Ezra 1:2 - BIBELE Mahungu Lamanene

² “Mina Korexe hosi ya Vaperesi, ndzi vurisa sweswo ndzi ri: HOSI, Xikwembu xa le matilweni, xi ndzi vekile ku va hosi ya matiko hinkwawo laha misaveni, kutani xi ndzi lerisile ku xi akela yindlu le Yerusalema, etikweni ra Yuda.

Xitsonga (Bibele)

² “Ku vula Korexe, hosi ya Vaperesi: Yehovha, Xikwembu xa le matilweni, xi ndzi nyikile vuhosi hinkwabyo bya misava; kambe xi ndzi lerisile leswaku ndzi n'wi akela yindlu eYerusalema, etikweni ra Yuda.

Ezra 1:2 Referans Kwoze

Esaya 44:26

Kambe leswi malandza ya mina ma swi tivisaka, ndza swi tiyisa, ni makungu lawa varhumiwa va mina va ma twarisaka, ndzi endla leswaku ma humelela. Hi tlhelo ra muti wa Yerusalema, ndzi ri: ‘Wu ta tlhela wu va ni vanhu.’ Hi tlhelo ra miti ya Yuda, ndzi ri: ‘Yi ta akiwa hi vuntshwa, ndzi ta yi pfuxa.’

Daniele 5:23

U tikurisile ngopfu emahlweni ka Xikwembu Hosi ya matilo; swibya swa le ndlwini ya xona, swi tisiwile eka wena; kutani wena ni tindhuna ta wena ni vasati va wena lavakulu ni lavatsongo, mi le ku nweni ka vhinyo hi swibya leswi, mi dzunisa swikwembu swa n'wina swa silivhere, ni swa nsuku, ni swa koporo, ni swa nsimbhi, ni swa timhandze, ni swa maribye. Swikwembu leswi a swi voni, a swi twi, a swi tivi nchumu! Kambe Xikwembu lexi tameleke ku hefemula ka wena ni makungu hinkwawo ya vutomi bya wena, a wu na mhaka na xona, a wu xi dzunisi.

Daniele 4:32

U ta hlongoriwa u suka exikarhi ka vanhu, u ya tshama ni swiharhi swa nhova, u dya byanyi ku fana ni homu. Swi ta va tano malembe ya 7, u kondza u tiva leswaku Loyi a nga henhla-henhla ú fuma tihosi hinkwato, ni leswaku ú teka vuhosi a byi nyika loyi a n'wi tsakelaka.”

Daniele 4:25

U ta hlongoriwa u suka exikarhi ka vanhu, u ya hanya ni swiharhi swa nhova, u dya byanyi ku fana ni homu, u wela hi mberha, ku kondza ku hundza malembe ya 7. Hikona u nga ta tiva leswaku Loyi a nga henhla-henhla ú fuma tihosi hinkwato, ni leswaku ú teka vuhosi a byi nyika loyi a n'wi tsakelaka.

Daniele 2:28

Kambe ematilweni, ku ni Xikwembu lexi paluxaka swihundla, kutani we hosi Nebukadnetsara, xi ku tivisile leswi nga ta humelela eminkarhini leyi taka. Loko u etlele, u lorhile milorho ni ku vona swivono.

Daniele 2:21

Hi xona xi hundzuluxaka minkarhi ni tinguva, xi susa ni ku veka tihosi eswitulwini swa tona; hi xona xi nyikaka vutlhari ni vutivi eka tintlhari ni ka lava twisisaka;

Yeremiya 10:11

Vanhu lava a va tivisiwe mhaka leyi nge: “Swikwembu leswi nga vumbangiki tilo kumbe misava, swi ta nyamalala kwala misaveni, swi herisiwa ehansi ka tilo!”

Esaya 66:1

HOSI Xikwembu xi ri: “Matilo i xiluvelo xa mina, misava i ndhawu leyi ndzi kandziyaka eka yona. Yindlu leyi mi nga ndzi akelaka yona leswaku yi va ndhawu ya mina yo wisela eka yona, xana yi nga va tani hi kwihi xana?

2 TIKRONIKA 2:12

Hiramu a engeta a ku: “A ku dzunisiwe HOSI Xikwembu xa Israele, xona xi endleke tilo ni misava, hikuva hi xona xi nyikeke hosi Davhida en'wana la twisisaka, wa mianakanyo leyinene, loyi a nga ta xi akela eyindlu, a tlhela a tiakela tindlu ta yena ta le ntsindza.

1 TIHOSI 8:27

“Kambe xana wena Xikwembu u nga tshama emisaveni hakunene ke? Leswi matilo ya matilo ma nga ku eneriki, Tempele leyi ndzi yi akeke, yi nga ku enerisa ku yini xana?

Ezra 1:5

Kutani varhangeri va mindyangu ya va ka Yuda ni va ka Benjamini, swin'we ni vaprista, ni Valevhi, ni vanhu hinkwavo lava Xikwembu xi khumbeke timbilu ta vona, va tlhelela eYerusalema ku ya aka yindlu ya HOSI Xikwembu hi vuntshwa.

