Ezra 5:8 - BIBELE Mahungu Lamanene

⁸ We hosi, hi ku tivisa leswaku hi yile exifundzheni xa Yuda, laha ku nga ni yindlu ya Xikwembu lexikulu; yindlu leyi yi le ku akiweni hi maribye lamakulu ni timhandze leti veketeriwaka exikarhi ka maribye lawa. Lava tirhaka va chivirika swinene, ntirho wa vona wu ya emahlweni.

Xitsonga (Bibele)

⁸ “Hosi a yi tive leswaku a hi yile etikweni ra Yuda, endlwini ya Xikwembu lexikulu; yona yi akiwa hi maribye lamakulu, lama vatliweke ni makhumbi ma fuleriwa hi mapulangi; mitirho ya hatlisa, ni mavoko ya vona ma ni vulwandla.

Ezra 5:8 Referans Kwoze

Daniele 6:26

Ndzi lerisa leswaku vanhu hinkwavo etikweni ra mina va khongela ni ku chava Xikwembu xa Daniele, “hikuva hi xona Xikwembu lexi hanyaka, lexi nga ta va kona hilaha ku nga heriki; mfumo wa xona wu nga ka wu nga herisiwi, ni vuhosi bya xona a byi nga vi na makumu.

Daniele 4:2

Ndzi vone swi lulamile eka mina ku mi komba mahlori hinkwawo lawa Xikwembu xa le henhla-henhla xi ndzi endleleke wona.

Daniele 3:26

Kutani Nebukadnetsara a tshinela enon'weni wa khele ra ndzilo, a ku: “Wena Xadraka, na Mexaka, na Abedi-Nego, n'wina malandza ya Xikwembu xa le henhla-henhla humani mi ta haleno!” Hiloko Xadraka, na Mexaka, na Abedi-Nego va huma endzilweni.

Daniele 2:47

Kutani hosi Nebukadnetsara a ku ka Daniele: “Hakunene, Xikwembu xa wena, hi xona Xikwembu xa swikwembu ni Hosi ya tihosi; hi xona xi paluxaka swihundla, hikuva wena u kotile ku hlamusela leswi a swi ndzi tumbelerile.”

Pisalema 145:3

HOSI i Xikwembu lexikulu, xi dzuneka ngopfu; vukulu bya xona hi lebyi nga pimekiki.

Estere 1:22

Yi rhumela mapapila eka swifundzha hinkwaswo swa tiko, xin'wana ni xin'wana xi kuma nawu lowu wu tsariwile hi ririmi ra vanhu va kona ni matsalele ya vona. Nawu lowu a wu vula leswaku wanuna un'wana ni un'wana ú fanela ku va nhloko ya muti wa yena, naswona a landza mikhuva ya vanhu va ka vona.

Estere 1:1

Timhaka leti ti humelerile enkarhini wa ku fuma ka hosi Ahasuwerusi, loyi a fumeke ku sukela etikweni ra Indiya ku ya fika etikweni ra Etiyopiya, a fuma swifundzha swa 127.

Nehemiya 11:3

EYerusalema a ku akile varhangeri va xifundzha, kasi emitini ya Yuda a ku tshama Vaisraele, ni vaprista, ni Valevhi, ni vatirhi va le Tempeleni, ni lava nga ntlaweni wa malandza ya Solomoni; un'wana na un'wana a a tshama endhawini ya yena.

Nehemiya 7:6

Vanhu lava Nebukadnetsara hosi ya Babilona a va khomeke a va yisa evukhumbini, va sukile exifundzheni lexi a va tshama eka xona va tlhelela eYerusalema, un'wana na un'wana a kongoma emutini wa yena.

Ezra 7:23

Xin'wana na xin'wana lexi Xikwembu xa matilo xi nga ta xi lerisa hi tlhelo ra yindlu ya xona, xi endleni hi ku hetiseka, hikuva loko swi nga ri tano, vukari bya xona byi ta va ehenhla ka mfumo wa mina ni wa vana va mina.

Ezra 6:10

leswaku va ta humesa magandzelo lama tsakisaka Xikwembu xa matilo, va khongelela ni hosi ni vana va yona leswaku va hanya swinene.

Ezra 2:1

Vanhu lava Nebukadnetsara hosi ya Babilona a a va khomile a va yisa evukhumbini, va sukile exifundzheni lexi a va tshama eka xona, va tlhelela eYerusalema ni le Yuda, un'wana ni un'wana a kongoma emutini wa yena.

Duteronoma 32:31

Valala va hina a va na rona ribye leri tiyeke, leri fanaka ni Ribye ra hina, sweswo va swi tiva, vona hi voxe.

Duteronoma 10:17

HOSI Xikwembu xa n'wina, hi xona xi nga henhla ka swikwembu hinkwaswo, i hosi ya tihosi; hi xona Xikwembu lexikulu xa matimba, lexi chavisekaka; a xi yi hi nghohe, naswona a xi pfumeli ku xaviwa.

Ezra 5:7

va n'wi vikela mhaka ya kona hi ndlela leyi: “Eka hosi Dariyosi, xewani!

Ezra 5:9

Kutani hina hi vulavurile ni vakulukumba va kona, hi va vutisa hi ku: ‘Mi nyikiwile hi mani pfumelelo wo pfuxa yindlu leyi, ni ku aka rirhangu leri, xana?’

Ezra 6:4

yi akiwa hi maribye lamakulu ni timhandze; endzhaku ka rixaxa rin'wana ni rin'wana ra vunharhu ra maribye, ku ta tlandlekiwa rixaxa ra timhandze. Mali yo hakela leswi, a yi hume enkwameni wa tiko.