Ezra 1:1 - BIBELE Mahungu Lamanene

¹ Hi lembe ro sungula ra ku fuma ka Korexe hosi ya Vaperesi, HOSI Xikwembu xi hetisisa marito ya xona lama vuriweke hi muprofeta Yeremiya, xi nyika Korexe miehleketo yo veka nawu ematikweni ya yena hinkwawo, wu tlhela wu tsariwa kunene; nawu wa kona hi lowu:

Xitsonga (Bibele)

¹ Hi lembe ro sungula ra Korexe, hosi ya Peresi, hileswaku ku endlakala rito ra Yehovha leri a ri vuleke hi nomu wa Yeremiya, Yehovha a pfuxa mbilu ya Korexe, hosi ya Peresi, kutani a twarisa hinkwako eku fumeni ka yena hi mukhosi ni matsalwa mhaka leyi nge:

Ezra 1:1 Referans Kwoze

Yeremiya 29:10

“HOSI Xikwembu xi vurisa sweswo xi ri: ‘Loko va le Babilona va ta va va mi fumile malembe ya 70, ndzi ta ta ndzi ta mi pfuna, ndzi hetisa leswi ndzi mi tshembiseke swona, kutani ndzi ta mi vuyisa exivandleni lexi.

Swivuriso 21:1

Mbilu ya hosi i xinambyana xa mati lexi fambisiwaka hi HOSI Xikwembu, xi yi jikisela hinkwako lomu xi ku rhandzaka.

Ezra 7:27

A ku dzunisiwe HOSI Xikwembu xa vatatana lexi xi nyikeke hosi ya tiko miehleketo ya ku sasekisa yindlu ya xona le Yerusalema;

Pisalema 106:46

Xi endlile leswaku hinkwavo lava yiseke Vaisraele evukhumbini, va sungula ku va twela vusiwana.

Ezra 6:22

Va endlile ni nkhuvo wa xinkwa lexo-ke-comela lowu heteke masiku ya 7, va wu dya va tsakile, hikuva HOSI Xikwembu a xi va katekisile, xi endla ni leswaku hosi ya Asiriya yi va tsakela, yi va pfuna entirhweni wa ku aka yindlu ya Xikwembu xa Israele.

Daniele 2:1

Hi lembe ra vumbirhi ra ku fuma ka yena, Nebukadnetsara a lorha milorho yo tala, kutani a karhateka emoyeni, vurhongo byi nga ha phahi.

Yohane 1:23

A ku: “Mina ndzi rito ra munhu la huwelelaka emananga a ku: ‘Lulamisani ndlela ya Hosi’, hilaha muprofeta Esaya a vuleke hakona.”

Ezra 1:5

Kutani varhangeri va mindyangu ya va ka Yuda ni va ka Benjamini, swin'we ni vaprista, ni Valevhi, ni vanhu hinkwavo lava Xikwembu xi khumbeke timbilu ta vona, va tlhelela eYerusalema ku ya aka yindlu ya HOSI Xikwembu hi vuntshwa.

Ezra 4:3

Kambe Zerubabele na Yexuwa ni tinhloko ta mindyangu ya Vaisraele, va va hlamula va ku: “Hina a hi swi lavi leswaku mi aka na hina yindlu ya Xikwembu xa hina. Yindlu ya HOSI Xikwembu, hi ta yi aka hi ri hexe, hilaha Korexe hosi ya Vaperesi a hi leriseke hakona.”

Ezra 6:3

Hosi Korexe ú vekile nawu hi lembe ro sungula ra ku fuma ka yena, a lerisa leswaku yindlu ya Xikwembu leyi nga Yerusalema yi akiwa hi vuntshwa, yi nga ndhawu leyi magandzelo lama dyiwaka ni lama hisiwaka ma humeseriwaka eka yona; yindlu ya kona yi ta va 30 m ku ya ehenhla, ni 30 m ku anama,

Ezra 6:14

Kutani vakulukumba va Vayuda va ya emahlweni va aka, va nga siveli hi nchumu, hilaha muprofeta Hagayi na Zakariya n'wana Ido va vuleke hakona, va heta ntirho lowu Xikwembu xa Israele xi nga va lerisa ku wu endla. Va wu tirhile hi ku pfumeleriwa hi Korexe, na Dariyosi.

Esaya 44:28

Hi tlhelo ra Korexe, ndzi ri: ‘I murisi wa ntlhambi wa mina, hinkwaswo leswi ndzi swi lavaka, ú ta swi endla: Ú ta lerisa leswaku muti wa Yerusalema wu pfuxiwa, ni leswaku masungulo ya Tempele ma akiwa hi vuntshwa.’ ”

Yeremiya 1:1

Leyi i buku ya timhaka ta Yeremiya n'wana Hilkiya. Yeremiya a a ri un'wana wa vaprista lava tshamaka emutini wa Anatoto, etikweni ra Benjamini.

Ezekiele 38:5

Mavuthu ya wena ma ta tatisiwa hi Vaperesi ni Vaetiyopiya ni va le Putu, hinkwavo va tamerile switlhangu, va ambarile ni swihuku.

Daniele 6:25

Kutani hosi Dariyosi a tsalela vanhu va tinxaka hinkwato lava akeke etikweni ra yena hinkwaro lava vulavulaka tindzimi to hambana-hambana a ku: “Ku rhula a ku ve na n'wina!

Daniele 9:2

mina Daniele a ndzi ri eku hlayeni ka Matsalwa, ndzi anakanya ta malembe ya 70 lawa muti wa Yerusalema wu fanelaka ku tshama wu ri rhumbi, hilaha HOSI Xikwembu xi byeleke muprofeta Yeremiya hakona.

Esaya 45:1

HOSI Xikwembu xi vurisa sweswo hi tlhelo ra Korexe, xi ri xi n'wi hlawurile, xi n'wi khoma hi voko, leswaku xi ta n'wi hlurisa matiko, a tekela tihosi matlhari ya tona; xi ta n'wi pfulela timbanti ta miti, leswaku tinyangwa ti tshama ti pfulekile.

Daniele 1:21

Daniele ú tshamile entsindza ku kondza ku fika lembe ro sungula ra ku fuma ka hosi Korexe.