Genesa 11:1 - BIBELE Mahungu Lamanene

¹ Khale vanhu hinkwavo emisaveni a va vulavula ririmi rin'we, leri a ri ri ni marito yo fana.

Xitsonga (Bibele)

¹ Misava hinkwayo a yi ri ni ku vulavula kun'we, ni marito man'we.

Genesa 11:1 Referans Kwoze

Timhaka 2:6

Loko mpfumawulo lowu wu twakala, ntshungu wu hlengeletana, kutani wu hlamala ngopfu, hikuva un'wana ni un'wana a a twa vadyondzisiwa va vulavula hi ririmi leri nga ra yena.

Sofoniya 3:9

“Enkarhini wolowo, ndzi ta tlhela ndzi nyika vamatiko milomo leyi tengeke, leswaku hinkwavo va khongela mina HOSI, va ndzi tirhela hi ku twanana;

Esaya 19:18

Enkarhini wolowo, etikweni ra Egipta, ku ta va ni miti ya ntlhanu leyi vaaki va yona va nga ta vulavula Xiheveru, va tiboha ku tirhela HOSI ya matimba hinkwawo. Wun'wana wa miti leyi wu ta vuriwa “Muti-wa-Dyambu”.

Genesa 10:32

Lava hi vona vatukulu va Nowa hi ku ya hi mindyangu ya vona ni matiko ya vona. Ematikweni lawa, ku humile vanhu lava hangalakeke emisaveni, endzhaku ka ndhambi ya mati.

Genesa 11:2

Loko va ri karhi va tsendzeleka evuxeni, va kumile rivala etikweni ra Xinara, kutani va aka kona.

Genesa 11:6

kutani HOSI Xikwembu xi ku: “Vanhu lava i van'we, naswona va vulavula ririmi rin'we; kutani lawa mo va masungulo ya leswi va nga ta swi endla. Xin'wana ni xin'wana lexi va nga ta lava ku xi endla, xi nge va tsandzi.