Ezra 10:18 - BIBELE Mahungu Lamanene

¹⁸ Exikarhi ka vaprista, lava tekeke vasati eka vamatiko hi lava: Maaseya, na Eliezere, na Yaribi, na Gedaliya, va nga va ka Yexuwa ni vamakwavo wa yena, vona vana va Yosadaka.

Xitsonga (Bibele)

¹⁸ Ku kumiwa vana van'wana va vaprista lava tekeke vavasati valavo; eka vana va Yexuwa, n'wana Yosadaka, ni ka vana va vamakwavo, Maaseya, Eliezere, Yaribi, Gedaliya;

Ezra 10:18 Referans Kwoze

Zakariya 3:1

HOSI Xikwembu xi ndzi komba Yoxuwa muprista lonkulu a yimile emahlweni ka ntsumi ya xona, xi ndzi komba na Sathana loyi a a yimile hi tlhelo ra xinene ra Yoxuwa, a tiyimisela ku n'wi mangalela.

Hagayi 1:1

Hi lembe ra vumbirhi ra ku fuma ka hosi Dariyosi, hi siku ro sungula ra n'hweti ya vu-6 elembeni ra Xiyuda, muprofeta Hagayi a rhwexiwa rito ra HOSI Xikwembu, kutani a ri fikisa eka Zerubabele ndhunankulu ya tiko ra Yuda n'wana Salatiele, ni le ka Yoxuwa muprista lonkulu n'wana Yosadaki. Rito ra kona

Ezra 5:2

Kutani Zerubabele n'wana Salatiele na Yexuwa n'wana Yosadaka, va sungula ku aka yindlu ya Xikwembu hi vuntshwa eYerusalema, va pfuniwa hi vaprofeta va Xikwembu.

Ezra 3:2

Kutani Yexuwa n'wana Yosadaka, ni vaprista-kulobye, na Zerubabele n'wana Salatiele, ni va ka vona, va aka hi vuntshwa alitari ya Xikwembu xa Israele, leswaku va ta humesela eka yona magandzelo lama hisiwaka, hilaha swi tsariweke hakona enawini wa Muxe munhu wa Xikwembu.

Ezra 2:2

Varhangeri va vona a va ri lava: Zerubabele, na Yexuwa, na Nehemiya, na Seraya, na Relaya, na Mordekayi, na Bilixani, na Mispara, na Bigivhayi, na Rehumi, na Baana. Mintsengo ya Vaisraele lava vuyeke, hi leyi:

1 Timotiya 3:11

Hi mukhuva wolowo vavasati na vona a va chaviseke, va nga vi na rilumbeto, kambe va dya hi ku pima, va tshembeka eswilweni hinkwaswo.

Ezekiele 44:22

Loko muprista a lava ku teka nsati, a nga tshuki a hlawula loyi a feriweke kumbe loyi a tshikiweke hi nuna; muprista ú fanele ku teka wanhwana wa rixaka ra Israele, kumbe a teka wansati loyi a feriweke hi nuna loyi a a ri muprista na yena.

Yeremiya 23:14

Kasi na le xikarhi ka vaprofeta va le Yerusalema, ndzi vona manyala lama chavisaka ku tlula mpimo: Va endla vuoswi, va tsakela mavunwa, va seketela vadyohi emintirhweni ya vona leyo biha, kutani a ka ha ri na un'we la chavaka ku endla leswo homboloka. Vanhu lava eka mina va onhakile hinkwavo kukota va le Sodoma, vaaki va Yerusalema a va hambananga ni va le Gomora.

Yeremiya 23:11

HOSI Xikwembu xi ri: “Vaprofeta ni vaprista va endla swo fana, hinkwavo va nyamisa tiko; hambi eTempeleni, ndzi kuma swiendlo swa vona leswo biha.

Nehemiya 13:28

Eliyaxibi, Muprista Lonkulu, a a ri ni n'wana loyi a va ku i Yoyada; kutani un'wana wa vana va Yoyada a ya a ya teka n'wana Muhoroni loyi a va ku i Sanibalati; hikokwalaho ka leswi, ndzi hlongola n'wana loyi wa Yoyada a suka eYerusalema.

