Genesa 1:6 - BIBELE Mahungu Lamanene

⁶ Kutani Xikwembu xi ku: “Exikarhi ka mati a ku ve ni mpfhuka lowu nga ta ma hambanisa.”

Xitsonga (Bibele)

⁶ Kutani Xikwembu xi ku: “Mpfhuka a wu ve kona exikarhi ka mati, wu hambanyisa mati ni mati.”

Genesa 1:6 Referans Kwoze

Ntirho 37:18

xana u nga vamba lwangu ra tilo ku fana na xona ke, ri tiya kukota nsimbhi yo vangama?

Yeremiya 51:15

HOSI Xikwembu hi xona xi tumbuluxeke misava hi ntamu wa xona, xi veka masungulo ya yona hi vutlhari, xi vamba ni matilo ha byona.

Pisalema 33:6

HOSI Xikwembu xi endle matilo hi rito ra xona, xi lo lerisa kunene, kutani dyambu ni n'weti ni tinyeleti, swi va kona hinkwaswo.

Pisalema 104:2

Ku vonakala i xifunengelo xa wena; u vambile matilo ku fana ni tende.

Pisalema 33:9

hikuva xi vulavurile, kutani swilo swi va kona; xi lo lerisa kunene, kutani swi humelela.

Pisalema 148:4

Xi dzuniseni n'wina matilo ya le henhla-henhla, kun'we na n'wina mati lama nge henhla matilweni.

Zakariya 12:1

Mahungu hi lawa, ri nga rito ra HOSI Xikwembu ehenhla ka Vaisraele: Xikwembu lexi vumbeke matilo, lexi xi andlaleke ni misava, xona lexi hanyisaka munhu, xi vurisa sweswo xi ri:

Pisalema 19:1

Matilo ma karhi ma vula ku dzuneka ka Xikwembu, mpfhuka wu twarisa ntirho wa mavoko ya xona.

Genesa 1:20

Kutani Xikwembu xi ku: “Ematini a ku ve ni swivumbiwa leswo tala leswi hanyaka, tinyanyana tona a ti hahe empfhukeni.”

Ntirho 26:13

Xi hungisa moya, wu hangalasa mapapa, xi tlhava ni nyoka ya ximememe.

Pisalema 150:1

Dzunisani HOSI! Dzunisani Xikwembu exivandleni xa xona lexo hlawuleka, xi dzuniseni ehansi ka tilo leri kombaka matimba ya xona.

Ntirho 37:11

Kutani xi rhwala mapapa lawa ya ntima, xi ma hangalasa ni rihati ra wona,

Eklesiasta 11:3

Loko mapapa ma rhwele mpfula, ma ta yi chululela emisaveni; na wona murhi, hambi wu wela edzongeni kumbe en'walungwini, wu ta etlela laha wu weleke kona.

Genesa 1:14

Kutani Xikwembu xi ku: “A ku ve ni timboni etilweni, leti nga ta hambanisa nhlekanhi ni vusiku, ti komba tinguva, ti komba ni masiku ni malembe.

Yeremiya 10:10

Kasi HOSI yona, hi yona yi nga Xikwembu xa ntiyiso; i Xikwembu lexi hanyaka, lexi fumaka hilaha ku nga heriki. Vukari bya xona byi tsekatsekisa misava, loko xi hlundzukile, vamatiko va nge swi tiyiseli.

2 Petro 3:5

Vanhu lava va vula ha vomu, hi ku rivala mhaka leyi: Hileswaku matilo a ma ri kona khale ni khale, ni leswaku misava yi vumbiwile hi rito ra Xikwembu yi huma ematini, yi ri xikarhi ka mati.

Esaya 40:22

Mutumbuluxi wa yona hi loyi a tshameke etilweni; eka yena, vaaki va misava va fana ni switsotso. Ú andlarile matilo kukota nceka, a ma vamba ku fana ni ntsonga wo tshama eka wona.

Pisalema 19:2

Siku ri kanela swona na rin'wana siku, vusiku byi vikela byin'wana vusiku evutlhari bya kona.