Ezra 7:21 - BIBELE Mahungu Lamanene

²¹ “Mina hosi Ataserkisi ndzi veka nawu eka n'wina vatameri va minkwama ya tiko exifundzheni lexi nga vupeladyambu bya Yufrata, ndzi ri: Xin'wana na xin'wana lexi muprista Ezra, matsalani wa nawu wa Xikwembu xa matilo, a nga xi kombelaka eka n'wina, tikarhateni mi n'wi endlela xona.

Xitsonga (Bibele)

²¹ Kutani mina, ndzi nga hosi Ataserkisi, ndzi byela n'wina hinkwenu va hase ka nambu lava hlayisaka xuma xa mina, leswaku mi hatlisa mi endla hinkwaswo hilaha Ezra, muprista ni mutsari wa milawu ya Xikwembu xa le matilweni, a nga ta kombela hakona,

Ezra 7:21 Referans Kwoze

Ezra 7:6

Ezra a a ri mutsari, a tiva swinene nawu lowu HOSI Xikwembu xa Vaisraele xi wu nyikeke Muxe. Hosi ya tiko yi nyikile Ezra swilo hinkwaswo leswi a swi kombeleke, hikuva HOSI Xikwembu xa yena a xi n'wi katekisile.

Ezra 4:16

We hosi, ha ku tsundzuxa leswaku loko wo tshika vanhu lava va pfuxa muti lowu ni rirhangu ra wona, wena a wu nga ha vi na nchumu exifundzheni xa le vupeladyambu bya nambu wa Yufrata.”

Ezra 6:6

Kutani Dariyosi a rhumela nhlamulo leyi nge: “Wena Tatenayi ndhuna ya xifundzha xa le vupeladyambu bya Yufrata, na wena Xetara-Bozenayi ni vanghana va wena, ti nga tindhuna leti tshamaka kwale xifundzheni xexo, mi nga ngheneleli timhaka ta vanhu volavo,

Ezra 4:20

Naswona a ku ri ni tihosi ta matimba eYerusalema, ti fuma xifundzha hinkwaxo xa le vupeladyambu bya nambu wa Yufrata, kutani xibalo ni ndzuvo a to teka swi va swa tona.

Ezra 7:1

Endzhaku ka timhaka leti, enkarhini wa ku fuma ka Ataserkisi hosi ya Vaperesi, wanuna loyi a va ku i Ezra a suka eBabilona. Ezra loyi a a ri n'wana Seraya, wa Azariya, wa Hilkiya,

Ezra 7:22

Mi nga n'wi nyika silivhere yo tlula tithani ta 4, na koroni yo fika eka tithani ta 40, na vhinyo yo fika eka tinkho ta 100, na mafurha yo fika eka tinghotsa ta 400; munyu wona, n'wi nyikeni mi nga n'wi pimeli.

Ezra 8:36

Va fikisile ni xileriso xa hosi ya tiko eka vayimeri va yona ni tindhuna ta yona ta le xifundzheni lexi nga vupeladyambu bya Yufrata, kutani vona lava va pfuna Vaisraele, va seketela na ntirho wa yindlu ya Xikwembu.

Nehemiya 2:7

Kutani ndzi ku ka hosi: “Loko u swi tsakela we hosi, ndzi khomise mapapila lawa ndzi nga ta ma komba tindhuna leti fumaka xifundzha xa le vupeladyambu bya nambu wa Yufrata, leswaku ti ta ndzi pfumelela ku tsemakanya ndzi kongoma le Yuda.

Daniele 6:26

Ndzi lerisa leswaku vanhu hinkwavo etikweni ra mina va khongela ni ku chava Xikwembu xa Daniele, “hikuva hi xona Xikwembu lexi hanyaka, lexi nga ta va kona hilaha ku nga heriki; mfumo wa xona wu nga ka wu nga herisiwi, ni vuhosi bya xona a byi nga vi na makumu.

Pisalema 119:4

We HOSI, u lerisile vanhu leswaku va hlayisa swinene swiletelo swa wena.