Ezra 3:7 - BIBELE Mahungu Lamanene

⁷ Kutani va humesa mali va nyika vavatli va maribye ni va mapulangi; va rhumela va le Sidoni ni va le Tiri swakudya ni swakunwa ni mafurha, leswaku va ta va lavela timhandze ta kedari eLebanoni, va ta na tona emutini wa Yopa hi ndlela ya lwandle. Leswi va swi endlile hi ku pfumeleriwa hi Korexe hosi ya Vaperesi.

Xitsonga (Bibele)

⁷ va humesela swivatli swa maribye ni swa timhandze mali; va nyika Vasidoni ni Vatiri swakudya ni swakunwa, ni mafurha, leswaku va tisa eYopa, hi le lwandle, mirhi ya kedari ya Lebanoni, hilaha va pfumeleriweke hakona hi Korexe, hosi ya Peresi.

Ezra 3:7 Referans Kwoze

1 TIHOSI 5:6

Kutani ke, lerisa vanhu leswaku va ndzi tsemela timhandze ta kedari ta le Lebanoni; malandza ya mina ma ta tirhisana ni malandza ya wena, kutani ndzi ta ku tamerisa muholo wa malandza ya wena, hi ku ya hi ntsengo lowu u nga ta wu veka, hikuva wa swi tiva leswaku, laha ka hina, vavanuna lava tivaka ku tsema timhandze kukotisa Vasidoni a va kona.”

Timhaka 12:20

Heroda a a lava ku lwa ni va le Tiri ni va le Sidoni; kambe vona va ta ka yena va ri mbilu yin'we; va rhanga hi ku twanana na Blasto, mulanguteri wa yindlu ya hosi; hiloko va ya kombela ku etlela ka tiko, hikuva tiko ra vona a ri singila etikweni ra hosi Heroda.

Timhaka 9:36

Emutini wa Yopa, a ku ri ni mudyondzisiwa wa xisati, loyi a va ku i Tabita (hi Xigriki: Dorkasi, hileswaku N'wa-Mhunti); a a tala ku tirha mintirho leyinene, a tala ni ku hanana.

Yonasi 1:3

Kambe Yonasi a suka a balekela eTarxixi, leswaku a va kule ni HOSI. Hiloko a rhelela a ya eYopa, a kuma kona ngalava leyi a yi ya eTarxixi. A humesa mali ya riendzo, a khandziya ku ya na vona eTarxixi, a balekisa sweswo kule ni HOSI Xikwembu.

Ezekiele 27:17

Va ka Yuda ni Vaisraele a va xaviselana swilo na wena, va xava nhundzu eka wena hi koroni ya le Miniti, ni mapa, ni vulombe, ni mafurha, ni mirhi yo tola.

Timhaka 9:38

Muti wa Yopa a wu ri kusuhi na Lida; hikokwalaho, loko vadyondzisiwa va twa leswaku Petro ú le Lida, va n'wi rhumela vavanuna vambirhi, va ya n'wi khongela leswaku a ta eYopa, a nga hlweri.

Timhaka 9:43

Petro a xwa eYopa masiku layo tala, ekaya ka wanuna loyi a va ku i Simoni, mutlhuvutsi wa madzovo.

2 SAMIELE 5:11

Hiramu hosi ya le Tiri a rhumela vayimeri va yena eka Davhida, a n'wi rhumela ni timhandze ta murhi wa kedari, ni vatirhi lava tivaka ku vatla timhandze ni maribye, va ya akela Davhida eyindlu ha swona.

Ezra 3:6

Magandzelo lama hisiwaka lawa, va sungurile ku ma humesa hi siku ro rungula ra n'hweti ya vu-7, va ma humesela HOSI Xikwembu. Kambe Tempele ya HOSI Xikwembu a va nga si sungula ku yi aka hi vuntshwa.

2 TIHOSI 12:10

Loko va vona leswaku bokisi ri tele, matsalani wa hosi ni mupristankulu a va ta, va ta hlaya mali leyi amukeriweke endlwini ya HOSI Xikwembu, va yi boha eswinkwamaneni.

2 TIHOSI 12:13

Kutani mali leyi tisiwaka endlwini ya HOSI Xikwembu, a va ha yi tirhisanga ku endla swinwelo swa silivhere, ni swikero swo tsemeta tingoti ta timboni, ni minkambana, ni swibya swin'wana hinkwaswo swa yindlu ya HOSI Xikwembu, swa nsuku kumbe swa silivhere,

2 TIKRONIKA 34:10

Mali ya kona yi tamerisiwa vafambisi va ntirho lava vonaka swo pfuxa yindlu ya HOSI Xikwembu, kutani va hakela ha yona vatirhi lava pfalaka timfa eTempeleni,