Genesa 1:14 - BIBELE Mahungu Lamanene

¹⁴ Kutani Xikwembu xi ku: “A ku ve ni timboni etilweni, leti nga ta hambanisa nhlekanhi ni vusiku, ti komba tinguva, ti komba ni masiku ni malembe.

Xitsonga (Bibele)

¹⁴ Kutani Xikwembu xi ku: “Swo voninga a swi ve kona empfhukeni wa matilo, swi hambanyisa nhlekanhi ni vusiku, swi va swikombiso swa tinguva, ni masiku ni malembe,

Genesa 1:14 Referans Kwoze

Duteronoma 4:19

Loko mi languta ehenhla, mi vona hinkwaswo leswi nga kona, ku nga dyambu, ni n'weti, ni tinyeleti, tivoneleni leswaku swi nga mi hambukisi, kutani mi swi nkhinsamela kumbe ku swi tirhela, hikuva swilo leswi, HOSI Xikwembu xa n'wina xi swi avele vanhu va matiko man'wana hinkwawo leswaku va swi gandzela.

Yeremiya 31:35

HOSI Xikwembu, xona lexi vekeke dyambu ku fuma nhlekanhi, xi lerisa n'weti ni tinyeleti leswaku swi voninga nivusiku, xona lexi pfindlusaka lwandle xi pfumisa ni magandlati, vito ra xona i HOSI ya matimba hinkwawo. Kutani xi vula sweswo xi ri:

Pisalema 148:3

Wena dyambu na wena n'weti xi dzuniseni, xi dzuniseni n'wina hinkwenu tinyeleti leti vangamaka.

Pisalema 148:6

xi swi vekile etindhawini ta swona leti nga hundzukiki, xi swi vekela milawu leyi swi tsandzekaka ku yi tlula.

Amosi 5:8

Loyi a vumbeke Xirimela na Mahlahle, a hundzula xinyami xi va ku vonakala ka mixo, a tlhela a hundzula nhlekanhi wu va vusiku, loyi a vitanaka mati ya lwandle a ma humesa, a cheleta misava ha wona, vito ra yena i HOSI.

Yuwele 3:15

Dyambu ni n'weti swi hundzuka munyama, tinyeleti ta timeka.

Yeremiya 10:2

Xi vurisa sweswo xi ri: “Mi nga tshuki mi tolovela mikhuva ya vamatiko, naswona mi nga hlamali mahlori lama humelelaka ematilweni, hikuva lava va ma hlamalaka, hi vona vamatiko volavo.

Pisalema 81:3

Banani mhalamhala loko n'weti wu tshama, ni loko wu ba mahlampfu esikwini ra nkhuvo wa hina.

Genesa 8:22

“Loko misava ya ha ri kona, ku byala ni ku tshovela, xirhami ni mumu, ximumu ni xixika, nhlekanhi ni vusiku, swi nga ka swi nga yimi!”

Esaya 40:26

Pfulani mahlo mi languta ehenhla: Xana i mani loyi a tumbuluxeke leswi mi swi vonaka xana? Swi tumbuluxiwile hi loyi a swi hlengeletaka tanihi mavuthu, ú tiva xin'wana ni xin'wana hi vito ra xona; ú ni ntamu ni matimba layo hlamarisa, kutani a ku na xin'we xa swona lexi nga tshukaka xi lahlekile.

Matewu 24:29

“Kan'we-kan'we loko nhlomulo wa minkarhi yoleyo wu ta va wu herile, “ ‘dyambu ri ta hundzuka ntima, ni n'weti a wu nga ha voningi; tinyeleti ti ta wa hi le tilweni, ni leswa matimba swa le matilweni swi ta dzinginisiwa.’

Amosi 8:9

HOSI N'wini wa hinkwaswo ú vula sweswo ú ri: “Siku ra ta, leri ndzi nga ta perisa dyambu ninhlekanhi, ndzi hundzula ku vonakala ka siku ku va xinyami emisaveni.

Yuwele 2:10

Loko va fika, misava ya tsekatseka, matilo wona ma rhurhumela. Dyambu ni n'weti swi hundzuka munyama, tinyeleti ta timeka.

