Ezekiele 1:13 - BIBELE Mahungu Lamanene

¹³ Exikarhi ka swivumbiwa leswi hanyaka, a ku vonaka swilo leswi fanaka ni makala lama vuvumelaka kumbe swisana swa ndzilo, swi rhendzeleka-rhendzeleka, ndzilo wa kona wu vangama swinene wu hatima-hatima.

Xitsonga (Bibele)

¹³ Loko xi ri xifaniso xa swivumbiwa, a xi fana ni makala lama vangamaka, ni mavoningo lama pfurhaka ngopfu; ndzilo a wu fambafamba exikarhi ka swivumbiwa leswi hanyaka, ndzilo lowu a wu vangama, ni rihati a ri huma endzilweni.

Ezekiele 1:13 Referans Kwoze

Nhlavutelo 4:5

Exiluvelweni a ku huma ku hatima-hatima, ni ku pfuma, ni ku baleka ka tilo; kutani emahlweni ka xiluvelo a ku pfurha swisana swa ndzilo swa 7, yi nga mimoya ya 7 ya Xikwembu.

Pisalema 104:4

timheho u ti endla tintsumi ta wena, ndzilo wa rihati wu hundzuka nandza wa wena.

Nhlavutelo 18:1

Endzhaku ka sweswo ndzi vona ntsumi yin'wana yi xika hi le tilweni, yi ri ni matimba lamakulu, ni misava yi voningiwa hi ku vangama ka yona.

Nhlavutelo 10:1

Kutani ndzi vona ntsumi yin'wana ya matimba yi xika hi le tilweni yi phutseriwile hi papa, yi ri ni nkwangulatilo ehenhla ka nhloko ya yona; nghohe ya yona a yi fana ni dyambu, milenge ya yona yi fana ni timhandze ta ndzilo.

Matewu 28:3

A yi vangama ku fana ni rihati, ni swiambalo swa yona a swi basile kukota gamboko.

Ezekiele 1:7

Milenge ya swona a yi lehile, yi ri ni minkondzo yo fana ni swinyondzwana swa rhole, yi hatima kukota koporo leyi vangamisiweke.

Genesa 15:17

Loko dyambu ri perile, ku va ni xinyami lexikulu, kutani ku humelela mbita leyi tuvikaka musi, ni xisana xa ndzilo, swi hundza hi le xikarhi ka nyama leyi veketeriweke.

2 Vatesalonika 1:7

kutani xi ta mi nyika ku wisa swin'we na hina, n'wina mi xanisiwaka; xi ta endla sweswo siku Hosi Yesu a humelelaka hi le tilweni, swin'we ni tintsumi ta yena ta matimba,

Ezekiele 10:2

Kutani Xikwembu xi lerisa wanuna loyi a ambaleke swiambalo swa ntsembyani, xi ku: “Nghena exikarhi ka mavhilwa lama rhendzelekaka ehansi ka tikerubu, kutani u nusa makala lama vuvumelaka exikarhi ka tikerubu leti, u tata swandla swa wena ha wona u ya ma haxa emutini.” Kutani wanuna loyi a nghena kona ndzi ri karhi ndzi n'wi vona.

Daniele 7:9

“Kuteloko ndza ha langutile, ku veketeriwa swiluvelo, kutani loyi a a ri kona ku sukela khale a tshama exiluvelweni xa yena. Swiambalo swa yena a swi basile ku fana ni gamboko, misisi ya yena a yi fana ni voya byo saseka bya nyimpfu. Xiluvelo xa yena a xi vuvumela, xi ri ni mavhilwa lama vangamaka kukotisa ndzilo.