Ezra 8:23 - BIBELE Mahungu Lamanene

²³ Hiloko hi titsona swakudya, hi kombela Xikwembu xa hina ku hi pfuna, kutani xona xi yingisa xikhongelo xa hina.

Xitsonga (Bibele)

²³ Hi titsona swakudya sweswo, hi lava ku pfuniwa hi Xikwembu xa hina hikwalaho ka mhaka leyi, kutani xi hi yingisa.

Ezra 8:23 Referans Kwoze

Ezra 8:31

Kutani hi siku ra vu-12 ra n'hweti yo sungula hi suka enambyeni wa Ahavha, hi kongoma eYerusalema, Xikwembu xa hina xi ri karhi xi hi sirhelela ni ku hi lamulela emavokweni ya valala ni swigevenga.

Duteronoma 4:29

“Loko mi ri exikarhi ka vanhu lava, mi ta lava HOSI Xikwembu xa n'wina, kutani loko mi xi lava hi timbilu ta n'wina hinkwato ni moya wa n'wina hinkwawo mi ta xi kuma.

Estere 4:16

“Yana u ya hlengeleta Vayuda hinkwavo lava nga Xuxani, kutani mi titsona swakudya masiku manharhu mi ndzi khongelela, mi nga dyi nchumu mi nga nwi nchumu vusiku ni nhlekanhi. Mina ni malandza ya mina ya xisati, na hina hi ta titsona swakudya. Endzhaku ka sweswo ndzi ta ya eka hosi, hambileswi nawu wu alaka. Loko swi vula ku fa, ndzi ta fa.”

1 TIKRONIKA 5:20

Vaisraele a va tshemba Xikwembu; kutani hi siku ra nyimpi, va huwelela eka xona, kutani xi amukela xirilo xa vona, xi va pfuna ku hlula va ka Hagara ni vaseketeri va vona.

Daniele 9:3

“Kutani ndzi hundzuluka ndzi languta eka Xikwembu N'wini wanga, ndzi huwelela eka xona ndzi rila ndzi ri karhi ndzi titsona swakudya, ndzi ambele leswo khwaxa, ndzi tichele ni nkuma enhlokweni.

Esaya 19:22

HOSI Xikwembu xi ta ba tiko ra Egipta. Xi ta ri ba xi tlhela xi ri horisa; Vaegipta va ta tlhelela eka xona, kutani xi ta yingisa ku tisola ka vona, xi va horisa.

Timhaka 10:30

Hiloko Korneliyo a hlamula, a ku: “Sweswi ku hundzile masiku manharhu, a ndzi ri karhi ndzi khongela endlwini ya mina hi nkarhi wa 3 nindzhenga; kutani ndzi vona munhu a yimile emahlweni ka mina, a ambele leswo vangama,

Luka 2:37

kutani a feriwa hi nuna. A a ri ni malembe ya 84, a nga suki eTempeleni, kambe a tirhela Hosi hi ku titsona swakudya ni ku khongela vusiku ni nhlekanhi.

Yeremiya 33:3

‘Ndzi huweleleni, kutani ndzi ta mi hlamula, ndzi mi komba swilo leswikulu leswi tumbeleke, leswi ni ku swi tiva mi nga swi tiviki.

Nehemiya 9:1

Hi siku ra 24 ra n'hweti ya vu-7, Vaisraele va hlengeletana, va khongela va titsona ni swakudya; a va ambarile swiambalo leswo khwaxa, va ticheleterile ni misava etinhlokweni.

Genesa 25:21

Rhaveka nkata Isaka a a ri mhika, kutani Isaka a n'wi khongelela eka HOSI, kutani HOSI yi hlamula xikhongelo xa yena, Rhaveka nsati wa yena a tika.

2 TIHOSI 13:4

Kavaloko Yowahazi a khongela hi matimba eka HOSI Xikwembu, kutani xi n'wi yingisa, hikuva a xi vonile ku xaniseka ka Vaisraele, ni hilaha hosi ya le Siriya a yi va tshikelela hakona.

Swivuriso 3:5

Tshemba HOSI Xikwembu hi mbilu ya wena hinkwayo, u nga tshembi ntsena vutlhari bya wena.