Biblia Todo Logo
Bib sou entènèt

- Piblisite -




Ezra 9:1 - BIBELE Mahungu Lamanene

1 Endzhaku ka loko swilo leswi swi endliwile, varhangeri va ta eka mina va fika va ku: “Vaisraele, ni Valevhi, ni vaprista, va tinyiketile eka manyala lama endliwaka hi vamatiko, a va tihambanisanga ni Vakanana, ni Vahiti, ni Vaperesi, ni Vayebusi, ni Vaamoni, ni Vamowabu, ni Vaegipta, ni Vaamori.

Gade chapit la Kopi

Xitsonga (Bibele)

1 Timhaka leti, loko ti herile, tihosana ti ndzi tshinelela mina, ti ku: “Tiko ra Israele ni vaprista, ni Valevhi a va tihlawulangi eka vanhu va matiko, kambe va etisa manyala ya vona, va nga Vakanana, ni Vahiti, ni Vaperesi, ni Vayebusi, ni Vaamoni, ni Vamowabu, ni Vaegipta ni Vaamori.

Gade chapit la Kopi




Ezra 9:1
37 Referans Kwoze  

Vaisraele va tihambanisa ni vanhu va matiko mambe kutani va yima va tisola hikwalaho ka swidyoho swa vona ni swa vatata wa vona.


Loko u nga fambi na hina, xana swi ta vonaka hi mukhuva wihi leswaku mina ni vanhu va wena wa hi tsakela xana? Mhaka leyi endlaka leswaku hi va vanhu lava hlawuriweke exikarhi ka hinkwavo lava hanyaka emisaveni, xana a hi leswi wena u fambaka na hina xana?”


Kutani varhangeri va tiko ni ntshungu hinkwawo va vulavula ni vaprista ni vaprofeta, va ku: “A ku na nandzu lowu munhu loyi a fanelaka ku dlayiwa hikwalaho ka wona, hikuva leswi a nga hi byela swona swi huma eka HOSI Xikwembu xa hina.”


Loko varhangeri va tiko ra Yuda va twa leswi humelelaka, va hatla va suka entsindza, va tlhandlukela eTempeleni, va fika va tshama eswitshan'wini swa vona ehubyeni, kusuhi ni nyangwa ya Tempele leyi vuriwaka “Nyangwa Leyintshwa”.


Sukani! Sukani! Humani eBabilona mi famba, mi nga tshuki mi khumba swilo leswi nga tengangiki. Humani etikweni rero! N'wina mi rhwalaka swibya swa HOSI Xikwembu, mi fanele ku tibasisa.


kambe va tihlanganisile na vona, va tekelela ni mikhuva ya vona,


Tobiya lowa Muamoni a a yimile kwala kusuhi na Sanibalati, kutani na yena a ku: “Xilo lexi va xi akaka, xexi va nge i rirhangu, loko mhungubye yo khandziya ehenhla ka xona, xi ta hirimuka xi wela hansi!”


Ku tivisiwile ni leswaku munhu loyi a nga ta ka a nga yi eYerusalema ku kondza ku hundza masiku manharhu, tindhuna ni vakulukumba va ta lerisa leswaku a tekeriwa swilo swa yena hinkwaswo, a tlhela a hlongoriwa a suka exikarhi ka lava va vuyeke hi le vukhumbini.


A endla leswo biha emahlweni ka HOSI Xikwembu, hi ku landza swa manyala ya vamatiko lava hlongoriweke hi HOSI Xikwembu, loko Vaisraele va nghena etikweni.


Hosi Solomoni ú rhandzene ni vavasati lavo tala va tinxaka timbe: Ehandle ka N'wa-Faro, ú tekile vasati exikarhi ka Vamowabu, ni Vaamoni, ni Vaedomu, ni Vasidoni, ni Vahiti.


“Loko mi ta va mi fikile etikweni leri HOSI Xikwembu xa n'wina xi mi nyikaka rona, vonani leswaku mi nga tshuki mi tekelela mikhuva ya manyala leyi vanhu va matiko lawaya va yi endlaka.


Vanhu lava, ndzi va vona ndzi ri laha nhlohlorhini ya ntshava, ndzi va languta ndzi ri eswintshabyaneni: I vanhu va rixaka leri titshamelaka ri ri roxe, leri tihambanyiseke ni tinxaka tin'wana.


