Ezra 7:25 - BIBELE Mahungu Lamanene

²⁵ “Wena Ezra, tirhisa vutlhari lebyi Xikwembu xa wena xi ku nyikeke byona, u hlawula varhangeri ni vaavanyisi lava va nga ta fambisa vanhu hinkwavo lava va nga xifundzheni lexi nga vupeladyambu bya Yufrata; u ta hlawula lava va tivaka nawu wa Xikwembu xa wena; lava va nga wu tiviki, u ta va dyondzisa.

Xitsonga (Bibele)

²⁵ “Loko u ri wena, Ezra hi vutlhari bya Xikwembu xa wena lebyi u nga na byona, wanga veka vaavanyisi, ni vakamberi va ku avanyisa tiko hinkwaro ra hase ka nambu, va ri hinkwavo lava tivaka milawu ya Xikwembu xa wena; loko a ri un'wana ni un'wana la nga yi tiviki, mi n'wi dyondzisa yona.

Ezra 7:25 Referans Kwoze

Ezra 7:10

a a tinyiketele ku dyondza nawu wa HOSI Xikwembu ni ku hanya ha wona, a tlhela a dyondzisa Vaisraele milawu ni swiletelo swa xona.

Duteronoma 16:18

“Mi fanele ku veka vaavanyisi ni tindhuna emitini hinkwayo leyi HOSI Xikwembu xa n'wina xi nga ta mi nyika yona, hi ku ya hi tinyimba ta n'wina. Vanhu lava, va ta avanyisela vanhu milandzu ya vona hi ndlela leyi lulameke.

Yakobo 1:5

Loko un'wana wa n'wina a pfumala vutlhari, a a kombele eka Xikwembu, lexi nyikaka vanhu hinkwavo hi tintswalo, ku nga ri na ku vilela, kutani ú ta nyikiwa byona.

Malakiya 2:7

Hakunene ntirho wa muprista i ku dyondzisa vanhu ku tiva mina Xikwembu; vanhu va fanele ku ya kuma milawu eka yena, hikuva i murhumiwa wa mina HOSI ya matimba hinkwawo.

Pisalema 19:7

Nawu wa HOSI wu hetisekile, wu hanyisa moya; switsundzuxo swa yona swi tiyile, swi tlharihisa vo kala mano.

Marka 6:34

Loko Yesu a huma ebyatsweni, a vona ntshungu lowukulu wa vanhu, a va twela vusiwana, hikuva a va fana ni tinyimpfu leti nga riki na murisi; kutani a va dyondzisa leswo tala.

Matewu 13:52

A ku ka vona: “Hi laha ndzi nge: Mutsari un'wana ni un'wana la dyondzisiweke hi ta Mfumo wa matilo, ú fana ni n'wini wa yindlu la humesaka evukosini bya yena swilo leswintshwa ni leswa khale.”

Swivuriso 6:23

Switsundzuxo i rivoni, milawu i ku vonakala, marito yo tshinya ni ku laya ma komba ndlela ya ku hanya.

Swivuriso 2:6

HOSI Xikwembu hi xona xi nyikaka vutlhari, vutivi ni ku twisisa swi huma eka xona;

Nehemiya 9:3

Loko va ha yimile etindhawini ta vona, va hlayeriwa buku ya Nawu wa Xikwembu xa vona ku ringana tiawara tinharhu, kutani tiawara tin'wana tinharhu leti landzelaka va tisola swidyoho swa vona, va khongela HOSI Xikwembu xa vona.

Ezra 7:14

Mina hosi ya tiko, ni vatsundzuxi va mina va 7, ha ku rhuma leswaku u ya kambisisa leswi humelelaka eYuda ni le Yerusalema, u vona loko swi fambelana ni nawu wa Xikwembu xa wena lowu u nyikiweke wona.

Ezra 6:6

Kutani Dariyosi a rhumela nhlamulo leyi nge: “Wena Tatenayi ndhuna ya xifundzha xa le vupeladyambu bya Yufrata, na wena Xetara-Bozenayi ni vanghana va wena, ti nga tindhuna leti tshamaka kwale xifundzheni xexo, mi nga ngheneleli timhaka ta vanhu volavo,

1 TIKRONIKA 23:4

Exikarhi ka Valevhi lava, Davhida a hlawula vavanuna va 24 000, a va rhwexa yin'wana ya mintirho ya le Tempeleni, kutani a hlawula van'wana va 6 000, a va endla vamatsalani, ni vaavanyisi va timhaka ehubyeni;

1 TIKRONIKA 22:12

Kambe ngopfu ngopfu ndzi navela leswaku HOSI Xikwembu xa wena xi ku nyika miehleketo ni ku twisisa, leswaku loko xi ku veka ku fuma Vaisraele, u kota ku hlayisa Nawu wa xona.

1 TIHOSI 3:28

Vanhu hinkwavo va Israele va twa hilaha hosi yi avanyiseke mhaka leyi hakona, kutani va chava Solomoni, hikuva a va swi vona leswaku ú ni vutlhari bya Xikwembu eku avanyiseni ka timhaka.

Vakolosa 1:28

Hi yena loyi hi n'wi twarisaka, hi ri karhi hi tsundzuxa ni ku dyondzisa vanhu hinkwavo, hi vutlhari hinkwabyo; hi endlela ku tisa vanhu hinkwavo eka Xikwembu va ri lava vupfeke eka Kriste.

Genesa 41:38

kutani Faro a ku ka malandza ya yena: “Munhu wo fambisiwa hi Moya wa Xikwembu ku fana ni loyi, hi nga n'wi kuma kwihi xana?”

Genesa 41:39

Kutani Faro a ku ka Yosefa: “Xikwembu hi xona xi ku tiviseke timhaka leti hinkwato, hikokwalaho a ku na munhu wo twisisa ni ku tlhariha ku fana na wena.

2 TIHOSI 17:27

Hosi ya le Asiriya yi hlamula yi ku: “Va rhumeleni un'wana wa vaprista lava mi vuyeke na vona haleno. A a ye a ya tshama na vona le Samariya, a va dyondzisa makhongelele ya Xikwembu xa tiko ra kona.”

Ezra 10:4

Suka u yima; lowu i ntirho wa wena, hina hi ta ku seketela; kanya mbilu u wu tirha.”