Ezra 3:5 - BIBELE Mahungu Lamanene

⁵ Va humesa ni magandzelo lama hisiwaka ya masiku hinkwawo, ni magandzelo ya ku tshama ka n'weti, ni ya minkhuvo hinkwayo ya lembe ya HOSI Xikwembu, ni magandzelo lawa munhu un'wana ni un'wana a humeselaka HOSI Xikwembu hi ku titwa.

Xitsonga (Bibele)

⁵ Kambe ku humesiwa holokosta ya masiku, ni ya n'weti loko yi tshama, ni ya tinhlengeletano hinkwato leto kwetsima ta Yehovha ni ya munhu un'wana ni un'wana la swi rhandzaka ku tlhavela Yehovha mhamba.

Ezra 3:5 Referans Kwoze

Tinhlayo 29:39

“Leswi hi swona leswi va fanelaka ku ndzi humesela swona mina HOSI, eminkhubyeni ya vona leyi vekiweke, loko va humesa magandzelo lama hisiwaka ni mapa ya wona ni vhinyo ya wona, ni loko va humesa magandzelo ya xinakulobye; loko ma ri magandzelo ya ku tiboha hi ku hlambanya, ni lawa munhu a ma humesaka hi ku titwa, wona ma le tlhelo.”

Duteronoma 12:17

Mi nga tshuki mi dyela emakaya swa vukhume bya mavele kumbe vhinyo kumbe mafurha; naswona mi nga dyeli kona nyama ya mativula ya swifuwo swa n'wina leswikulu ni leswitsongo, kumbe tinyiko leti mi tiboheke ku ti humesa, kumbe tinyiko leti mi ti humesaka hi ku titwa kumbe mihlengo ya n'wina.

Duteronoma 12:6

Endhawini leyi, hi kona mi nga ta yisa magandzelo ya n'wina lama hisiwaka ni lama dyiwaka, ni vukhume bya n'wina, ni mihlengo ya n'wina, ni tinyiko leti mi tiboheke ku ti humesa, ni mativula ya swifuwo swa n'wina leswikulu ni leswitsongo.

Tinhlayo 29:13

Hi siku rero, va ta humesa magandzelo lama hisiwaka lawa ku nun'hwela ka wona ku nga ta ndzi tsakisa mina HOSI. Va ta tlhava swinkuzana swa 13, ni makhuna mambirhi, ni swinyimpfana swa 14 swa xinuna swa lembe rin'we, swifuwo leswi hinkwaswo swi va leswi nga solekiki.

Tinhlayo 29:8

kambe hi siku rero, va fanele ku ndzi humesela magandzelo lama hisiwaka lawa ku nun'hwela ka wona ku nga ta ndzi tsakisa: Va ta tlhava xinkuzana xin'we, ni khuna rin'we, ni swinyimpfana swa 7 swa xinuna swa lembe rin'we leswi nga solekiki.

Tinhlayo 29:2

Hi siku ra kona, va fanele ku humesa magandzelo lama hisiwaka, lawa ku nun'hwela ka wona ku nga ta ndzi tsakisa mina HOSI. Va ta tlhava xinkuzana xin'we, ni khuna rin'we, ni swinyimpfana swa 7 swa xinuna swa lembe rin'we leswi nga solekiki.

Tinhlayo 28:27

kambe va fanele ku ndzi humesela magandzelo lama hisiwaka, lawa ku nun'hwela ka wona ku nga ta ndzi tsakisa mina HOSI. Va ta tlhava swinkuzana swimbirhi, ni khuna rin'we, ni swinyimpfana swa xinuna swa 7 swa lembe rin'we.

Tinhlayo 28:19

kambe, hi siku rero, va fanele ku ndzi humesela magandzelo lama hisiwaka; va ta tlhava swinkuzana swimbirhi, ni khuna rin'we, ni swinyimpfana swa xinuna swa 7 swa lembe rin'we; va fanele ku vona leswaku swifuwo leswi swi va leswi nga solekiki.

Tinhlayo 28:14

Eka magandzelo lawa, nkuzi yin'we yi ta humesiwa ni xikhuwana xin'we xa vhinyo, khuna ri ta humesiwa ni jomela rin'we ni hafu; kasi xinyimpfana xin'wana ni xin'wana xi ta humesiwa ni jomela rin'we ra vhinyo. Hi wona magandzelo lama hisiwaka, lama nga ta humesiwa n'hweti yin'wana ni yin'wana lembe ri kondza ri hela.

Levhitika 1:3

“Loko munhu a humesa magandzelo lama hisiwaka hi xin'wana xa swifuwo swa yena leswikulu, ú fanele ku hlawula nkuzi leyi nga solekiki, a ya yima na yona enyangweni ya Ntsonga lowo Hlawuleka, leswaku a ta tsakeriwa hi HOSI Xikwembu.

Ezra 3:6

Magandzelo lama hisiwaka lawa, va sungurile ku ma humesa hi siku ro rungula ra n'hweti ya vu-7, va ma humesela HOSI Xikwembu. Kambe Tempele ya HOSI Xikwembu a va nga si sungula ku yi aka hi vuntshwa.

Yeremiya 33:18

naswona, ku ta va ni vaprista va ka Levhi lava nga ta hamba va ndzi humesela magandzelo lama hisiwaka ya nyama ni ya swa le masin'wini.”

Levhitika 1:2

ku ya vulavula ni Vaisraele, a ku ka vona: “Loko un'wana wa n'wina a lava ka humesela HOSI Xikwembu magandzelo, ú fanele ku pambula xin'wana xa swifuwo swa yena leswikulu kumbe leswitsongo, a humesa xona.

Levhitika 23:2

ku ya tivisa Vaisraele marito ya xona lama nge: “Ku ni masiku lawa ndzi ma vekeke ya minkhuvo, lawa mi faneleke ku hlengeletana ha wona mi ndzi gandzela mina HOSI; lawa hi wona masiku ya minkhuvo lawa ndzi ma vekeke.

2 TIKRONIKA 31:14

Loyi a amukelaka tinyiko leti vanhu va ti humeselaka Xikwembu hi ku titwa, a a ri Kore n'wana Imina wa ka Levhi, mulanguteri wa nyangwa ya Tempele ya le vuxeni; naswona hi yena loyi a a pambula eka leswi humeseriwaka HOSI Xikwembu ni ka leswo hlawuleka ngopfu, a phamela ha swona vaprista ni Valevhi.

Nehemiya 10:34

Hi tlhelo ro yisa tihunyi enkarhini wa minkhuvo leyi vekiweke, leti nga ta hisa magandzelo ehenhla ka alitari ya Xikwembu xa hina hilaha swi tsariweke ha kona enawini, hina ni vaprista ni Valevhi hi ta hamba hi hlawulana hi ku hoxa vuhlolotwana lembe rin'wana na rin'wana; byona byi ta komba ndyangu lowu faneleke ku yisa tihunyi endlwini ya Xikwembu lembe rolero.