ni swifuwo ni misava, ni swiharhi hinkwaswo emisaveni, ni swikokovi hinkwaswo.”

1 Vakorinto 14:23

Loko nhlengeletano hinkwayo yi ta endhawini yin'we, ni loko hinkwavo va vulavula hi tindzimi leti nga tiviwiki, kutani ku tshuka ku nghena vanhu ntsena lava nga riki vapfumeri, xana a va nga vuli va ku: “Mi ni rihuhe!” ke?

Yeremiya 5:15

HOSI Xikwembu xi ri: “N'wina Vaisraele, yingisani! Ndzi ta tisa vanhu lava humaka kule, va ta mi hlasela. Vanhu va kona va tiyile ngopfu, i khale va ri kona; ririmi ra vona a mi ri tivi, loko va vulavula a mi nga twisisi nchumu.

Pisalema 2:4

Kambe loyi a tshameke ematilweni wa hleka, N'wini wa hinkwaswo wa va hlekula,

Ntirho 12:20

Xi miyeta vanhu lava tshembiwaka, lava dyuhaleke xi va pfilunganya miehleketo.

Duteronoma 28:49

HOSI Xikwembu xi ta mi vitanela vanhu va le kule lava vulavulaka ririmi leri mi nga ri twisisiki; va ta ta va huma emakun'wini ya misava, va mi vutla kukota gama.

Esaya 6:8

Kutani ndzi twa N'wini wanga a huwelela a ku: “Ndzi ta rhuma mani, i mani la nga ta va nomo wa hina xana?” Hiloko ndzi ku: “Hi mina loyi, ndzi rhume!”

Genesa 42:23

A va nga swi tivi leswaku Yosefa wa va twa, hikuva loko a vulavula na vona a a tirhisa mutoloki.

Genesa 11:5

Hiloko HOSI Xikwembu xi rhelela xi ta vona muti ni xihondzo lexi vanhu va tiakeleke xona,

Genesa 10:20

Lava hi vona vana va Hamu, lava tshameke ematikweni ya vona, va vulavula tindzimi to hambana-hambana hi ku ya hi tinxaka ta vona.

Genesa 3:22

Kutani HOSI Xikwembu xi ku: “Vonani, sweswi munhu ú fana na hina, ú tiva swo biha ni leswo saseka, kutani a nga tshuka a kha ni mihandzu ya murhi lowu nyikaka vutomi, a dya, kutani a hanya hilaha ku nga heriki.”

Genesa 10:32

Lava hi vona vatukulu va Nowa hi ku ya hi mindyangu ya vona ni matiko ya vona. Ematikweni lawa, ku humile vanhu lava hangalakeke emisaveni, endzhaku ka ndhambi ya mati.

Genesa 10:5

Eka vona lava, ku humile vanhu lava hangalakeke ematikweni lama nga etibuweni ta malwandle, hi ku ya hi tinxaka ta vona leti vulavulaka tindzimi to hambana-hambana.

Eksoda 4:11

Hiloko HOSI Xikwembu xi ku ka Muxe: “Xana i mani la vumbeke nomo wa munhu xana? Xana a hi mina HOSI Xikwembu ndzi endlaka munhu ku va mbheveve, kumbe ku fa tindleve, kumbe ku kota ku vona, kumbe ku va lowo-fe-mahlo, xana?

Esaya 33:19

Vanhu va tihanyi lava a va vulavula ririmi rimbe, leri a mi nga koti ni ku ri twisisa, a mi nga ha va voni!