Ezra 10:5 - BIBELE Mahungu Lamanene

⁵ Kutani Ezra a suka a yima, a lerisa varhangeri va vaprista ni Vaisraele hinkwavo, leswaku va hlambanya va tiboha ku endla leswi vuriweke. Kutani va tiboha hi ku hlambanya.

Xitsonga (Bibele)

⁵ Kavaloko Ezra a yima a hlambanyisa tihosana ta vaprista, ni ta Valevhi, ni ta Vaisraele, hinkwavo leswaku va endla hi marito walawo kutani va hlambanya.

Ezra 10:5 Referans Kwoze

Nehemiya 13:25

Kutani ndzi va holovela ni ku va rhuketela, ndzi tlhela ndzi va ba, ndzi va kokakoka hi misisi, ndzi va sindzisa ku tiboha hi ku hlambanya hi vito ra Xikwembu, ndzi ku: “Mi nga pfumeli leswaku vana va n'wina va xisati va tekiwa hi vamatiko, naswona mi nga pfumeli leswaku vana va n'wina va xinuna va teka vasati exikarhi ka vona, hambi a ri n'wina mi nga titekeli vasati exikarhi ka vanhu lava.

Nehemiya 5:12

Kutani va ku: “Swilo leswi, hi ta va tlherisela swona, naswona a hi nga lavi nchumu eka vona, hi ta endla hilaha u vulaka hakona.” Kutani ndzi vitana vaprista, ndzi byela vanhu lava ku tiboha hi ku hlambanya emahlweni ka vaprista leswaku va ta endla hilaha va tshembiseke hakona.

Matewu 26:63

Kambe Yesu a miyela. Muprista lonkulu a engeta, a ku ka yena: “Ndzi ri ka wena: Hlambanya hi Xikwembu lexi hanyaka, u hi byela loko u ri Mesiya, N'wana wa Xikwembu.”

Swivuriso 27:9

Mafurha ni mirhi ya risuna, a hi ku tsakisa ka swona, swi tano ni switsundzuxo leswi humaka embilwini ya munghana wa wena.

Swivuriso 15:23

Munhu wa tsaka loko a hlamurile mhaka hi ndlela leyi nga yona; a hi ku nandziha ka swona ku vula rito leri faneleke hi nkarhi wa kona!

Swivuriso 9:9

Tsundzuxa munhu loyi a tlhariheke, vutlhari bya yena byi ta engeteleleka, loyi a lulameke, n'wi dyondzise, a ta dyondza a ya emahlweni.

Swivuriso 1:5

Na yena loyi a tlhariheke, loko a swi landza, ú ta dyondza a ya emahlweni. Munhu loyi a twisisaka, ú kuma switsundzuxo,

Nehemiya 10:29

hi yima swin'we ni vamakwerhu, vona varhangeri, hi tiyisa leswaku makhombo lawa ma nga hi wela, hi ta ma amukela, naswona hi tshembisa hi ku hlambanya leswaku Nawu wa Xikwembu lowu xi wu nyikeke nandza wa xona Muxe, hi ta wu landza, ni leswaku swileriso swa HOSI Xikwembu N'wini wa hina ni swiletelo ni milawu ya xona hi ta swi hlayisa hi hanya ha swona.

Ezra 10:3

Kutani sweswi swa antswa hi tiboha eka Xikwembu xa hina leswaku hi ta hlongola vavasati lava hinkwavo ni vana va vona. Hina hi ta landza switsundzuxo swa wena n'wini wa hina, ni swa lava va xiximaka swileriso swa Xikwembu xa hina. Mhaka leyi yi fanele ku tirhiwa hi ku landza nawu.