Ezra 8:18 - BIBELE Mahungu Lamanene

¹⁸ Xikwembu xa hina xi hi katekisile, kutani lava va rhumiweke va hi vuyele ni wanuna wo twisisa, yena Xerebiya wa ka Maheli n'wana Levhi wa Israele. A a ri ni vana va yena ni va ka vona, hinkwavo va ri 18.

Xitsonga (Bibele)

¹⁸ Hilaha voko ra vunene ra Xikwembu xa hina ingi ri ri eka hina hakona, va hi nehela wanuna wa miehleketo wa vana va Maheli, n'wana wa Levhi, n'wana Israele, a nga Xerebiya ni vana va yena, ni vamakwavo, va ri 18;

Ezra 8:18 Referans Kwoze

Yeremiya 3:15

Ndzi ta mi nyika varisi lava ndzi twananaka na vona, kutani va ta mi risa hi vutivi ni vutlhari.”

Nehemiya 2:8

Tsalela na Asafu, yena muhlayisi wa swihlahla swa tiko, leswaku a ndzi nyika timhandze to aka ha tona tinyangwa ta makhokholo ya Tempele, ni ta ku aka ha tona rirhangu ra muti, ni to aka yindlu leyi ndzi nga ta tshama eka yona.” Kutani hosi yi ndzi nyika swilo leswi ndzi swi kombeleke, hikuva Xikwembu xa mina a xi ndzi katekisile.

Ezra 7:28

xi ndzi kombile tintswalo ta xona leto tshembeka emahlweni ka hosi ya tiko ni vatsundzuxi va yona ni tindhuna ta yona ta matimba. Hi ku tiva leswaku HOSI Xikwembu a xi ri na mina, ndzi kumile matimba, kutani ndzi hlengeletile varhangeri va Israele ndzi famba na vona.

Daniele 1:20

Etimhakeni hinkwato leti lavaka vutlhari ni ku twisisa, hosi a yi vutisa vona, kutani yi kuma leswaku va tlula swinene vangoma ni vavhumbhi hinkwavo lava a va ri kona etikweni ra yona.

Ezra 8:22

A ndzi nyuma ku kombela hosi ya tiko leswaku yi hi nyika masocha ni vagadi va tihanci leswaku va hi sirhelela eka valala endleleni, hikuva a ndzi yi byerile leswaku Xikwembu xa hina xi sirhelela hinkwavo lava va xi tsakelaka, kambe hinkwavo lava va xi fularhelaka xa va hlundzukela swinene.

Ezra 7:6

Ezra a a ri mutsari, a tiva swinene nawu lowu HOSI Xikwembu xa Vaisraele xi wu nyikeke Muxe. Hosi ya tiko yi nyikile Ezra swilo hinkwaswo leswi a swi kombeleke, hikuva HOSI Xikwembu xa yena a xi n'wi katekisile.

1 TIKRONIKA 6:19

Vana va Merari i Maheli na Muxi. Vanhu lava hinkwavo hi vona va ka Levhi hi ku ya hi mindyangu ya vona.

1 Vakorinto 14:20

Vamakwerhu, mi nga fani ni vana eku ehleketeni ka n'wina. Loko ku ri ka leswo biha mi fanele ku fana ni swihlangi, kambe mi va lava kuleke emiehleketweni.

Swivuriso 24:3

Vutlhari byi aka muti, wu tiyisiwa hi ku twisisa,

Swivuriso 3:6

Eka hinkwaswo leswi u swi endlaka, tsundzuka HOSI Xikwembu, xi ta ku basisela tindlela.

Nehemiya 12:24

Entirhweni wo dzunisa Xikwembu ni ku xi nkhensa, Valevhi a va avanyisiwile hi mintlawa-ntlawa, va rhangeriwa hi Haxabiya, na Xerebiya na Yexuwa n'wana Kadimiele. Mintlawa mimbirhi a yi hlavelelana hi ku landza leswi lerisiweke hi Davhida munhu wa Xikwembu.

Nehemiya 10:12

na Zakuru, na Xerebiya, na Xebaniya,

Nehemiya 8:7

Loko vanhu hinkwavo va ha ri etindhawini ta vona, ku vile ni Valevhi lava va va hlamuseleke Nawu leswaku va ta wu twisisa, va nga lava: Yexuwa, na Bani, na Xerebiya, na Yamini, na Akubu, na Xabetayi, na Hodiya, na Maaseya, na Kelita, na Azariya, na Yozabadi, na Hanani, na Pedaya.

Ezra 8:24

Kutani ndzi hlawula vaprista va 12 lava va nga varhangeri, swin'we na Xekaniya na Haxabiya ni vavanuna va ka vona va khume.

Ezra 8:16

Hiloko ndzi vitana Eliezere, na Ariele, na Xemaya, na Elnatani, na Yaribi, na Elnatani, na Natani, na Zakariya, na Mexulama, lava a va ri varhangeri; ndzi vitana na Yoyaribi na Elnatani, va nga vavanuna lava tlhariheke.

Tinhlayo 3:20

Va ndyangu wa ka Merari hi lava: Maheli na Muxi. Lava hi vona va nyimba ya ka Levhi, hi mindyangu ya vona.

2 TIKRONIKA 30:22

Hosi Hezekiya a vulavula ni Valevhi hinkwavo a va tiyisa, hikuva a va fambisa ntirho wa HOSI hi ndlela yo saseka ngopfu. Kutani vanhu hinkwavo va dya nkhuvo masiku ya 7, va humesa magandzelo ya xinakulobye va ri karhi va tlangela HOSI, Xikwembu xa vatata wa vona.

Ezra 8:19

Naswona va hi vuyele na Haxabiya, loyi a teke na Yexaya wa Merari ni va ka vona ni vana va vona, hinkwavo va ri 20.

1 TIKRONIKA 6:1

Vana va Levhi i Gerixomu, na Kohata, na Merari.

1 TIKRONIKA 6:4

Eliyazara a veleka Finiyasi, Finiyasi a veleka Abixuwa,

Ezra 7:9

Ú sukile eBabilona hi siku ro sungula ra n'hweti yo sungula, kutani a fika eYerusalema hi siku ro sungula ra n'hweti ya vuntlhanu, hikuva Xikwembu xa yena a xi ri na yena;