Ezra 3:7

Kutani va humesa mali va nyika vavatli va maribye ni va mapulangi; va rhumela va le Sidoni ni va le Tiri swakudya ni swakunwa ni mafurha, leswaku va ta va lavela timhandze ta kedari eLebanoni, va ta na tona emutini wa Yopa hi ndlela ya lwandle. Leswi va swi endlile hi ku pfumeleriwa hi Korexe hosi ya Vaperesi.

Ezra 4:3

Kambe Zerubabele na Yexuwa ni tinhloko ta mindyangu ya Vaisraele, va va hlamula va ku: “Hina a hi swi lavi leswaku mi aka na hina yindlu ya Xikwembu xa hina. Yindlu ya HOSI Xikwembu, hi ta yi aka hi ri hexe, hilaha Korexe hosi ya Vaperesi a hi leriseke hakona.”

Pisalema 136:26

Tlangelani Xikwembu xa matilo! — Rirhandzu ra xona hi leri nga heriki —

Esaya 41:2

“Xana munhu loyi wa le vuxeni, loyi minkarhi hinkwayo a hlulaka, ú rhumile hi mani xana? I mani loyi a n'wi nyikeke matimba yo hlula matiko, a kandziyela ni tihosi ehansi, xana? Hi fumu ra yena, ú endla leswaku vanhu va sala va fana ni ritshuri, a va hahisa hi vurha, tanihi mavivi.

Esaya 44:28

Hi tlhelo ra Korexe, ndzi ri: ‘I murisi wa ntlhambi wa mina, hinkwaswo leswi ndzi swi lavaka, ú ta swi endla: Ú ta lerisa leswaku muti wa Yerusalema wu pfuxiwa, ni leswaku masungulo ya Tempele ma akiwa hi vuntshwa.’ ”

Esaya 45:1

HOSI Xikwembu xi vurisa sweswo hi tlhelo ra Korexe, xi ri xi n'wi hlawurile, xi n'wi khoma hi voko, leswaku xi ta n'wi hlurisa matiko, a tekela tihosi matlhari ya tona; xi ta n'wi pfulela timbanti ta miti, leswaku tinyangwa ti tshama ti pfulekile.

Daniele 6:25

Kutani hosi Dariyosi a tsalela vanhu va tinxaka hinkwato lava akeke etikweni ra yena hinkwaro lava vulavulaka tindzimi to hambana-hambana a ku: “Ku rhula a ku ve na n'wina!

Yonasi 1:9

“Mina ndzi Muheveru”, ku hlamula Yonasi. “HOSI Xikwembu xa matilo hi xona lexi ndzi xi chavaka, xona lexi vumbeke lwandle ni misava.”

Ezra 5:15

a n'wi lerisa ku teka swibya leswi a ya swi veka eTempeleni leyi nga Yerusalema, a tlhela a vona leswaku yindlu ya Xikwembu yi akiwa hi vuntshwa endhawini ya yona ya khale.

Ezra 6:3

Hosi Korexe ú vekile nawu hi lembe ro sungula ra ku fuma ka yena, a lerisa leswaku yindlu ya Xikwembu leyi nga Yerusalema yi akiwa hi vuntshwa, yi nga ndhawu leyi magandzelo lama dyiwaka ni lama hisiwaka ma humeseriwaka eka yona; yindlu ya kona yi ta va 30 m ku ya ehenhla, ni 30 m ku anama,

Ezra 6:10

leswaku va ta humesa magandzelo lama tsakisaka Xikwembu xa matilo, va khongelela ni hosi ni vana va yona leswaku va hanya swinene.

Ezra 7:12

“Eka Ezra muprista, matsalani wa nawu wa Xikwembu xa matilo, mina Ataserkisi hosi ya tihosi, ndzi ri, xewani!

Nehemiya 1:4

Kuteloko ndzi twa marito lawa, ndzi tshama hansi ndzi rila. Ndzi hetile masiku yo tala ndza ha rila, ndzi titsona ni swakudya, ndzi khongela Xikwembu xa matilo,

Nehemiya 1:5

ndzi ku: “We HOSI, Xikwembu xa matilo, wena Xikwembu lexikulu lexi chavisekaka, wena u hlayisaka ntwanano, u kombaka tintswalo eka lava va ku rhandzaka, lava hlayisaka swileriso swa wena,

Pisalema 85:2

U dlayile milandzu ya vanhu va wena, u va rivalela swidyoho swa vona hinkwaswo.

Swivuriso 21:1

Mbilu ya hosi i xinambyana xa mati lexi fambisiwaka hi HOSI Xikwembu, xi yi jikisela hinkwako lomu xi ku rhandzaka.

Yeremiya 27:5

‘Ndzi tumbuluxile misava hi matimba ya mina lamakulu, ndzi tumbuluxile ni vanhu ni swiharhi leswi nga ka yona, kutani ndzi swi veka emavokweni ya munhu loyi ndzi n'wi tsakelaka.

Yeremiya 29:10

“HOSI Xikwembu xi vurisa sweswo xi ri: ‘Loko va le Babilona va ta va va mi fumile malembe ya 70, ndzi ta ta ndzi ta mi pfuna, ndzi hetisa leswi ndzi mi tshembiseke swona, kutani ndzi ta mi vuyisa exivandleni lexi.

Daniele 1:21

Daniele ú tshamile entsindza ku kondza ku fika lembe ro sungula ra ku fuma ka hosi Korexe.