Ezra 10:8 - BIBELE Mahungu Lamanene

⁸ Ku tivisiwile ni leswaku munhu loyi a nga ta ka a nga yi eYerusalema ku kondza ku hundza masiku manharhu, tindhuna ni vakulukumba va ta lerisa leswaku a tekeriwa swilo swa yena hinkwaswo, a tlhela a hlongoriwa a suka exikarhi ka lava va vuyeke hi le vukhumbini.

Xitsonga (Bibele)

⁸ “Hlengeletanani eYerusalema, kutani mani na mani la nga tiki hi masiku manharhu hi ku vula ka tihosana ni vakulukumba, swilo hinkwaswo swa yena swi ta dyiwa, yena a humesiwa enhlengeletanweni ya lava tlheleke eku bohiweni.”

Ezra 10:8 Referans Kwoze

Ezra 7:26

Un'wana na un'wana loyi a nga ta ala ku yingisa nawu wa Xikwembu xa wena ni nawu wa tiko, a nga tsetseleriwi, a a avanyisiwe; a nga ha avanyiseriwa rifu, kumbe a hlongoriwa etikweni, kumbe a tekeriwa swilo swa yena, kumbe a pfaleriwa ekhotsweni.”

1 Vakorinto 5:13

N'wina hi n'wexe mi avanyisa lava nga ndzeni ka kereke; a mi endlisi sweswo xana? Hlongolani lowo biha exikarhi ka n'wina.

Yohane 16:2

Va ta mi hlongola emasinagogeni; naswona, ku ta ta nkarhi lowu un'wana ni un'wana loyi a mi dlayaka a nga ta anakanya leswaku ú tirhela Xikwembu.

Yohane 9:34

Va n'wi hlamula va ku: “Wena u velekiweke ethyakeni ra swidyoho, u nga dyondzisa hina xana?” Kutani va n'wi hlongolela handle.

Yohane 9:22

Vatswari va yena a va vurisa sweswo hi ku chava Vayuda, hikuva Vayuda a va twananile leswaku, loko munhu un'wana a nga tshuka a vula leswaku Yesu i Mesiya, ú ta hlongoriwa esinagogeni.

Matewu 18:17

Loko a ala ku va yingisa, byela nhlengeletano; loko a ala ku yingisa na yona nhlengeletano, eka wena a a kotise muhedeni ni muluvisi.

Nehemiya 13:3

Loko vanhu va twile nawu, va hambanisa Vaisraele ni vanhu va tinxaka tin'wana.

1 SAMIELE 11:7

kutani a teka tihavi timbirhi, a dlaya a tsemelela nyama ya kona, a rhuma vanhu va yi yisa etikweni hinkwaro ra Israele, ni xitiviso lexi nge: “Munhu un'wana ni un'wana la alaka ku huma nyimpi a landza Sawulo na Samiele, tihavi ta yena ti ta tsemeleriwa hi ndlela yoleyo.” Kavaloko va ngheniwa hi ku chava HOSI Xikwembu, kutani va huma hinkwavo, ku nga sali munhu ni un'we.

Vaavanyisi 21:5

Kutani va vutisana va ku: “Exikarhi ka tinyimba hinkwato ta Israele, xana va kona vanhu va nyimba yin'wana lava a va nga yanga emahlweni ka HOSI Xikwembu ehlengeletanweni ya le Mispa, xana?” A va vutisana hi mhaka ya leswi va endleke xitshembiso lexikulu hi ku hlambanya, hi tlhelo ra vanhu lava nga ta ka va nga yi emahlweni ka HOSI Xikwembu eMispa; a va bohile leswaku vanhu va kona va ta dlawa.

Yoxuwa 6:19

Silivhere hinkwayo ni nsuku, ni swibya swa koporo ni swa nsimbhi swi hlawulekile eka HOSI Xikwembu; swona swi ta vekiwa evuhlayiselweni bya xuma xa HOSI Xikwembu.”

Levhitika 27:28

“Xilo xin'wana na xin'wana lexi munhu a nga na xona, ku nga va munhu kumbe homu kumbe nsimu leyi a siyeriweke yona hi vatata wa yena, loko a kala a xi nyiketa eka mina, xi nga tshuki xi xavisiwa kumbe ku kutsuriwa, hikuva hinkwaswo leswi nyiketiweke eka mina swi hlawuleke ngopfu.

Ezra 10:7

Kutani ku humesiwa nawu etikweni hinkwaro ra Yuda ni le Yerusalema, leswaku hinkwavo lava va vuyeke hi le vukhumbini va fanele ku ya hlengeletana eYerusalema.

Ezra 10:9

Kutani vavanuna hinkwavo va ka Yuda ni va ka Benjamini va hlengeletana eYerusalema masiku manharhu ma nga si hundza. Nhlengeletano yi vile hi siku ra 20 hi nhweti ya vu-9. Vanhu hinkwavo a va hlengeletanile erivaleni leri ri nga mahlweni ka Tempele, va ri karhi va rhurhumela hikwalaho ka mhaka leyi, ni hikwalaho ka mpfula leyi a yi ri karhi yi na swinene.

Nehemiya 13:28

Eliyaxibi, Muprista Lonkulu, a a ri ni n'wana loyi a va ku i Yoyada; kutani un'wana wa vana va Yoyada a ya a ya teka n'wana Muhoroni loyi a va ku i Sanibalati; hikokwalaho ka leswi, ndzi hlongola n'wana loyi wa Yoyada a suka eYerusalema.