Ezra 4:6 - BIBELE Mahungu Lamanene

⁶ Kuteloko Ahasuwerusi a ha ku sungula ku fuma, valala va va ka Yuda ni va le Yerusalema, va tsala papila va va hehla.

Xitsonga (Bibele)

⁶ Emikarhini ya hosi Ahasuwerusi, eku sunguleni ka ku fuma ka yena, va tsala papila ra ku hehla vaaki va Yuda ni va Yerusalema.

Ezra 4:6 Referans Kwoze

Daniele 9:1

“Hi lembe ro sungula ra ku fuma ka Dariyosi n'wana Ahasuwerusi wa rixaka ra Vameda (loyi a a vekiwile ku va hosi ya Vakalediya),

Estere 1:1

Timhaka leti ti humelerile enkarhini wa ku fuma ka hosi Ahasuwerusi, loyi a fumeke ku sukela etikweni ra Indiya ku ya fika etikweni ra Etiyopiya, a fuma swifundzha swa 127.

Nhlavutelo 12:10

Kutani ndzi twa rito leri tlakukeke etilweni ri ku: “Sweswi, ku hlayiseka ka Xikwembu xa hina ni matimba ya xona, ni mfumo wa xona, ni vuhosi bya Mesiya wa xona, swi fikile, hikuva loyi a hehlaka vamakwerhu, muhehli loyi a va mangalelaka vusiku ni nhlekanhi emahlweni ka Xikwembu xa hina, ú cukumetiwile a ya wela hansi.

Timhaka 25:7

Loko a fikile, Vayuda lava humaka eYerusalema va n'wi rhendzela, kutani va n'wi lumbeta hi milandzu leyo tala, leyo chavisa, leyi va tsandzekaka ni ku humesa vumbhoni bya yona.

Timhaka 24:13

Naswona a va koti ku humesa vumbhoni bya timhaka leti va ndzi mangalelaka ha tona sweswi.

Matewu 27:37

Ehenhlanyana ka nhloko ya yena, va nameketa papila ra nandzu wa yena leri nge: “Loyi i Yesu, Hosi ya Vayuda.”

Ezra 4:5

va xava ni vatsundzuxi va hosi leswaku va onha makungu ya va ka Yuda. Va endlile sweswo nkarhi hinkwawo lowu Korexe a fumeke ha wona etikweni ra Vaperesi, ni le nkarhini wa ku fuma ka Dariyosi etikweni rero.

Estere 1:10

Hi siku ra vu-7, loko hosi yi tsakile hi vhinyo, yi vitana Mehumani, na Bizita, na Harabona, na Bigita, na Abagita, na Zetara, na Karakasi, va nga vatsheniwa va 7 lava tirhelaka hosi etindlwini ta yona,

Genesa 26:21

Kutani va ya cela xihlovo xin'wana, kambe va tlhela va holova hikwalaho ka xona, kutani Isaka a xi thya vito ra Sitina (hileswaku: “Ku vengana”).

Estere 2:16

Hi lembe ra vu-7 ra ku fuma ka hosi Ahasuwerusi, hi n'hweti ya vu-10 leyi vuriwaka n'hweti ya Tebete, Estere a yisiwa emahlweni ka hosi entsindza.

Estere 3:8

Kavaloko Hamani a byela hosi Ahasuwerusi, a ku: “Wena hosi, ku ni vanhu va rixaka rin'wana lava tlholokeleke exikarhi ka vanhu va wena, eswifundzheni hinkwaswo swa tiko ra wena; mikhuva ya vona yi hambanile ni mikhuva ya vanhu van'wana; hi tlhelo a va hlayisi milawu ya wena hosi, kutani a swi nga ku vuyiseli nchumu ku tama wa ha va hlayisa, we hosi!

Daniele 11:2

Kutani mahungu lawa ndzi lavaka ku ku byela wona, i mahungu ya ntiyiso.’ ” Munhu loyi a a vulavula na Daniele a engeta a ku: “Ku ta va ni tihosi tinharhu leti nga ta fuma tiko ra Vaperesi hi ku landzelelana, ti landziwa hi hosi ya vumune, leyi nga ta ti tlula hinkwato hi vukosi ... Loko hosi leyi yi titwa yi tiyile hi mhaka ya rifuwo ra yona, yi ta kucetela matiko hinkwawo ku lwa ni mfumo wa Vagriki.