Ezra 2:1 - BIBELE Mahungu Lamanene

¹ Vanhu lava Nebukadnetsara hosi ya Babilona a a va khomile a va yisa evukhumbini, va sukile exifundzheni lexi a va tshama eka xona, va tlhelela eYerusalema ni le Yuda, un'wana ni un'wana a kongoma emutini wa yena.

Xitsonga (Bibele)

¹ Hi lava vanhu va tiko lava vuyeke eku khomiweni, lava ngi va fambisiwile eku bohiweni eBabilona hi Nebukadnetsara, hosi ya Babilona, va tlhelele eYerusalema, na Yuda, un'wana ni un'wana emutini wa rikwavo.

Ezra 2:1 Referans Kwoze

2 TIHOSI 25:11

Kutani Nebuzaradani ndhuna ya vasirheleri a teka vanhu lava a va sele emutini, ni lava a va tinyiketile eka hosi ya le Babilona, swin'we ni masalela ya lava akeke etikweni, a va yisa evukhumbini hinkwavo.

Timhaka 23:34

Hosi yi hlaya papila, kutani yi vutisa Pawulo leswaku i wa tiko rihi. Loko yi twile leswaku i wa Kilikiya,

Sofoniya 2:7

Tiko leri ri ta tekiwa hi va le Yuda lava poneke; va ta risela kona swifuwo swa vona; namadyambu va ta ya etlela etindlwini ta le Axikeloni, hikuva HOSI Xikwembu xa vona xi ta va tsetselela, xi tlhela xi va katekisa.

Swirilo 4:22

N'wina va le Siyoni, ku biwa ka n'wina ku herile, HOSI Xikwembu a xi nga ha mi yisi evukhumbini. Kasi n'wina va le Edomu, xa ha ta mi bela swidyoho swa n'wina, xi humesela milandzu ya n'wina erivaleni.

Swirilo 1:5

Valala va wona va wu hlurile; vona lava va wu vengaka, va kateka. HOSI Xikwembu xi wu tisele maxangu lawa hikwalaho ka ku tala ka swidyoho swa wona; vana va wona va khomiwile hi valala, va hundzuka mahlonga.

Swirilo 1:3

Yuda ú yisiwile evukhumbini, emaxangwini ni le ku vavisekeni lokukulu; sweswi ú hanya exikarhi ka vamatiko, a nga kumi laha a nga tshamisekaka kona; lava va n'wi hlongorisaka, va n'wi kumile, a nga ha koti ku phonyoka.

Estere 8:9

Hi siku ra 23 ra n'hweti ya vunharhu, yi nga ya Sivani, ku vitaniwa vamatsalani va hosi, kutani va tsala nawu hilaha Mordekayi a va leriseke hakona va nga siyi nchumu, wu rhumeriwa Vayuda, ni vayimeri va vuhosi eswifundzheni, ni vafambisi va swona, ni tihosana ta swifundzha leswi swa 127, ku sukela le Indiya ku ya fika le Etiyopiya; xifundzha xin'wana ni xin'wana xi kuma nawu wu tsariwile hi ririmi ra vanhu va kona ni matsalele ya vona; na vona Vayuda va tsaleriwa hi ririmi ra vona ni matsalele ya vona.

Estere 1:11

kutani yi va rhuma ku ya vitana nkosikazi Vhasiti, leswaku a ta a ambele harhi ya yena ya vunkosikazi enhlokweni, vumbhurhi bya yena byi ta voniwa hi vanhu ni tihosana, hikuva kunene a a sasekile swinene.

Estere 1:8

Manwele ya kona na wona a ma fambisiwa hi nawu: A ku nga ri na munhu loyi a sindzisiwaka ku nwa, hikuva hosi a yi lerisile tindhuna ta yona leswaku munhu un'wana ni un'wana a tiendlela hilaha a rhandzaka hakona.

