Ezra 6:8 - BIBELE Mahungu Lamanene

⁸ Mina ndzi veka nawu hi tlhelo ra leswi mi fanelaka ku swi endlela vakulukumba va Vayuda eku pfuxeni ka yindlu ya Xikwembu: Hatlisani mi va nyika hinkwaswo leswi va nga ta swi lava, mi swi xava hi mali ya ndzuvo leyi nga nkwameni wa tiko, kwale xifundzheni xa vupeladyambu bya Yufrata.

Xitsonga (Bibele)

⁸ Kambe ku lerisa ka mina emhakeni ya leswi mi nga ta swi endlela vakulukumba volavo va Vayuda, leswaku yindlu yoleyo ya Xikwembu kunene yi akiwa, ndzi ri: Mali ya ndzuvo ya hosi leyi humaka ehase ka nambu, nyikani vavanuna volavo ku humesela ntirho hi mukhuva wa kona, va nga kanakanisiwi.

Ezra 6:8 Referans Kwoze

Ezra 6:4

yi akiwa hi maribye lamakulu ni timhandze; endzhaku ka rixaxa rin'wana ni rin'wana ra vunharhu ra maribye, ku ta tlandlekiwa rixaxa ra timhandze. Mali yo hakela leswi, a yi hume enkwameni wa tiko.

Hagayi 2:8

Silivhere i ya mina, ni nsuku i wa mina; ndzi vula sweswo, mina HOSI ya matimba hinkwawo.

Ezra 5:5

Kambe Xikwembu a xi sirhelela vakulukumba va Vayuda, kutani a va yimisiwanga entirhweni wo aka, loko mhaka ya ha yisiwa eka Dariyosi leswaku a ta yi hlamula hi papila.

Ezra 4:23

Kuteloko papila ra hosi Ataserkisi ri hlayeriwile Rehumi na Ximixayi matsalani ni vanghana va vona, vona va hatla va suka, va ya eYerusalema, va xanisa Vayuda, va va tshimbisa ku aka.

Ezra 4:16

We hosi, ha ku tsundzuxa leswaku loko wo tshika vanhu lava va pfuxa muti lowu ni rirhangu ra wona, wena a wu nga ha vi na nchumu exifundzheni xa le vupeladyambu bya nambu wa Yufrata.”

Ezra 6:7

tshikani ntirho wa ku aka yindlu ya Xikwembu wu ya emahlweni; hambanani ni ndhuna ya Vayuda ni vakulukumba va vona, mi va tshika va aka hi vuntshwa yindlu ya Xikwembu endhawini ya yona ya khale.

Ezra 6:9

Leswi vaprista va le Yerusalema va nga ta swi lava loko va humesela Xikwembu xa matilo magandzelo lama hisiwaka, swo fana ni swinkuzana, ni makhuna kumbe tinyimpfu, va nyikeni swona leswaku va nga tshuki va kayivela. Hambi yi ri koroni, ni munyu, ni vhinyo, kumbe mafurha, va nyikeni swona siku rin'wana ni rin'wana

Ezra 7:14

Mina hosi ya tiko, ni vatsundzuxi va mina va 7, ha ku rhuma leswaku u ya kambisisa leswi humelelaka eYuda ni le Yerusalema, u vona loko swi fambelana ni nawu wa Xikwembu xa wena lowu u nyikiweke wona.

Nehemiya 11:23

Hosi ya tiko a yi vekile nawu hi tlhelo ra vayimbeleri, kutani a va boheka ku yimbelela siku rin'wana na rin'wana.

Daniele 6:26

Ndzi lerisa leswaku vanhu hinkwavo etikweni ra mina va khongela ni ku chava Xikwembu xa Daniele, “hikuva hi xona Xikwembu lexi hanyaka, lexi nga ta va kona hilaha ku nga heriki; mfumo wa xona wu nga ka wu nga herisiwi, ni vuhosi bya xona a byi nga vi na makumu.

Ezra 6:14

Kutani vakulukumba va Vayuda va ya emahlweni va aka, va nga siveli hi nchumu, hilaha muprofeta Hagayi na Zakariya n'wana Ido va vuleke hakona, va heta ntirho lowu Xikwembu xa Israele xi nga va lerisa ku wu endla. Va wu tirhile hi ku pfumeleriwa hi Korexe, na Dariyosi.

Nehemiya 2:8

Tsalela na Asafu, yena muhlayisi wa swihlahla swa tiko, leswaku a ndzi nyika timhandze to aka ha tona tinyangwa ta makhokholo ya Tempele, ni ta ku aka ha tona rirhangu ra muti, ni to aka yindlu leyi ndzi nga ta tshama eka yona.” Kutani hosi yi ndzi nyika swilo leswi ndzi swi kombeleke, hikuva Xikwembu xa mina a xi ndzi katekisile.