Ezra 10:11 - BIBELE Mahungu Lamanene

¹¹ Hikokwalaho, tisoleni eka Xikwembu xa vatata wa n'wina, mi endla leswi xi rhandzaka swona; hambanani ni vanhu va tiko leri, mi tshika ni vavasati lava mi va tekeke eka vona.”

Xitsonga (Bibele)

¹¹ Sweswi, dzunisani Yehovha Xikwembu xa vatata wa n'wina, mi endla hi ku rhandza ka yena mi tihlawula eka vamatiko ya misava, ni le ka vavasati vambe.”

Ezra 10:11 Referans Kwoze

Varhoma 12:2

Mi nga landzi hanyelo ra nguva leyi, kambe mi pfumela ku hundzuka mi va vantshwa emiehleketweni ya n'wina, mi ta kota ku twisisa leswi ku rhandza lokunene ka Xikwembu, loku nkhensekaka ni ku hetiseka, ku nga swona.

Swivuriso 28:13

Loyi a fihlaka swidyoho swa yena, a nge humeleli, kasi loyi a swi vulaka, kutani a hambana na swona, ú ta kuma tintswalo.

Ezra 10:3

Kutani sweswi swa antswa hi tiboha eka Xikwembu xa hina leswaku hi ta hlongola vavasati lava hinkwavo ni vana va vona. Hina hi ta landza switsundzuxo swa wena n'wini wa hina, ni swa lava va xiximaka swileriso swa Xikwembu xa hina. Mhaka leyi yi fanele ku tirhiwa hi ku landza nawu.

Yoxuwa 7:19

Kutani Yoxuwa a ku ka Akani: “N'wananga, dzunisa HOSI Xikwembu xa Israele, u twarisa vito ra xona: Sweswi, ndzi byele leswi u swi endleke; u nga tshuki u ndzi fihlela nchumu.”

Vakolosa 1:10

hi ndlela leyi, mi ta hanya vutomi lebyi fanekelaka emahlweni ka Hosi, mi yi tsakisa etimhakeni hinkwato, mi tswala mihandzu hi ku tirha mintirho leyinene ya tinxaka-xaka, mi ya mi kula hi tlhelo ra ku tiva Xikwembu.

2 Vakorinto 6:17

Hikokwalaho, Hosi yi ri: “Humani exikarhi ka vona, mi hambana na vona; mi nga tshuki mi khumba leswi nga tengangiki, kutani ndzi ta mi amukela.

Yeremiya 3:13

Amukela ntsena nandzu wa wena, u pfumela leswaku u tiarisile emahlweni ka mina HOSI Xikwembu xa wena; u fambile u ya tinyiketa eka swikwembu swimbe ehansi ka nsinya wun'wana ni wun'wana lowu tlhumeke, kutani u tlurile ku lerisa ka mina. Ndzi vula sweswo mina HOSI.’ ”

Esaya 56:4

hikuva HOSI Xikwembu xi ri: “Loko vatsheniwa va hlayisa masiku ya mina ya Savata, ni loko va tsakela ku endla leswi ndzi swi lavaka, va chivirikela ni ntwanano wa mina,

Pisalema 32:5

Kutani ndzi boxile ku dyoha ka mina, a ndzi ku fihlelanga ku homboloka ka mina. Ndzi vurile ndzi ku: “Ndzi ta tisola eka HOSI, ndzi vula nandzu wa mina.” Kutani we HOSI, u ndzi rhurile ndzhwalo wa swidyoho swa mina.

Nehemiya 13:3

Loko vanhu va twile nawu, va hambanisa Vaisraele ni vanhu va tinxaka tin'wana.

Ezra 9:1

Endzhaku ka loko swilo leswi swi endliwile, varhangeri va ta eka mina va fika va ku: “Vaisraele, ni Valevhi, ni vaprista, va tinyiketile eka manyala lama endliwaka hi vamatiko, a va tihambanisanga ni Vakanana, ni Vahiti, ni Vaperesi, ni Vayebusi, ni Vaamoni, ni Vamowabu, ni Vaegipta, ni Vaamori.

Vaheveru 13:21

ingi xi nga mi longela hinkwaswo leswinene leswi nga ta mi pfuna ku endla ku rhandza ka xona, xi ri karhi xi tirha eka hina leswi xi swi tsakelaka, ha Yesu Kriste. Eka xona a ku ve ku dzuneka hi masiku ni masiku. Amen!

Yohane 9:24

Va tlhela va vitana kambe munhu loyi a a file mahlo, va ku ka yena: “Hlambanya emahlweni ka Xikwembu! Hina ha swi tiva leswaku munhu loyi i mudyohi.”

2 TIKRONIKA 30:22

Hosi Hezekiya a vulavula ni Valevhi hinkwavo a va tiyisa, hikuva a va fambisa ntirho wa HOSI hi ndlela yo saseka ngopfu. Kutani vanhu hinkwavo va dya nkhuvo masiku ya 7, va humesa magandzelo ya xinakulobye va ri karhi va tlangela HOSI, Xikwembu xa vatata wa vona.

Ezra 10:10

Kutani muprista Ezra a suka a yima a ku ka vona: “Mi vangele tiko ra Israele nandzu hi ku tlula nawu, mi ya mi ya teka vasati eka vamatiko.

Ezra 10:12

Kutani ntshungu hinkwawo wu hlamula, wu huwelela hi rito rin'we wu ku: “Hiswona! Hi fanele ku endla hilaha u vuleke hakona.

Nehemiya 9:2

Vaisraele va tihambanisa ni vanhu va matiko mambe kutani va yima va tisola hikwalaho ka swidyoho swa vona ni swa vatata wa vona.

Yeremiya 7:3

“Mina HOSI ya matimba hinkwawo, Xikwembu xa Israele, ndzi ri: Lulamisani mahanyelo ya n'wina mi tshika ni mintirho ya n'wina leyo biha, kutani ndzi ta mi tshamisisa endhawini leyi.

Ezekiele 18:30

“Hikokwalaho, mina HOSI N'wini wa hinkwaswo ndza mi byela n'wina Vaisraele leswaku ndzi ta avanyisa un'wana ni un'wana wa n'wina hi ku ya hi mintirho ya yena. Hundzukani ke, mi hambana ni mintirho ya n'wina hinkwayo leyo homboloka, leswaku swidyoho swa n'wina swi nga tshuki swi mi vangela ku lova.