Ezra 6:21 - BIBELE Mahungu Lamanene

²¹ Nyama ya kona yi dyiwile hi Vaisraele lava vuyeke hi le vukhumbini ni vanhu hinkwavo lava a va amukeriwile hi Vaisraele, va hambana ni manyala ya vaaki va tiko, va khongela HOSI Xikwembu xa Israele.

Xitsonga (Bibele)

²¹ Kutani vana va Israele lava tlheleke eku bohiweni, va yi dya hinkwavo, lava aveneke ni mathyaka ya matiko, lava teke ku ta hlangana na vona ku lava Yehovha, Xikwembu xa Israele.

Ezra 6:21 Referans Kwoze

Ezra 9:11

leswi u hi byeleke swona hi milomo ya vaprofeta, malandza ya wena, u ku: ‘Tiko leri mi yaka eka rona mi ya ri teka ri va ra n'wina, a ri basanga, ri nyamisiwile hi manyala ya vaaki va rona, lawa ya tateke tiko hinkwaro.

2 Vakorinto 7:1

Vanakulorhi, switshembiso leswi swi nyikiwile hina. Hikokwalaho, hi fanele ku tibasisa, hi susa thyaka hinkwaro ra miri ni ra moya, hi ringeta ku hanya vutomi lebyo hlawuleka swinene, hi ri karhi hi chava Xikwembu.

Esaya 52:11

Sukani! Sukani! Humani eBabilona mi famba, mi nga tshuki mi khumba swilo leswi nga tengangiki. Humani etikweni rero! N'wina mi rhwalaka swibya swa HOSI Xikwembu, mi fanele ku tibasisa.

Nehemiya 9:2

Vaisraele va tihambanisa ni vanhu va matiko mambe kutani va yima va tisola hikwalaho ka swidyoho swa vona ni swa vatata wa vona.

Ezra 9:1

Endzhaku ka loko swilo leswi swi endliwile, varhangeri va ta eka mina va fika va ku: “Vaisraele, ni Valevhi, ni vaprista, va tinyiketile eka manyala lama endliwaka hi vamatiko, a va tihambanisanga ni Vakanana, ni Vahiti, ni Vaperesi, ni Vayebusi, ni Vaamoni, ni Vamowabu, ni Vaegipta, ni Vaamori.

2 Vakorinto 6:17

Hikokwalaho, Hosi yi ri: “Humani exikarhi ka vona, mi hambana na vona; mi nga tshuki mi khumba leswi nga tengangiki, kutani ndzi ta mi amukela.

Ezekiele 36:25

Ndzi ta mi xuva hi mati layo tenga, kutani thyaka leri mi nga tivangela rona hi ku gandzela swikwembu swa n'wina swa hava, ndzi ta ri susa hinkwaro.

Pisalema 93:5

Swileriso swa wena swi tiyile we HOSI, Tempele ya wena yi fanele ku hlawuleka minkarhi hinkwayo.

Nehemiya 10:28

“Hina Vaisraele, ni vasati va hina, ni vana va hina va xinuna ni va xisati lava nga ni mano yo twisisa nawu, ni vaprista, ni Valevhi, ni lava rindzaka enyangweni, ni vayimbeleri, ni vatirhi va le Tempeleni, ni hinkwavo lava fularheleke vaaki va tiko leri, hina hinkwerhu hi namarhelaka Nawu wa Xikwembu,

2 TIKRONIKA 30:19

vanhu lava hinkwavo, lava nga landzangiki milawu ya ku tibasisa ya laha Tempeleni, hikuva va ku lava hi mbilu ya vona hinkwayo, we Xikwembu xa vatata wa vona!”