Genesa 10:5 - BIBELE Mahungu Lamanene

⁵ Eka vona lava, ku humile vanhu lava hangalakeke ematikweni lama nga etibuweni ta malwandle, hi ku ya hi tinxaka ta vona leti vulavulaka tindzimi to hambana-hambana.

Xitsonga (Bibele)

⁵ Ku hambanyisiwe xikarhi ka volavo swihlale swa matiko hi matiko ya vona, un'wana ni un'wana hi ririmi ra yena, ni tinyimba ta vona, ematikweni ya vona.

Genesa 10:5 Referans Kwoze

Sofoniya 2:11

HOSI Xikwembu xi ta va ba hi ndlela yo chavisa, swikwembu hinkwaswo leswi nga misaveni, xi ta swi tsongahata, kutani vanhu va tinxaka hinkwato va ta xi nkhinsamela ematikweni ya vona.

Yeremiya 2:10

“Pelani lwandle mi ya xiyaxiya exihlaleni xa Kipra; rhumani vanhu va ya eka va ka Kedari, va ya languta, va vona loko mhaka yo tano yi tshama yi humelela:

Yeremiya 25:22

ni tihosi hinkwato ta le Tiri, ni ta le Sidoni, ni ta matiko ya le kule entsungeni wa malwandle;

Esaya 42:4

A nga ka a nga heli matimba a lan'wa; ú ta kondza a tisa ku lulama emisaveni. Vanhu va matiko ya le kule va le ku languteleni ka leswi a nga ta va dyondzisa swona.”

Genesa 10:20

Lava hi vona vana va Hamu, lava tshameke ematikweni ya vona, va vulavula tindzimi to hambana-hambana hi ku ya hi tinxaka ta vona.

Esaya 60:9

I ta vanhu va matiko ya le kule lava va tshembaka HOSI Xikwembu; ti rhangeriwile hi tingalava to huma eTarxixi, ti vuyisa vana va wena etindhawini ta le kule, ti rhwele silivhere ni nsuku, leswaku vito ra HOSI Xikwembu xa wena ri dzunisiwa, yena Muhlawuleki wa Israele loyi a ku nyikeke ku dzuneka.

Esaya 59:18

Un'wana ni un'wana, xi ta n'wi ba hi nkhavi lowu ringanaka leswi a endleke swona; valala va xona, xi ta va karihela xi va ba, lava nga matikweni ya le kule, na vona va ta biwa.

Esaya 51:5

Ku nga ri khale, ndzi ta tikomba leswaku ndzi mulweri, nkarhi wa mina wa ku ponisa wu le kusuhi, ndzi ta fuma matiko hi ndzexe. Vanhu va matiko ya le kule va le ku languteleni, va tshemba matimba ya mina.

Esaya 49:1

Nandza wa HOSI Xikwembu ú ri: “N'wina vanhu va matiko ya le kule, rhiyani ndleve mi ndzi yingisa: HOSI Xikwembu xi ndzi vitanile ndza ha ri khwirini ra manana, xi ndzi thyile vito ndzi nga si velekiwa.

Esaya 42:10

Sumani risimu lerintshwa, mi yimbelelela HOSI Xikwembu; n'wina vanhu va misava hinkwayo, xi twariseni! Xi dzuniseni n'wina mi fambaka elwandle, na n'wina swivumbiwa hinkwaswo leswi nge ka rona; yimbelelani na n'wina mi tshamaka ematikweni ya le kule.

Esaya 41:5

“Vanhu va le matikweni ya le kule, va swi vonile, kutani va chava; misava hinkwayo ya ninginika, vanhu va hlengeletana, va ta.

Esaya 40:15

Eka HOSI Xikwembu, matiko ma fana ni thonsi ra mati leri humaka ekhuwanini, xi ma teka wonge mo va ritshuri leri weleke exikalwini; swihlala swona, xi swi vona swi fana ni ritshuri leri hahaka.

Esaya 24:15

van'wana va huwelela va ri evuxeni, va tlangela ku dzuneka ka xona, eswihlaleni ku twala lava nkhensaka vito ra HOSI, xona Xikwembu xa Israele.

Pisalema 72:10

Tihosi ta matiko hinkwawo ya le kule a ti n'wi humesele ndzuvo, va le Xeba ni va le Seba a va n'wi tisele tinyiko.

Genesa 10:25

Ebere a veleka vana vambirhi: Un'wana vito ra yena a a ri Pelege (hileswaku “ku avana”, hikuva enkarhini wa yena matiko ma avene). Makwavo wa yena a a ri Yokotani.

Genesa 10:4

Vana va Yavhani hi lava: Elixa, na Tarxixi, na Kipra, na Rhoda.

Genesa 10:6

Vana va Hamu hi lava: Kuxi, na Egipta, na Putu, na Kanana.

Ezekiele 26:15

HOSI N'wini wa hinkwaswo ú vurisa sweswo ú ri: “Wena Tiri, vanhu va matiko lama nga kusuhi ni lwandle va ta rhurhumela hi ku chava, loko va twa mpfumawulo wa ku wa ka wena ni ku konya ka lava vavisiweke kwala ka wena, siku valala va ku herisaka.

Ezekiele 26:18

Namuntlha va le swihlaleni va rhurhumela esikwini leri ra ku wa ka wena, lava akeke kusuhi ni lwandle va tsemeka nhlana hikuva a wa ha ri kona!’

Daniele 11:18

Hikokwalaho, ú ta kongoma matiko man'wana lama nga kusuhi ni lwandle, a teka layo tala exikarhi ka wona; kambe ku tikurisa ka yena ku ta herisiwa hi ndhuna ya tiko rimbe, leyi nga ta endla leswaku ku tikurisa loku ku tlhela ku n'wi vangela ni rifu.

Genesa 9:19

Lava hi vona vana vanharhu va Nowa; eka vona ku humile vanhu hinkwavo lava tateke misava.

Genesa 10:32

Lava hi vona vatukulu va Nowa hi ku ya hi mindyangu ya vona ni matiko ya vona. Ematikweni lawa, ku humile vanhu lava hangalakeke emisaveni, endzhaku ka ndhambi ya mati.

Duteronoma 32:8

Loko Xikwembu-xa-le-henhla-henhla xi phakela vamatiko tindhawu ta vona, ni loko xi va tshamisisa ematikweni ya vona, xi va bele mindzilekana hi ku ya hi nhlayo ya mavandla ya le tilweni.

Estere 10:1

Hosi Ahasuwerusi a lerisa leswaku vaaki hinkwavo va swifundzha swa matiko ya yena ku ya fika eribuweni ra lwandle va n'wi humesela ndzuvo.

Esaya 11:11

Eminkarhini yoleyo, N'wini wa hinkwaswo ú ta tlhela a tlakusa voko ra yena, a vuyisa masalela ya vanhu va yena lava nga ta va va ha ri le Asiriya, ni le Egipta, ni le Patroso, ni le Etiyopiya, ni le Elamu, ni le Xinara, ni le Hamata, ni le swihlaleni.