Ezra 1:6 - BIBELE Mahungu Lamanene

⁶ Vanhu hinkwavo lava va ka Yuda a va akile exikarhi ka vona, va va pfunile hi ku va nyika swibya swa silivhere ni swa nsuku, ni swingolongondzwana swin'wana, ni swifuwo, ni swilo swin'wana swa nkoka, ehandle ka tinyiko hinkwato leti munhu a ngo ti humesa hi ku titwa.

Xitsonga (Bibele)

⁶ Kutani hinkwavo lava akisaneke na vona, va va engetela hi timbita ta silivhere, ni ta nsuku, ni xuma, ni tihomu, ni swilo swo saseka, ehandle ka leswi va nga swi humesa hi ku rhandza ka vona.

Ezra 1:6 Referans Kwoze

2 Vakorinto 9:7

Un'wana ni un'wana a a nyike hilaha a pimaniseke hakona embilwini ya yena, a humesa hi ku ntshunxeka, ku nga ri hi ku vilela, hikuva Xikwembu xi rhandza loyi a nyikaka a tsakile.

Pisalema 110:3

Siku u hlomaka matlhari, tinhenha ti ta huma na wena ti tsakile. Majaha ma ta ta eka wena ma huma etintshaveni leto hlawuleka, ma fana ni mberha leyi waka loko vurhonga byi tshwuka.

Ezra 8:33

kutani hi siku ra vumune hi ya endlwini ya Xikwembu xa hina, hi fika hi hlaya silivhere, ni nsuku ni swibya, hi swi veka emavokweni ya muprista Meremoto n'wana Uriya, a ri na Eliyazara n'wana Finiyasi, ni Valevhi vambirhi, Yozabada n'wana Yexuwa, na Nowadiya n'wana Binuyi.

Ezra 1:4

Etindhawini hinkwato, vanhu lava tshamaka ni maselela ya va ka Yuda, va fanele ku va pfuna hi silivhere, ni nsuku, ni swibya, ni swifuwo, ehandle ka tinyiko leti va ti humesaka hi ku titwa, va ti humesela yindlu ya Xikwembu xa le Yerusalema.”

Nehemiya 6:9

Hinkwavo a va lava ku ndzi chavisa, hikuva a va ku: “Va ta tshika ku aka, kutani ntirho wu ta yima.” Kutani ndzi khongela ndzi ku: “We Xikwembu, ndzi nyike matimba!”

Esaya 35:3

Lava va nga ha kotiki ku tirha nchumu, va nyikeni matimba, tiyisani ni lava va nga ha laviki ku famba-famba.

Eksoda 12:35

Vaisraele va endla ni leswi Muxe a a va lerisile swona: Va kombela swo bomba ha swona swa silivhere ni nsuku eka Vaegipta, va kombela ni swo ambala.

Eksoda 12:36

Naswona, HOSI Xikwembu xi endla leswaku Vaisraele va tsakeriwa hi Vaegipta, va nyikiwa leswi va swi kombelaka. Hi ndlela leyi, Vaisraele va tekela Vaegipta swilo swa vona.

1 TIKRONIKA 29:9

Kavaloko Vaisraele va tsaka ku vona tinyiko leti vanhu va ti humeseke hi ku titwa, hikuva varhangeri a va humesile hi timbilu ta vona hinkwato, va humesela HOSI Xikwembu va tsakile. Na yena hosi Davhida a tsakisiwa swinene hi manyikele lawa.

Pisalema 106:46

Xi endlile leswaku hinkwavo lava yiseke Vaisraele evukhumbini, va sungula ku va twela vusiwana.