Ezra 7:16 - BIBELE Mahungu Lamanene

¹⁶ U ta famba ni silivhere hinkwayo ni nsuku hinkwawo lowu u nga ta wu kuma exifundzheni xa Babilona, ni tinyiko leti vanhu ni vaprista va ti humeseke hi ku titwa, va humesela yindlu ya Xikwembu leyi nga Yerusalema.

Xitsonga (Bibele)

¹⁶ ni silivhere hinkwayo, ni nsuku leswi u nga swi kumaka etikweni hinkwaro ra Babilona, swin'we ni mihlengo leyi nga ta humeseriwa yindlu ya Xikwembu xa vona eYerusalema hi tiko, ni vaprista, hi ku tirhandzela ka vona.

Ezra 7:16 Referans Kwoze

1 TIKRONIKA 29:6

Kavaloko varhangeri va mindyangu, ni vafambisi va tinyimba ta Israele, ni tindhuna ta mintlawa ya masocha ya 1 000 ni ya 100, ni valanguteri va mintirho ya le ntsindza, hinkwavo va humesa tinyiko ta vona, va nga sindzisiwanga hi munhu.

Ezra 1:6

Vanhu hinkwavo lava va ka Yuda a va akile exikarhi ka vona, va va pfunile hi ku va nyika swibya swa silivhere ni swa nsuku, ni swingolongondzwana swin'wana, ni swifuwo, ni swilo swin'wana swa nkoka, ehandle ka tinyiko hinkwato leti munhu a ngo ti humesa hi ku titwa.

Ezra 1:4

Etindhawini hinkwato, vanhu lava tshamaka ni maselela ya va ka Yuda, va fanele ku va pfuna hi silivhere, ni nsuku, ni swibya, ni swifuwo, ehandle ka tinyiko leti va ti humesaka hi ku titwa, va ti humesela yindlu ya Xikwembu xa le Yerusalema.”

1 TIKRONIKA 29:9

Kavaloko Vaisraele va tsaka ku vona tinyiko leti vanhu va ti humeseke hi ku titwa, hikuva varhangeri a va humesile hi timbilu ta vona hinkwato, va humesela HOSI Xikwembu va tsakile. Na yena hosi Davhida a tsakisiwa swinene hi manyikele lawa.

2 Vakorinto 9:7

Un'wana ni un'wana a a nyike hilaha a pimaniseke hakona embilwini ya yena, a humesa hi ku ntshunxeka, ku nga ri hi ku vilela, hikuva Xikwembu xi rhandza loyi a nyikaka a tsakile.

2 Vakorinto 8:12

Hikuva loko munhu a navela swinene ku nyika, Xikwembu a xi kombeli leswi a nga riki na swona, kambe xi amukela swo leswi a swi humesaka.

1 TIKRONIKA 29:17

Ndza swi tiva leswaku wena Xikwembu xanga, u kambela mbilu ya munhu, u lava leswaku a hanya hi ndlela leyi lulameke. Mina ndzi humesile tinyiko hi mbilu yo basa, kutani vanhu lava yimeke emahlweni ka wena va ndzi tsakisile loko na vona va ku humesela tinyiko va tsakile.

2 TIKRONIKA 6:2

Hikokwalaho mina ndzi ku akerile yindlu leyo chaviseka, leyi u nga ta tshama eka yona hilaha ku nga heriki.”

2 TIKRONIKA 6:5

‘Ku sukela siku leri ndzi humeseke vanhu va mina va Israele etikweni ra Egipta, a ndzi nga si hlawula muti ni wun'we exikarhi ka tinyimba hinkwato ta Vaisraele, laha ku nga ta akiwa yindlu leyi vito ra mina ri nga ta dzunisiwa eka yona. Naswona a ndzi nga si hlawula munhu loyi a nga ta va murhangeri wa vanhu va mina va Israele.

2 TIKRONIKA 6:6

Kambe sweswi ndzi hlawurile muti wa Yerusalema, leswaku vito ra mina ri dzunisiwa eka wona, naswona ndzi hlawurile Davhida, leswaku a va hosi ya vanhu va mina va Israele.’ ”

2 TIKRONIKA 31:14

Loyi a amukelaka tinyiko leti vanhu va ti humeselaka Xikwembu hi ku titwa, a a ri Kore n'wana Imina wa ka Levhi, mulanguteri wa nyangwa ya Tempele ya le vuxeni; naswona hi yena loyi a a pambula eka leswi humeseriwaka HOSI Xikwembu ni ka leswo hlawuleka ngopfu, a phamela ha swona vaprista ni Valevhi.

Pisalema 135:21

N'wina mi akeke eSiyoni, nkhensani HOSI Xikwembu, xona xi tshamaka eYerusalema. Dzunisani HOSI!