Ezra 7:6 - BIBELE Mahungu Lamanene

⁶ Ezra a a ri mutsari, a tiva swinene nawu lowu HOSI Xikwembu xa Vaisraele xi wu nyikeke Muxe. Hosi ya tiko yi nyikile Ezra swilo hinkwaswo leswi a swi kombeleke, hikuva HOSI Xikwembu xa yena a xi n'wi katekisile.

Xitsonga (Bibele)

⁶ Ezra yeloyi, a suka eBabilona. A a ri mutsari wa ku tlhariha emilawini ya Muxe, leyi nyikiweke hi Yehovha, Xikwembu xa Israele. Hosi yi n'wi nyika hinkwaswo leswi a swi kombelaka hikuva voko ra Yehovha, Xikwembu xa yena, a ri ri na yena.

Ezra 7:6 Referans Kwoze

Ezra 8:22

A ndzi nyuma ku kombela hosi ya tiko leswaku yi hi nyika masocha ni vagadi va tihanci leswaku va hi sirhelela eka valala endleleni, hikuva a ndzi yi byerile leswaku Xikwembu xa hina xi sirhelela hinkwavo lava va xi tsakelaka, kambe hinkwavo lava va xi fularhelaka xa va hlundzukela swinene.

Ezra 7:28

xi ndzi kombile tintswalo ta xona leto tshembeka emahlweni ka hosi ya tiko ni vatsundzuxi va yona ni tindhuna ta yona ta matimba. Hi ku tiva leswaku HOSI Xikwembu a xi ri na mina, ndzi kumile matimba, kutani ndzi hlengeletile varhangeri va Israele ndzi famba na vona.

Ezra 8:31

Kutani hi siku ra vu-12 ra n'hweti yo sungula hi suka enambyeni wa Ahavha, hi kongoma eYerusalema, Xikwembu xa hina xi ri karhi xi hi sirhelela ni ku hi lamulela emavokweni ya valala ni swigevenga.

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina masiku hinkwawo, ku ko ku hela misava.”

Nehemiya 2:18

Ndzi va byerile ni hilaha Xikwembu xi ndzi pfuneke hakona, ndzi va rungulela ni leswi hosi ya tiko yi ndzi byeleke swona. Kutani va ku: “A hi yeni hi ya sungula ku aka!” Hiloko va tinyiketela ku endla ntirho lowu wo saseka.

Nehemiya 2:8

Tsalela na Asafu, yena muhlayisi wa swihlahla swa tiko, leswaku a ndzi nyika timhandze to aka ha tona tinyangwa ta makhokholo ya Tempele, ni ta ku aka ha tona rirhangu ra muti, ni to aka yindlu leyi ndzi nga ta tshama eka yona.” Kutani hosi yi ndzi nyika swilo leswi ndzi swi kombeleke, hikuva Xikwembu xa mina a xi ndzi katekisile.

Ezra 8:18

Xikwembu xa hina xi hi katekisile, kutani lava va rhumiweke va hi vuyele ni wanuna wo twisisa, yena Xerebiya wa ka Maheli n'wana Levhi wa Israele. A a ri ni vana va yena ni va ka vona, hinkwavo va ri 18.

Ezra 7:21

“Mina hosi Ataserkisi ndzi veka nawu eka n'wina vatameri va minkwama ya tiko exifundzheni lexi nga vupeladyambu bya Yufrata, ndzi ri: Xin'wana na xin'wana lexi muprista Ezra, matsalani wa nawu wa Xikwembu xa matilo, a nga xi kombelaka eka n'wina, tikarhateni mi n'wi endlela xona.

Ezra 7:9

Ú sukile eBabilona hi siku ro sungula ra n'hweti yo sungula, kutani a fika eYerusalema hi siku ro sungula ra n'hweti ya vuntlhanu, hikuva Xikwembu xa yena a xi ri na yena;

Swivuriso 3:6

Eka hinkwaswo leswi u swi endlaka, tsundzuka HOSI Xikwembu, xi ta ku basisela tindlela.

