Ezra 3:6 - BIBELE Mahungu Lamanene

⁶ Magandzelo lama hisiwaka lawa, va sungurile ku ma humesa hi siku ro rungula ra n'hweti ya vu-7, va ma humesela HOSI Xikwembu. Kambe Tempele ya HOSI Xikwembu a va nga si sungula ku yi aka hi vuntshwa.

Xitsonga (Bibele)

⁶ Siku ro rhanga ra n'hweti ya ntlhanu na timbirhi, va sungula ku tlhavela Yehovha magandzelo lama hisiwaka; kambe tempele ya Yehovha yi nga si sunguriwa;

Ezra 3:6 Referans Kwoze

Ezra 3:5

Va humesa ni magandzelo lama hisiwaka ya masiku hinkwawo, ni magandzelo ya ku tshama ka n'weti, ni ya minkhuvo hinkwayo ya lembe ya HOSI Xikwembu, ni magandzelo lawa munhu un'wana ni un'wana a humeselaka HOSI Xikwembu hi ku titwa.

Ezra 3:7

Kutani va humesa mali va nyika vavatli va maribye ni va mapulangi; va rhumela va le Sidoni ni va le Tiri swakudya ni swakunwa ni mafurha, leswaku va ta va lavela timhandze ta kedari eLebanoni, va ta na tona emutini wa Yopa hi ndlela ya lwandle. Leswi va swi endlile hi ku pfumeleriwa hi Korexe hosi ya Vaperesi.

Levhitika 23:24

ku ya tivisa Vaisraele marito ya xona lama nge: “Hi siku ro sungula ra n'hweti ya vu-7, mi fanele ku ba timhalamhala, mi vitanana, mi hlengeletana mi ndzi gandzela; leri i siku ro wisa lero hlawuleka, leri mi faneleke ku ndzi tsundzuka ha rona;

Levhitika 23:25

mi nga tshuki mi tirha ntirho na wun'we lowu tikaka, kambe ndzi humeseleni magandzelo mina HOSI.”

Tinhlayo 29:1

“Hi siku ro sungula ra n'hweti ya vu-7, Vaisraele va fanele ku hlengeletana va gandzela mina HOSI; va nga tshuki va tirha ntirho ni wun'we lowu tikaka. Siku rero ri ta va siku ra vona ro ba timhalamhala.

Tinhlayo 29:2

Hi siku ra kona, va fanele ku humesa magandzelo lama hisiwaka, lawa ku nun'hwela ka wona ku nga ta ndzi tsakisa mina HOSI. Va ta tlhava xinkuzana xin'we, ni khuna rin'we, ni swinyimpfana swa 7 swa xinuna swa lembe rin'we leswi nga solekiki.