Genesa 10:14 - BIBELE Mahungu Lamanene

¹⁴ na Patroso, na Kasiluhi, na Kafitoro, yena kokwa wa Vafilista.

Xitsonga (Bibele)

¹⁴ na Vapatroso, na Vakasiluhi, (hi vona ku nga humelela Vafilista eka vona), na Vakafitoro.

Genesa 10:14 Referans Kwoze

Yeremiya 47:4

Ri fikile siku leri Vafilista hinkwavo va fanelaka ku herisiwa: Va ta dlawa, ku nga ha sali na un'we la nga yaka a ya lwela miti ya Tiri na Sidoni. Vafilista, vona masalela ya lava khale a va akile exihlaleni xa Kreta, ndzi ta va herisa mina HOSI.

Amosi 9:7

Hosi yi vula sweswo yi ri: “N'wina Vaisraele, xana a ndzi mi teki mi fana ni vanhu va le Etiyopiya xana? Hambileswi ndzi mi humeseke etikweni ra Egipta, ndzi mi ringanisa ni Vafilista lava ndzi va humeseke eKafitoro, ni Vasiriya lava ndzi va humeseke eKiri.

1 TIKRONIKA 1:12

ni va le Patroso, ni va le Kasiluhi, ni va le Kafitoro va nga vona vakokwa wa Vafilista.

Duteronoma 2:23

Vaavhimi lava a va tshama emitini leyi fambaka ku ya fika eGaza va herisiwile hi va le Kafitoro, lava va nga va tekela tiko va tshama eka rona.)

Yeremiya 44:1

Yeremiya a ya vulavula ni va ka Yuda hinkwavo lava tshamaka etikweni ra Egipta, eMigidolo ni le Tahapanese ni le Nofu ni le matlhelweni ya Patroso, a va tivisa marito ya HOSI Xikwembu lama nge:

Esaya 11:11

Eminkarhini yoleyo, N'wini wa hinkwaswo ú ta tlhela a tlakusa voko ra yena, a vuyisa masalela ya vanhu va yena lava nga ta va va ha ri le Asiriya, ni le Egipta, ni le Patroso, ni le Etiyopiya, ni le Elamu, ni le Xinara, ni le Hamata, ni le swihlaleni.