Ezra 4:2 - BIBELE Mahungu Lamanene

² va ya eka Zerubabele ni le ka tinhloko ta mindyangu, va fika va ku ka vona: “Hi pfumeleleni hi aka na n'wina Tempele, hikuva hina na n'wina hi khongela Xikwembu xin'we; ku sukela loko Esari-Hadoni hosi ya Asiriya a hi tisile haleno, a hi hamba hi xi humesela magandzelo.”

Xitsonga (Bibele)

² va tshinelela Zerubabele ni tihosana ta vatata wa vona, va ku: “A hi akeni na n'wina, hikuva na hina hi lava Xikwembu xa n'wina kukotisa n'wina, kutani ha xi humesela gandzelo mpfhuka Esari-Hadoni, hosi ya Asiriya, a hi tlhandlukiseke halenu.”

Ezra 4:2 Referans Kwoze

2 TIHOSI 19:37

Siku rin'wana, loko a ri karhi a gandzela endlwini ya Nisiroko xikwembu xa yena, vana va yena Adrameleke na Xaresere va n'wi dlaya hi fumu, kutani va balekela etikweni ra Ararata. Esari-Hadoni, un'wana wa vana va yena, a sala a fuma.

2 TIHOSI 17:24

Hosi ya le Asiriya yi tisa vanhu vo huma hi le Babilona, ni le Kuta, ni le Avha, ni le Hamata, ni le Safari-Vhayimi, yi va veka emitini ya tiko ra Samariya, etindhawini ta vanhu va Israele. Kutani vanhu lava va teka tiko ra Samariya, va tshama emitini ya rona.

2 Timotiya 3:8

Vanhu lava va kaneta ntiyiso, ku fana na Yani na Yambri, lava nga kanetana na Muxe. I vanhu lava boleke miehleketo, i vapfumeri va nomo ntsena.

Vagalatiya 2:4

Mhaka yi pfuxiwile hikwalaho ka vanhu van'wana lava tiendlaka vakriste, va nga lava ngheneke exikarhi ka hina hi ku kanganyisa, va lava ku vona ku ntshunxeka loku hi nga na kona eka Kriste Yesu; a va lava ku hi endla mahlonga;

Hosiya 14:3

Hakunene, tiko ra Asiriya ri nga ka ri nga hi ponisi, ni tihanci ta nyimpi ti nga ka ti nga hi sirheleli; ni xilo lexi hi xi endleke hi mavoko ya hina, hi nge he engeti hi ku ka xona: ‘U xikwembu xa hina!’ Eka wena, hambi a ri n'wana wo pfumala vatswari ú kuma ku hlayiseka.”

Esaya 37:37

Kavaloko Senakeribi hosi ya le Asiriya a longa, a tlhelela ekaya eNinivha, a ya tshama kona.

Pisalema 73:8

Va sandza van'wana, va vulavula leswo biha, va kanela makungu yo xanisa lava nga hansi ka vona.

Ezra 3:12

Kambe vaprista lavo tala, ni Valevhi, ni varhangeri va mindyangu, ni vakulukumba lava voneke yindlu leyo sungula, va tlhava mukhosi, loko va vona ku ceriwa ka masungulo ya Tempele leyintshwa, hambileswi van'wana a va ri karhi va ba huwa ya ntsako,

Ezra 3:2

Kutani Yexuwa n'wana Yosadaka, ni vaprista-kulobye, na Zerubabele n'wana Salatiele, ni va ka vona, va aka hi vuntshwa alitari ya Xikwembu xa Israele, leswaku va ta humesela eka yona magandzelo lama hisiwaka, hilaha swi tsariweke hakona enawini wa Muxe munhu wa Xikwembu.

Ezra 2:2

Varhangeri va vona a va ri lava: Zerubabele, na Yexuwa, na Nehemiya, na Seraya, na Relaya, na Mordekayi, na Bilixani, na Mispara, na Bigivhayi, na Rehumi, na Baana. Mintsengo ya Vaisraele lava vuyeke, hi leyi:

Ezra 1:5

Kutani varhangeri va mindyangu ya va ka Yuda ni va ka Benjamini, swin'we ni vaprista, ni Valevhi, ni vanhu hinkwavo lava Xikwembu xi khumbeke timbilu ta vona, va tlhelela eYerusalema ku ya aka yindlu ya HOSI Xikwembu hi vuntshwa.

2 TIHOSI 17:41

Kutani vamatiko lava va khongerile HOSI Xikwembu swin'we ni ku tirhela swikwembu swa vona swa hava. Hambi va ri vana va vona ni vatukulu va vona, va endlise sweswo; ku fikela ni namuntlha, va ha endlisa sweswi vakokwa wa vona a va endla swona.

Genesa 10:11

Ú suke laha tikweni leri, a ya le Asiriya a fika a aka miti leyi: Ninivha, na Rehoboto-Ira, na Kala,

Nehemiya 9:32

“We Xikwembu xa hina, u Xikwembu lexikulu xa matimba lexi chavisekaka; u hlayisa ntwanano ni rirhandzu lero tshembeka; hikokwalaho, u nga yi endli leyitsongo, mhaka ya ku tikeriwa hinkwako loku hi veke na kona ku sukela enkarhini wa tihosi ta Asiriya ku ta fika sweswi, hina, ni tihosi ta hina, ni varhangeri va hina, ni vaprista va hina, ni vaprofeta va hina, ni vatata wa hina, ni vanhu va wena hinkwavo.

Esaya 37:38

Siku rin'wana, loko a ri karhi a gandzela endlwini ya Nisiroko xikwembu xa yena, vana va yena Adrameleke na Xaresere va n'wi dlaya hi fumu, kutani va balekela etikweni ra Ararata. Esari-Hadoni, un'wana wa vana va yena, a sala a fuma.