Ezra 6:5 - BIBELE Mahungu Lamanene

⁵ Tlheriselani endlwini ya Xikwembu swibya swa nsuku ni swa silivhere leswi Nebukadnetsara a swi tekeke eTempeleni le Yerusalema, xin'wana ni xin'wana xi vekiwa endhawini ya xona.”

Xitsonga (Bibele)

⁵ Loko yi ri mitirho ya nsuku ni ya silivhere yi nga ya yindlu ya Xikwembu, leyi Nebukadnetsara ngi a yi tekile etempeleni ya Yerusalema, a yi tisa Babilona, a yi nehiwe yi muka etempeleni ya Yerusalema, evutshan'weni bya yona; u ta yi veka endlwini ya Xikwembu.

Ezra 6:5 Referans Kwoze

Daniele 5:2

Kuteloko va ri karhi va nwa, Belxatsara a lerisa leswaku va n'wi tisela swibya swa nsuku ni swa silivhere, leswaku va ta nwela eka swona, yena ni tindhuna ta yena ni vasati va yena lavakulu ni lavatsongo. Swibya leswi a swi ri leswi tekiweke eTempeleni ya le Yerusalema hi Nebukadnetsara tata wa Belxatsara.

Ezra 5:14

Nebukadnetsara a a tekile swibya swa nsuku ni swa silivhere leswi a swi ri eTempeleni ya Xikwembu eYerusalema, a ya swi veka etempeleni ya le Babilona. Hosi Korexe ú humesile swibya leswi etempeleni ya le Babilona, a swi veka emavokweni ya Xexebasara loyi a a n'wi vekile ku va ndhuna ya yena,

Yeremiya 27:16

Kutani mina. Yeremiya ndzi vulavula ni vaprista ni ntshungu hinkwawo, ndzi va tivisa marito ya HOSI Xikwembu lama nge: “Leswi vaprofeta va n'wina va swi vulaka, mi nga swi amukeli, hikuva va hemba loko va mi tivisa leswaku swingolongondzwana leswi susiweke eTempeleni swi yisiwa le Babilona, swi ta hatla swi vuyisiwa.

Yeremiya 52:19

Ndhuna ya vasirheleri yi phangha xuma xa nsuku ni silivhere, swi nga leswi tirhisiwaka ku vumba minkambana, ni timbita to oka ndzilo ha tona, ni tinhlambeto, ni timbita tinene, ni switlhoma-timboni, ni swimbitana swo hisela mirhi ya risuna, ni minkambana ya magandzelo ya swakunwa.

2 TIKRONIKA 36:10

Kutani hi ximun'wana, hosi Nebukadnetsara a rhuma vanhu va yena eYerusalema, va ya teka Yoyakini, va n'wi yisa eBabilona, va phangha ni swibya swa nkoka swa Tempele va famba na swona. Kutani Nebukadnetsara a teka vuhosi bya tiko ra Yuda ni bya muti wa Yerusalema, a byi nyika Sedekiyasi makwavo wa Yoyakini.

2 TIHOSI 24:13

Hilaha HOSI Xikwembu xi vuleke hakona khale, Nebukadnetsara a phangha xuma hinkwaxo xa yindlu ya HOSI Xikwembu, ni xuma xa le ntsindza; a fayetela swigotso swa nsuku hinkwaswo swa le Tempeleni ya HOSI Xikwembu, leswi a swi endliwile hi Solomoni hosi ya Vaisraele.

Daniele 1:2

Kutani HOSI Xikwembu xi nyiketa Yoyakimi hosi ya Yuda emavokweni ya Nebukadnetsara, xi nyiketa ni swibya swin'wana swa le Tempeleni emavokweni ya yena. Kutani Nebukadnetsara a ya na swona etikweni ra Xinara, a fika a swi nghenisa endlwini ya swikwembu swa yena, laha nhundzu ya swona yi hlayisiwaka kona.

2 TIKRONIKA 36:18

Vakalediya va teka swingolongondzwana hinkwaswo swa yindlu ya HOSI Xikwembu, leswikulu ni leswitsongo, va teka ni xuma xa kona, va phangha xuma xa hosi ni xa tindhuna ta yona, kutani va rhwala swilo leswi hinkwaswo va ya na swona eBabilona.