Mi nga tshuki mi landza mahanyelo ya tiko ra Egipta leri a mi tshama eka rona, naswona mi nga tshuki mi tekela mahanyelo ya tiko ra Kanana leri ndzi mi yisaka eka rona. Mi nga tshuki mi hanya hi milawu ya vona.


“Ntsumi ya mina yi ta rhanga emahlweni ka n'wina, yi ya mi fikisa eka Vaamori, ni Vahiti, ni Vaperesi, ni Vakanana ni Vahivhi, ni Vayebusi, kutani ndzi ta nyamalarisa vanhu lava.


Kutani mi hamba mi endla nkhuvo lowu hi n'hweti yoleyi, loko HOSI Xikwembu xi ta va xi mi fikisile etikweni leri xi tshembiseke vatata wa n'wina leswaku xi ta mi nyika rona, ri nga tiko ra Vakanana, ni Vahiti, ni Vaamori, ni Vahivhi, ni Vayebusi, leri khulukaka ntswamba ni vulombe.


Kambe vatukulu-xinguwe va wena va ta tlhela va vuya etikweni leri, hikuva sweswi vubihi bya Vaamori a byi si fika emakumu ka byona.”


Sanibalati na Tobiya, swin'we ni Maarabu ni Vaamoni ni va le Axidodo, swi va karhatile ngopfu ku twa leswaku ntirho wo pfuxa rirhangu ra muti wa Yerusalema wu ya emahlweni, ni leswaku ra karhi ra hlanganisiwa.


Emasikwini wolawo, ndzi kumile ni leswaku ku ni Vayuda lava tekeke vasati exikarhi ka vanhu va le Axidodo, ni va le Amoni, ni va le Mowabu.


Va le Yuda a va tshembekanga, va endlile manyala layo chavisa etikweni ra Israele ni le Yerusalema. Va le Yuda va onhile yindlu leyo hlawuleka ya HOSI Xikwembu, leyi xi yi rhandzaka, hikuva va yile va ya teka vavasati lava khongelaka swikwembu swimbe.


Loko Vaisraele va ri karhi va rila enyangweni ya Ntsonga lowo Hlawuleka, un'wana wa vona a vuya ni wansati wa Mumidiyani, a fika a nghena na yena emutini wa yena, a ri karhi a voniwa hi Muxe ni ntshungu hinkwawo wa Vaisraele.


“Loko HOSI Xikwembu xa n'wina xi mi fikisa etikweni leri mi yaka eka rona ku ya ri teka ri va ra n'wina, xi ta hlongola vanhu lava va mi tlulaka hi ku tala ni ku tiya va suka emahlweni ka n'wina, ti nga tinxaka leti ta 7: Vahiti, ni Vagirigaxi, ni Vaamori, ni Vakanana, ni Vaperesi, ni Vahivhi, ni Vayebusi.


Vatukulu-xinguwe va Vaedomu ni Vaegipta vona va nga nghena exikarhi ka vanhu lava hlengeletaneke emahlweni ka HOSI Xikwembu.


Loko mo fularhela HOSI Xikwembu, mi tihlanganisa ni vamatiko lava va saleke laha xikarhi ka n'wina, mi ya teka vasati exikarhi ka vona, na vona va ta teka vasati exikarhi ka n'wina,


Masalela ya Vahiti ni Vaamori ni Vaperesi ni Vahivhi ni Vayebusi, Solomoni ú va rhwexile mintirho ya vuhlonga, hikuva a va nga ri Vaisraele. A va ri vatukulu va vanhu lava a va sele etikweni, lava Vaisraele va tsandzekeke ku va herisa. Ni sweswi va ha ri mahlonga.


Kutani Xekaniya n'wana Yehiele wa ka Elamu a ku ka Ezra: “Kunene hi tshikile ku tshembeka ka hina eka Xikwembu xa hina, hi ku ya hi ya teka vasati exikarhi ka vamatiko lava nga tikweni leri; kambe hambiswiritano wonge tiko ra Israele ri nga ha tsetseleriwa.


Swiv nou:

Piblisite


Piblisite