Nehemiya 12:10

Yexuwa ú veleke Yoyakimi, kutani Yoyakimi a veleka Eliyaxibi, Eliyaxibi a veleka Yoyada,

Nehemiya 8:7

Loko vanhu hinkwavo va ha ri etindhawini ta vona, ku vile ni Valevhi lava va va hlamuseleke Nawu leswaku va ta wu twisisa, va nga lava: Yexuwa, na Bani, na Xerebiya, na Yamini, na Akubu, na Xabetayi, na Hodiya, na Maaseya, na Kelita, na Azariya, na Yozabadi, na Hanani, na Pedaya.

Nehemiya 8:4

Ezra mutsari a a yimile ehenhla ka vuhiri bya mapulangi lebyi a byi endleriwile ntirho lowu. Evokweni ra yena ra xinene a ku yimile Matitiya, na Xema, na Anaya, na Uriya, na Hilkiya, na Maaseya, kasi evokweni ra yena ra ximatsi a ku yime Pedaya, na Mixaele, na Malkiya, na Haxumu, na Haxibadana, na Zakariya, na Mexulama.

Ezra 9:1

Endzhaku ka loko swilo leswi swi endliwile, varhangeri va ta eka mina va fika va ku: “Vaisraele, ni Valevhi, ni vaprista, va tinyiketile eka manyala lama endliwaka hi vamatiko, a va tihambanisanga ni Vakanana, ni Vahiti, ni Vaperesi, ni Vayebusi, ni Vaamoni, ni Vamowabu, ni Vaegipta, ni Vaamori.

Levhitika 21:7

Loko va teka, va nga tshuki va ya lava nghwavava, kumbe loyi a nga tshama a tivana ni wanuna, kumbe wansati loyi a tshikaneke ni nuna, hikuva muprista ú hlawuleriwe ku tirhela mina Xikwembu xa yena.

Ezra 9:2

Va titekele vasati, va tekela ni vana va vona evasati exikarhi ka vamatiko; hikokwalaho, va nyamisile ndyangu lowo hlawuleka wa Xikwembu. Tindhuna ni varhangeri, hi vona va khumbiwaka ngopfu hi mhaka ya ku dyoha loku.”

Ezra 10:17

Hi siku ro sungula ra n'hweti yo sungula, a va vonanile ni vavanuna hinkwavo lava a va tekile vasati eka vamatiko.

Hagayi 1:12

Hiloko Zerubabele n'wana Salatiele na Yoxuwa muprista lonkulu n'wana Yosadaki, swin'we ni ntlawa wa lava vuyeke hi le vukhumbini, va yingisa marito ya HOSI Xikwembu xa vona, ni marito ya muprofeta Hagayi, lawa a ma vuyeke hi ku rhumiwa hi HOSI Xikwembu xa vona. Kutani vanhu va khomiwa hi ku chava emahlweni ka xona.

Hagayi 2:4

Kambe, hambiswiritano, tiya nhlana wena Zerubabele, ku vula mina HOSI. Tiya nhlana wena Yoxuwa muprista lonkulu n'wana Yosadaki. Na n'wina vaaki va tiko hinkwenu, tiyani nhlana; ndzi vula sweswo, mina HOSI. Tirhani, hikuva ndzi na n'wina, ku vula mina HOSI ya matimba hinkwawo.

Zakariya 6:11

Kutani u amukela eka vona silivhere ni nsuku, u endla harhi ha swona, u yi tlhandleka enhlokweni ya Yoxuwa muprista lonkulu, n'wana Yosadaki.

Ezra 2:36

Vaprista hi lava: Va ka Yedaya, va nga va ndyangu wa ka Yexuwa, i 973;

Ezra 3:8

Hi n'hweti ya vumbirhi elembeni ra vumbirhi loko va fikile endlwini ya Xikwembu eYerusalema, Zerubabele n'wana Salatiele, na Yexuwa n'wana Yosadaka, kun'we ni vamakwavo lavan'wana, va nga vaprista ni Valevhi, ni hinkwavo lava vuyeke hi le vukhumbini, va sungula ntirho wa ku aka yindlu ya HOSI Xikwembu hi vuntshwa, kutani va hlawula Valevhi lava nga ni malembe ya 20 ni ku tlula, leswaku va va valanguteri va ntirho wa kona.

Yeremiya 23:10

hikuva tiko hinkwaro ri tele hi vaoswi, lava tsutsumelaka ku endla leswo biha; eku dyoheni, hi vona va nga tinhenha! Hikwalaho ka ndzhukano wa kona, tiko ra onhaka; enhoveni, madyelo ya swifuwo a ma ha ri na byanyi.