Duteronoma 28:1

“Loko mi tikarhatela ku yingisa HOSI Xikwembu xa n'wina, mi hanya hi milawu ya xona hinkwayo leyi ndzi mi lerisaka yona namuntlha, HOSI Xikwembu xa n'wina xi ta mi kurisa, mi va ehenhla ka vanhu hinkwavo emisaveni.

Duteronoma 4:5

“Vonani, ndzi mi dyondzisile milawu ni swiletelo, hilaha HOSI Xikwembu xi ndzi leriseke hakona, leswaku loko mi nghena etikweni leri mi nga ta ri teka ri va ra n'wina, mi ta hanya ha swona.

1 Vakorinto 15:1

Sweswi vamakwerhu, ndzi lava ku mi tsundzuxa Mahungu Lamanene lawa ndzi mi dyondziseke wona. Mi ma amukerile; ma tiyisela eka wona;

1 Vakorinto 1:20

Yi kwihi ntlhari xana? Ú kwihi mutsari xana? Loyi a tsakelaka ku phikisana na van'wana hi swa misava leyi, ú kwihi ke? Xana Xikwembu a xi kombanga leswaku vutlhari bya misava leyi i vuhunguki ke?

Matewu 13:52

A ku ka vona: “Hi laha ndzi nge: Mutsari un'wana ni un'wana la dyondzisiweke hi ta Mfumo wa matilo, ú fana ni n'wini wa yindlu la humesaka evukosini bya yena swilo leswintshwa ni leswa khale.”

Esaya 59:1

Mi nga ehleketi leswaku HOSI Xikwembu a xi na wona matimba yo mi ponisa, ni leswaku a xi mi twi loko mi huwelela.

Esaya 50:2

Hikwalaho ka yini ndzi nga kumanga munhu loko ndzi ta ka n'wina; loko ndzi mi vitana, hikwalaho ka yini mi nga hlamulanga xana? Xana mo ehleketa leswaku a ndzi na matimba yo mi lwela, ndzi mi ponisa, ke? Vonani, ndzi lerisa lwandle, kutani mati ya rona ma phya, milambu, ndzi nga yi omisa, kutani tinhlampfi hinkwato ta yona ti fa ti bola, hi ku ka ku nga ha ri na mati.

Pisalema 45:1

Mbilu ya mina yi tala hi marito yo saseka swinene, kutani ndzi suma risimu ro dzunisa mufumi wa tiko; ririmi ra mina ri rhetela ku fana ni voko ra mutsari la tivaka ntirho wa yena.

Nehemiya 12:36

ni va ka vona, va nga va Xemaya, na Asarele, na Milalayi, na Gilalayi, na Maayi, na Netanele, na Yuda, na Hanani. A va ri ni swichaya-chayani swa Davhida munhu wa Xikwembu. Emahlweni a ku rhangile mutsari Ezra.

Nehemiya 8:13

Hi siku ra vumbirhi, tinhloko ta mindyangu ni vaprista ni Valevhi va ya eka Ezra mutsari va ya dyondza Nawu.

Nehemiya 4:15

Valala va hina, va swi twile leswaku makungu ya vona ha ma tiva, ni leswaku Xikwembu xi ma onhile. Kutani hina hi tlhelela erirhangwini, un'wana ni un'wana a ya tirha ntirho wa yena.

Nehemiya 2:12

ndzi nga byeli munhu leswi Xikwembu xi ndzi leriseke ku swi endlela muti wa Yerusalema. Kutani ndzi pfuka nivusiku, ndzi famba ni vavanuna va nga ri vangani. A hi fambanga na xifuwo xin'wana ehandle ka lexi a ndzi xi gadile.

