Genesa 1:20 - BIBELE Mahungu Lamanene

²⁰ Kutani Xikwembu xi ku: “Ematini a ku ve ni swivumbiwa leswo tala leswi hanyaka, tinyanyana tona a ti hahe empfhukeni.”

Xitsonga (Bibele)

²⁰ Kutani Xikwembu xi ku: “Mati a ma tale hi vunyingi bya leswi hanyaka, ni tinyanyana a ti hahe ehenhla ka misava, emahlweni ka mpfhuka wa matilo.”

Genesa 1:20 Referans Kwoze

Genesa 2:19

Hiloko HOSI Xikwembu xi teka misava xi vumba swiharhi hinkwaswo ni tinyanyana hinkwato, kutani xi swi yisa eka munhu ku vona leswaku munhu ú ta swi thya mavito wahi. Kutani vito leri munhu a ri thyeke xivumbiwa xin'wana ni xin'wana, ri vile rona vito ra xona.

1 TIHOSI 4:33

Ú hlamuserile ta misinya, ku sukela eka leyikulu tanihi mirhi ya kedari ya le Lebanoni, ku fikela eka leyitsongo yo fana ni swimidyana swa hisopa leswi milaka emakhumbini; naswona ú hlamuserile ta swiharhi ni swinyanyana, ni swikokovi, ni tinhlampfi.

Pisalema 148:10

swiharhi ni swifuwo hinkwaswo, swikokovi ni tinyanyana, hinkwaswo a swi dzunise HOSI Xikwembu.

Genesa 1:30

Swiharhi hinkwaswo, ni tinyanyana hinkwato, ni swikokovi hinkwaswo, ni swin'wana hinkwaswo leswi hanyaka, swona ndzi swi nyika swimila hinkwaswo swa rihlaza leswaku swi va swakudya swa swona.” Kutani swi va tano.

Genesa 8:17

u huma ni swivumbiwa hinkwaswo leswi hanyaka leswi u nga na swona, ti nga tinyanyana, ni swiharhi, ni swikokovi hinkwaswo, leswaku swi ta tswalana, swi andza, swi tata misava.”

Genesa 1:22

Hiloko Xikwembu xi swi katekisa, xi ku: “Tswalanani mi andza, mi tata malwandle, tinyanyana tona a ti andze emisaveni.”

Genesa 1:14

Kutani Xikwembu xi ku: “A ku ve ni timboni etilweni, leti nga ta hambanisa nhlekanhi ni vusiku, ti komba tinguva, ti komba ni masiku ni malembe.

Genesa 1:7

Kutani Xikwembu xi endla mpfhuka exikarhi ka mati lama nga hansi ni lama nga henhla, xi ma hambanisa ha wona. Kutani swi va tano.

Timhaka 17:25

naswona a xi tirheriwi hi mavoko ya vanhu, wonge hi loko xi nga pfumala nchumu; hikuva hi xona lexi nyikaka un'wana ni un'wana vutomi, ni ku hefemula, ni swilo hinkwaswo.

Eklesiasta 2:21

Nkarhi wun'wana, munhu ú dzuka nyuku a tirha hi vutlhari ni vutivi, a kondza a humelela. Kambe hinkwaswo swi ta sala swi dyiwa hi munhu un'wana la nga tshama hi mavoko a nga swi tirhelanga. Na swona sweswo a swi pfuni nchumu, swi bihile ngopfu.

Genesa 1:19

Kutani ku va madyambu, ku tlhela ku va mixo, ri va siku ra vumune.

Genesa 1:21

Hiloko Xikwembu xi tumbuluxa swiharhi leswikulu swa le lwandle, ni swivumbiwa hinkwaswo leswi hanyaka ematini hi ku hambana-hambana ka swona, ni tinyanyana hinkwato hi tinxaka-xaka ta tona. Kutani Xikwembu xi vona leswaku swilo leswi swi sasekile.

Genesa 7:21

Kutani swivumbiwa hinkwaswo leswi hanyaka emisaveni swi fetetela. Ku file tinyanyana, ni swifuwo, ni swiharhi, ni swihadyana hinkwaswo leswi tateke misava, ni vanhu hinkwavo.

Levhitika 11:42

Xihadyana xin'wana ni xin'wana lexi fambaka hi khwiri, kumbe lexi fambaka hi milenge ya mune, kumbe lexi fambaka hi milenge yo tala, swi nga swihadyana hinkwaswo leswi tateke misava, ku dya swona swa yila.

Levhitika 11:43

Mi nga tshuki mi tithyakisa hi ku dya xin'wana xa swihadyana leswi hinkwaswo, leswi tateke misava. Mi nga tshuki mi tinyamisa ha swona, hikuva mi nga ta hundzuka lava nga tengangiki;

Ntirho 12:9

Swivumbiwa leswi hinkwaswo swi tiva mhaka leyi: HOSI Xikwembu hi xona xi nga endla hinkwaswo hi matimba ya xona.