Ezra 9:7 - BIBELE Mahungu Lamanene

⁷ Ku sukela enkarhini wa vatatana, ku ta fika namuntlha, ha ha ri ni nandzu lowukulu. Hina ni tihosi ta hina, ni vaprista, hi nyiketiwile emavokweni ya tihosi ta vamatiko hikwalaho ka swidyoho swa hina; hi hlaseriwile hi fumu, hi yisiwa evukhumbini, hi tekeriwa swilo swa hina, hi khomisiwa tingana, ku fana ni namuntlha.

Xitsonga (Bibele)

⁷ Ka ha ri mpfhuka wa vatata wa hina, hi tshama enandzwini lowukulu ku fikela sweswi hikwalaho ka swidyoho swa hina, hi nyiketiwile ni tihosi ta hina, ni vaprista va hina, emavokweni ya tihosi ta matiko walawo, hi nyiketiwa fumu ni ku bohiwa, ni ku onhaka, ni tingana, kukotisa namuntlha.

Ezra 9:7 Referans Kwoze

2 TIKRONIKA 29:6

Hakunene, vatata wa hina a va nga tshembeki: Va endlile leswo homboloka emahlweni ka HOSI Xikwembu xa hina, va xi tshika, va nga ha tsakeli vutshamo bya xona lebyi, va byi fularhela.

Swirilo 5:7

Vatata wa hina va dyohile, kambe sweswi a va ha ri kona, kutani hina hi rhwexiwa nandzu wa swidyoho swa vona.

Yeremiya 44:22

Namuntlha, tiko ra n'wina ri onhiwile, ri hundzukile mananga, ra soriwa, a ra ha ri na munhu! Xivangelo hileswaku HOSI Xikwembu xi karhele hi swiendlo swa n'wina leswo biha ni manyala lawa mi ma endleke.

Yeremiya 25:18

Ndzi rhanga ndzi nwisa vaaki va Yerusalema ni va miti ya Yuda, ndzi nwisa tihosi ni tindhuna ta vona, leswaku miti ya kona yi hundzuka marhumbi layo chavisa, vahundzi va ndlela va hlakahla tinhloko, va yi monya; ni namuntlha swa ha ri tano.

Nehemiya 9:30

Emalembeni lawa yo tala, u va lehiserile mbilu, u va tsundzuxa hi Moya wa wena, hi milomo ya vaprofeta, kambe a va yingisanga, kutani u va nyiketa emavokweni ya vamatiko.

2 TIKRONIKA 30:7

Hikokwalaho mi nga tshuki mi fularhela HOSI, Xikwembu xa vatata wa n'wina, ku fana ni vatswari va n'wina ni vamakwenu, lava Xikwembu xi va beke hi makhombo lawa mi ma tivaka.

1 SAMIELE 12:15

Kambe loko mi nga yingisi rito ra HOSI Xikwembu, ni loko mi fularhela ku lerisa ka xona, xi ta mi ba hi nkhavi wa xona, ku fana ni loko xi bile vatata wa n'wina.

Tinhlayo 32:14

Hi leswi, na n'wina mi tekelela swa vatata wa n'wina; mi lo velekiwa mi ri na byona vubihi hinkwabyo lebyi nga ta pfurhisa vukari bya HOSI Xikwembu, xi karihela Vaisraele!

1 TIHOSI 8:47

Kumbexana va ta tikamba etikweni leri va yisiweke eka rona va ri mahlonga, kutani va hundzuka, va khongela hi matimba eka wena va ri evukhumbini, va tivula va ku: ‘Hi dyohile, hi onhile, hi endlile leswo biha!’

Ezra 9:13

Hambiloko hi weriwile hi makhombo layo tala hikwalaho ka mahanyelo ya hina layo biha, ni milandzu leyi hi tivangeleke yona, ha swi vona leswaku nkhavi lowu u hi beke ha wona, i wutsongo, a wu ringananga swidyoho swa hina; tlhandlakambirhi, u hi siyerile van'wana, va sala va hanya.

Yeremiya 3:25

A hi korhameni ehansi, hikuva hi ni tingana letikulu, milandzu ya hina ya hi tshikelela. Ku sukela evuhlangini bya hina ku fikela siku ra namuntlha, hina ni vatata wa hina hi dyoherile HOSI Xikwembu xa hina. Leswi HOSI Xikwembu xa hina xi hi byeleke swona, a hi swi yingisanga.”

Yeremiya 32:23

Va tekile tiko ra kona ri va ra vona, kambe va arile ku ku yingisa, va tlula ni milawu ya wena. Leswi u va leriseke ku swi endla, a va swi endlanga, hikokwalaho u va vangerile makhombo lawa hinkwawo.

Yeremiya 32:32

hi mhaka ya leswo biha leswi Vaisraele ni va ka Yuda va ndzi hlundzukiseke ha swona, vona ni tihosi ta vona ni tindhuna ta vona ni vaprista va vona ni vaprofeta va vona, ku katsa ni vavanuna va Yuda ni vaaki va Yerusalema.

2 TIKRONIKA 34:24

“Yingisani! Ndzi vurisa sweswo ndzi ri, ndzi ta vanga khombo endhawini leyi ni le henhla ka vaaki va yona, hi ku landza marito hinkwawo ya ku tshinya lama nga bukwini leyi hlayiweke hi hosi ya Yuda.

Esaya 64:4

Ku sukela khale, a ku si tshama ku va na munhu loyi a tweke kumbe ku vona Xikwembu xo fana na wena, hikuva u tikarhatela vanhu lava va ku tshembaka.

Yeremiya 44:9

Vubihi lebyi endliweke etikweni ra Yuda ni le magondzweni ya Yerusalema, mi lo byi rivala xana? Vubihi bya kona byi endliwile hi vatata wa n'wina ni tihosi ta Yuda ni vasati va tona; hambi mi ri n'wina ni vasati va n'wina mi byi endlile!

Ezekiele 11:9

Ndzi ta mi humesa emutini wa Yerusalema, ndzi mi nyiketa emavokweni ya vamatiko, ndzi hetisa makungu ya mina ya ku mi ba.

Ezekiele 39:23

Vamatiko vona va ta twisisa leswaku Vaisraele va yisiwile evukhumbini hikuva a va ndzi dyoherile. A va nga ri vanhu vo tshembeka eka mina, hikokwalaho ndzi va fularherile, ndzi va tshika va hluriwa hi valala, va va dlaya hinkwavo.