Estere 1:3

A ri ri lembe ra vunharhu ra ku fuma ka yena; kutani siku rin'wana a endlela tihosana ta yena ni malandza ya yena hinkwawo enkhuvo. Vafambisi va mavuthu ya Vaperesi ni Vameda, ni tinganakana, ni vafambisi va swifundzha, na vona a va rhambiwile.

Estere 1:1

Timhaka leti ti humelerile enkarhini wa ku fuma ka hosi Ahasuwerusi, loyi a fumeke ku sukela etikweni ra Indiya ku ya fika etikweni ra Etiyopiya, a fuma swifundzha swa 127.

Ezra 6:2

Kutani le Ekibatana wu nga wona ntsindza wa xifundzha xa Vameda, va kuma buku leyi tsariweke marito lawa: “Xitsundzuxo:

Ezra 5:8

We hosi, hi ku tivisa leswaku hi yile exifundzheni xa Yuda, laha ku nga ni yindlu ya Xikwembu lexikulu; yindlu leyi yi le ku akiweni hi maribye lamakulu ni timhandze leti veketeriwaka exikarhi ka maribye lawa. Lava tirhaka va chivirika swinene, ntirho wa vona wu ya emahlweni.

Ezra 1:11

swingolongondzwana hinkwaswo swa nsuku ni swa silivhere, a swi ri 5 400. Xexebasara ú fambile na swona, siku Vayuda va humeke evukhumbini eBabilona, va tlhelela eYerusalema.

Ezra 2:2

Varhangeri va vona a va ri lava: Zerubabele, na Yexuwa, na Nehemiya, na Seraya, na Relaya, na Mordekayi, na Bilixani, na Mispara, na Bigivhayi, na Rehumi, na Baana. Mintsengo ya Vaisraele lava vuyeke, hi leyi:

Ezra 8:35

Enkarhini wolowo, lava va vuyeke hi le vukhumbini va humesa magandzelo lama hisiwaka, va humesela Xikwembu xa Vaisraele. Vaisraele hinkwavo va humesile tinkuzi ta 12, ni makhuna ya 96, ni swinyimpfana swa 77, ni swiphongho swa 12 swa mhamba yo susa swidyoho. Hinkwaswo leswi, a swi ri swa magandzelo lama hiseriwaka HOSI Xikwembu.

Nehemiya 12:1

Vaprista lava Zerubabele n'wana Salatiele, na Yexuwa, va vuyeke na vona hi le vukhumbini hi lava: Seraya, na Yeremiya, na Ezra,

1 TIKRONIKA 9:1

Hi mukhuva lowu, Vaisraele hinkwavo va tsariwa ebukwini ya “Matimu ya tihosi ta Israele”, hi ku ya hi tinyimba ta ka vona. Va ka Yuda a va yisiwile evukhumbini le Babilona, hikuva a va nga tshembekanga eka Xikwembu.

1 TIKRONIKA 9:2

Loko va huma eBabilona, lava nga rhanga va tlhelela etindhawini ta vona ni le mitini ya vona i vanhu ntsena, va landziwa hi vaprista, ni Valevhi, ni vatirhi va le Tempeleni.

Ezra 2:70

Vaprista, ni Valevhi, ni van'wana va vanhu ntsena, va fikile va tshama eYerusalema ni kwala kusuhi, kutani vayimbeleri, ni lava rindzaka etinyangweni, ni lava tirhaka eTempeleni, a va tshama emitini ya vona. Na vona Vaisraele lavan'wana hinkwavo a va tshama emitini ya vona.

Esaya 48:20

Sukani eBabilona, mi huma etikweni ra Vakalediya, banani minkulungwana mi twarisa mhaka leyi, yi tiviseni ku ya fika evugimamusi, mi ku: “HOSI Xikwembu xi kutsurile va ka Yakobo malandza ya xona!”

Yeremiya 50:19

Vaisraele vona ndzi ta va vuyisa etikweni ra vona, tanihi tinyimpfu emadyelweni ya tona. Va ta dya leswi byariweke entshaveni ya Karmele, ni le Baxani; swakudya leswi humaka emagangeni ya Efrayimi, ni le Giliyadi, va ta swi dya va xurha.