Ezra 6:22

Va endlile ni nkhuvo wa xinkwa lexo-ke-comela lowu heteke masiku ya 7, va wu dya va tsakile, hikuva HOSI Xikwembu a xi va katekisile, xi endla ni leswaku hosi ya Asiriya yi va tsakela, yi va pfuna entirhweni wa ku aka yindlu ya Xikwembu xa Israele.

Ezra 5:5

Kambe Xikwembu a xi sirhelela vakulukumba va Vayuda, kutani a va yimisiwanga entirhweni wo aka, loko mhaka ya ha yisiwa eka Dariyosi leswaku a ta yi hlamula hi papila.

Yeremiya 8:8

“N'wina Vaisraele, xana mi nga vurisa ku yini mi ku: ‘Hina hi tlharihile, ni nawu wa HOSI ha wu hlayisa!’ xana? Yingisani: Vatsari va n'wina va hemba, va le ku tsaleni ka mavunwa.

Nehemiya 12:26

Vanhu lava, va vile kona enkarhini wa Yoyakimi n'wana Yexuwa wa Yosadaka, ni le nkarhini wa ndhunankulu Nehemiya na Ezra muprista tlhelo mutsari.

Nehemiya 8:9

Vanhu hinkwavo a va rila loko va twa marito ya Nawu. Kutani Nehemiya, yena ndhunankulu, na Ezra muprista tlhelo mutsari, ni Valevhi lava dyondzisaka vanhu, va byela vanhu hinkwavo, va ku: “Mi nga tshuki mi tlhaveka mi rila, hikuva siku leri ri hlawuleriwile HOSI Xikwembu xa n'wina.

Nehemiya 8:4

Ezra mutsari a a yimile ehenhla ka vuhiri bya mapulangi lebyi a byi endleriwile ntirho lowu. Evokweni ra yena ra xinene a ku yimile Matitiya, na Xema, na Anaya, na Uriya, na Hilkiya, na Maaseya, kasi evokweni ra yena ra ximatsi a ku yime Pedaya, na Mixaele, na Malkiya, na Haxumu, na Haxibadana, na Zakariya, na Mexulama.

Genesa 32:28

Kutani a ku: “Vito ra wena a ri nga ha vi Yakobo, kambe u ta va Israele, hikuva u pfinyanile ni Xikwembu ni vanhu, kambe u hlurile.”

Matewu 23:2

“Vatsari ni Vafarisi va dyondzisa leswi Muxe a nga dyondzisa swona;

Ezra 7:5

wa Abixuwa, wa Finiyasi, wa Eliyazara, wa Aroni muprista lonkulu.

Nehemiya 8:1

Hi siku ro sungula ra n'hweti leyi, Vaisraele hinkwavo va ya va ya hlengeletana erivaleni leri nga mahlweni ka nyangwa leyi vuriwaka Nyangwa-ya-Mati. Vaisraele a va byerile mutsari Ezra leswaku a ta ni buku leyi nga ni Nawu lowu HOSI Xikwembu xi wu nyikeke Muxe leswaku a ya wu fikisa eka Vaisraele.

Ezra 8:1

Lowu i nongonoko wa tinhloko ta mindyangu ni mavito ya vanhu lava ndzi sukeke na vona eBabilona, enkarhini wa ku fuma ka hosi Ataserkisi:

Nehemiya 9:13

U xikerile ehenhla ka ntshava ya Sinayi, kutani u vulavula ni Vaisraele u ri etilweni, u va nyika switsundzuxo leswinene, ni milawu ya ntiyiso, ni swileriso ni swiletelo leswo lulama.

Pisalema 80:18

kutani hi nga ka hi nga ku fularheli; tlhela u hi nyika vutomi, kutani hina hi ta gandzela wena ntsena.

Pisalema 109:27

Valala va fanele ku swi tiva leswaku hi wena la tirhaka swilo leswi, we HOSI, hi wena la ndzi pfunaka.

Pisalema 147:19

HOSI Xikwembu xi tivisile va ka Yakobo erito ra xona, xi dyondzisa Vaisraele milawu ni swiboho swa xona.