Yeremiya 33:20

“Mina HOSI ndzi ri, ndzi endlile ntwanano lowu fumaka vusiku ni nhlekanhi; swilo leswi swi ta hi minkarhi leyi vekiweke, kutani a ku na munhu loyi a nga tshovaka ntwanano wa kona.

Nhlavutelo 6:12

Kutani ndzi languta loko Xinyimpfana xi lemula xilemo xa vu-6. Ku va ni ku tsekatseka lokukulu ka misava; dyambu ri endla ntima, ri fana ni nguvu yo khwaxa ya ntima. N'weti hinkwawo wu hundzuka lowo tshwuka ku fana ni ngati.

Matewu 2:2

ti ku: “Yi kwihi Hosi ya Vayuda leyi velekiweke xana? Hikuva hi vonile nyeleti ya yona le vuxeni, kutani hi tile ku ta yi gandzela.”

Ezekiele 46:1

HOSI N'wini wa hinkwaswo ú vurisa sweswo ú ri: “Nyangwa ya xivava xa le ndzeni ka Tempele hi tlhelo ra le vuxeni yi ta tshama yi pfariwile masiku hinkwawo ya vhiki; yi ta pfuriwa ntsena hi siku ra Savata, kumbe hi siku ra ku tshama ka n'weti.

Yeremiya 33:25

Kambe mina HOSI ndzi ri, loko a ndzi nga endlanga ntwanano lowu lawulaka vusiku ni nhlekanhi, ni loko a ndzi nga vekanga milawu leyi fumaka matilo ni misava,

Ntirho 25:5

Leswi n'weti wu nga hatimiki ku ringana, na tona tinyeleti ti nga basangiki emahlweni ka Xikwembu,

Genesa 9:13

Ndzi vekela nkwangulatilo emapapeni lowu nga ta va xitsundzuxo xa ntwanano exikarhi ka mina ni misava.

Nhlavutelo 8:12

Ntsumi ya vumune yi chaya nanga ya yona, kutani xiphemu xin'we xa nharhu xa dyambu xi timeka, ni xa nharhu xa n'weti, ni xa nharhu xa tinyeleti, leswaku xiphemu xin'we xa nharhu xa ku vonakala ka swona xi hundzuka ntima. Xiphemu xin'we xa nharhu xa nhlekanhi xi nga ha vonaki, swi va tano ni xa nharhu xa vusiku.

Luka 23:45

Dyambu ri endla ntima, ni xisirhelelo lexi hingakanyaka Tempele xi handzuka hi le xikarhi.

Marka 13:24

“Eminkarhini yoleyo, endzhaku ka nhlomulo wolowo, “ ‘dyambu ri ta hundzuka ntima, ni n'weti a wu nga ha voningi;

Ezekiele 46:6

Hi siku ra ku tshama ka n'weti, mufumi ú ta humesa xinkuzana, swin'we ni khuna ni swinyimpfana swa 6, swifuwo leswi hinkwaswo swi ri leswi nga solekiki.

Pisalema 119:91

Swilo swa ha yimise sweswo ni namuntlha hi ku landza leswi u swi boheke, kutani hinkwaswo swi tirhela wena.

Ntirho 25:3

Xana ntsengo wa tinhenha ta xona wa hlayeka ke, i mani loyi dyambu ra xona ri nga n'wi tlhaveriki, xana?

Ntirho 3:9

Tinyeleti ta vusiku byebyo a ti nyamalale, ku tshama ku lo dzwíí, byi nga voni ku xa ka dyambu,

Nhlavutelo 9:2

kutani yi pfula nomo wa khele ra kona, ku huma musi lowu fanaka ni musi wa xitiko lexikulu xa ndzilo. Dyambu ni mpfhuka swi siveka hi mhaka ya musi lowu tuvikaka hi le non'weni wa khele.

Genesa 1:13

Kutani ku va madyambu, ku tlhela ku va mixo, ri va siku ra vunharhu.

Genesa 1:15

Timboni leti a ti pfurhe etilweni, ti voninga misava.” Kutani swi va tano.

Pisalema 150:1

Dzunisani HOSI! Dzunisani Xikwembu exivandleni xa xona lexo hlawuleka, xi dzuniseni ehansi ka tilo leri kombaka matimba ya xona.